ମାଲକାନଗିରି : ଜଗଦୀଶ ରାଓ କ୍ରିକେଟ୍ କ୍ଲବ୍ ପକ୍ଷରୁ ମାଲକାନଗିରି ପ୍ରିମିୟର ଲିଗ୍ ପାଇଁ ସ୍ଥାନୀୟ ନଗରଭବନ ଠାରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏହି ଲିଗ୍ରେ ଅବିଭକ୍ତ କୋରାପୁଟ ଜିଲ୍ଲାର ଖେଳାଳିଙ୍କୁ ଚୟନ କରି ସେମାନଙ୍କୁ ବିଭିନ୍ନ ଦଳରେ ସାମିଲ କରି ଏହି ଲିଗ୍କୁ ଆୟୋଜନ କରାଯିବାକୁ ବୈଠକରେ ନିଷ୍ପତ୍ତି ନିଆଯାଇଛି । ଏହି ଖେଳ ୧୧ଦିନ ପର୍ଯ୍ୟନ୍ତ ଅନୁଷ୍ଠିତ ହେବ । ତେବେ ଏହାକୁ ନେଇ ଗୁରୁବାର ଏହି ୬ଟି ଟିମର ପରିଚାଳକ ଯଥା ପ୍ରୀତପାଲ ସିଙ୍ଗ, ଏମିଡି ଫାରୁକ, ଜ୍ଞାନେନ୍ଦ୍ର ଢ଼ାଲି, ସୃଜନ ସାହୁ, ବିକାଶ ମଲ୍ଲିକ, ମାନସ ରଂଜନ ଜେନା ପ୍ରମୁଖ ଉପସ୍ଥିତ ଥିଲେ । ଏହି ବୈଠକରେ ମାଲକାନଗିରି କ୍ରିକେଟ୍ର ଉନ୍ନତି ଓ ଖେଳାଳିଙ୍କ ପ୍ରତିଭାର ବିକାଶ ସହ କିପରି ଏହି ମାଲକାନଗିରି ପ୍ରିମିୟର ଲିଗକୁ ସଫଳ କରି ହେବ ସେନେଇ ଆଲୋଚନା କରାଯାଇଥିଲା ।