କଣ୍ଟାବାଞ୍ଜି, (କୈଳାଶ ସଗ୍ରିଆ) : ତୁରେକେଲା ବ୍ଲକ ଅନ୍ତର୍ଗତ ପଖନମୁଣ୍ଡା ଉଚ୍ଚ ପ୍ରାଥମିକ ବିଦ୍ୟାଳୟରେ ଆମେରିକାନ ଇଣ୍ଡିଆ ଫାଉଣ୍ଡେସନ ଦ୍ଵାରା ପରିଚାଳିତ ଲେମ୍ପ ପରିବର୍ତ୍ତନ ପ୍ରକଳ୍ପ ଦ୍ଵାରା ନିୟୋଜିତ ଶିକ୍ଷାମିତ୍ରଙ୍କ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି । ବ୍ଲକ ସଂଯୋଜକ ବିଜୁଦାସ ମହାନନ୍ଦଙ୍କ ସଭାପତିତ୍ୱରେ ଅତିଥି ଭାବରେ ବିଦ୍ୟାଳୟର ପ୍ରଧାନ ଶିକ୍ଷକ ବିରଂଚି ନାରାୟଣ ଦାଶ, ମାନ୍ଦଲା କ୍ଲଷ୍ଟର ସଂଯୋଜକ ଧନସିଂ ମାଝୀ ଯୋଗ ଦେଇଥିଲେ । କରୋନା ଯୋଗୁଁ ଛାତ୍ରଛାତ୍ରୀମାନଙ୍କ ଶିକ୍ଷା ବାଧାପ୍ରାପ୍ତ ହୋଇଛି, ତେଣୁ ଏହା ଏକ ବ୍ରିଜ ଭଳି କାମ କରିବ ବୋଲି ଅତିଥିମାନେ ମତ ଦେଇଥିଲେ । ବ୍ଲକରେ କାର୍ଯ୍ୟରତ ଶିକ୍ଷାମିତ୍ରମାନେ ନିଜ ନିଜର କାର୍ଯ୍ୟକଳାପ ଉପରେ ଲିଜର ଅଭିଜ୍ଞତା କହିବା ସହିତ ଆଗାମୀ ମାସର ଏକସନ ପ୍ଲାନ ତିଆରି କରିଥିଲେ । ଏହି ସମୀକ୍ଷା ବୈଠକରେ ନରେଶ ତାଣ୍ଡି, ସାଧନ କର୍ମୀ, ସୁରଜ ଛତ୍ରିଆ, ସୁଶୀଲ ଛତ୍ରିଆ, ବାସନ୍ତୀ ଦାସ, ଶ୍ରଦ୍ଧାଞ୍ଜଳି ତାଣ୍ଡି, ମାଧୁରୀ ସଗ୍ରିଆ, ପୃଥିରାଜ ବାରିକ, ଅରୁଣ ସମରଥ ପ୍ରମୁଖ ଶିକ୍ଷାମିତ୍ର ସମୀକ୍ଷା ବୈଠକରେ ଯୋଗ ଦେଇଥିଲେ ।