ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ଝାରବନ୍ଧ ବ୍ଲକସ୍ତରୀୟ ବ୍ରାହ୍ମଣ ସମାଜର ଏକ ବୈଠକ ସଭାପତି ଝସକେତନ ନନ୍ଦଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଏହି ସଭାରେ ପାଇକମାଲ ବ୍ଲକ ବ୍ରାହ୍ମଣ ସମାଜର ସମ୍ପାଦକ ସତନାରାୟଣ ଯୋଶୀ, ପଣ୍ଡିତ ଦେବରାଜ ପଣ୍ଡା, ରାଧେଶ୍ୟାମ ପଣ୍ଡା ପ୍ରମୁଖ ମଂଚାସୀନ ଥିଲେ । ବ୍ରାହ୍ମଣ ଏକତା ସହ ସଂଗଠନକୁ କିପରି ଦୃଢ଼ କରାଯିବ ସେନେଇ ଆଲୋଚନା କରାଯାଇଥିଲା । ବୟୋଜ୍ୟେଷ୍ଠ ବ୍ରାହ୍ମଣମାନଙ୍କୁ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା । ଝାରବନ୍ଧ ବ୍ଲକର ୧୪ଟି ପଂଚାୟତରୁ ବିଭିନ୍ନ ଗ୍ରାମାଞ୍ଚଳରୁ ସଭ୍ୟସଭ୍ୟା ଯୋଗ ଦେଇଥିଲେ । କାର୍ଯ୍ୟକାରୀ ସଭାପତି ଡା. ଲମ୍ବୋଦର ପଣ୍ଡା ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ସମ୍ପାଦକ ଆନନ୍ଦ ମହାପାତ୍ର ଧନ୍ୟବାଦ ଅର୍ପଣ କରିଥିଲେ ।