ବଲାଙ୍ଗିର, (ଦେବାଶିଷ ମିଶ୍ର) : ପୁଇଁନ୍ତଲା ବ୍ଲକର ବିଭିନ୍ନ ଗାଁରେ ବଲାଙ୍ଗିର ଜିଲ୍ଲା କଂଗ୍ରେସ କମିଟି ଏସ୍ସି ସେଲ ତରଫରୁ ବୈଠକମାନ ଅନୁଷ୍ଠିତ ହୋଇଯାଇଛି । ସେଲର ସଭାପତି ଓମ୍ ପ୍ରକାଶ କୁମ୍ଭାର ଏହି ଗାଁମାନଙ୍କୁ ଗସ୍ତ କରି ଲୋକଙ୍କ ସମସ୍ୟା ସମ୍ପର୍କରେ ଅଲୋଚନା କରିବା ସହିତ ସମସ୍ୟାଗୁଡିକର ସମାଧାନ କରିବା ପାଇଁ ଉଦ୍ୟମ କରାଯିବ ବୋଲି ପ୍ରତିଶୃତି ଦେଇଥିଲେ । ଛତାପିପଲ ପଂଚାୟତର ଛତାପିପଲ, ତେଣ୍ଡପାଲି, ବନ୍ଧପଡା ପଂଚାୟତର ଜଳଜଡ ଗାଁକୁ ଶ୍ରୀ କୁମ୍ଭାର ଗସ୍ତ କରିଥିଲେ ଓ ଲୋକଙ୍କ ସହିତ ଆଲୋଚନା କରିଥିଲେ । ଶ୍ରୀ କୁମ୍ଭାର ଲୋକଙ୍କ ସମସ୍ୟା ସମ୍ପର୍କରେ ପଚାରି ବୁଝିଥିଲେ । ଜନସାଧାରଣ ବିପୁଳ ଭାବରେ ଶ୍ରୀ କୁମ୍ଭାରଙ୍କୁ ସ୍ୱାଗତ ଓ ସମ୍ବର୍ଦ୍ଧନା ଜଣାଇଥିଲେ । ଆଗାମୀ ଦିନରେ କଂଗ୍ରେସ ଦଳକୁ ସଶକ୍ତ ଓ ମଜବୁତ କରିବା ପାଇଁ ଜନସାଧାରଣଙ୍କୁ ଶ୍ରୀ କୁ୍ମ୍ଭାର ଆହ୍ୱାନ ଦେଇଥିଲେ ।