ବଲାଙ୍ଗିର, (କେପିଏନ୍ଏସ୍) : ଅଲ୍ ଓଡ଼ିଶା ପ୍ରାଇଭେଟ୍ ସ୍କୁଲ ଏସୋସିଏସନ୍ର ଜୋନ୍ସ୍ତରୀୟ ବୈଠକ ବଲାଙ୍ଗିର ମଣ୍ଟେଶ୍ୱରୀ ପବ୍ଲିକ୍ ସ୍କୁଲ ପରିସରରେ ଅନୁଷ୍ଠିତ ହୋଇଯାଇଛି । ଏସୋସିଏସନ୍ର ଚେୟାର୍ମେନ୍ ସତ୍ୟନାରାୟଣ ମିଶ୍ର, ସାଧାରଣ ସଂପାଦକ ଅବନ୍ତି ସୁତାର, ବଲାଙ୍ଗିର ସଂଘ ସଭାପତି ରବିଚନ୍ଦ୍ର ଉଦ୍ଗାତା, ସଂପାଦକ ସୁରେନ୍ଦ୍ର କୁମାର ସାହୁ, ଜିଲ୍ଲା ଆବାହକ ଯୁଧିଷ୍ଟିର ଦାଶ ମଂଚାସୀନ ଥିଲେ । ବଲାଙ୍ଗିର ପିଏସ୍ଏର କାର୍ଯ୍ୟକାରିଣୀ ସଦସ୍ୟଙ୍କ ଉଦ୍ୟମରେ ଅନୁଷ୍ଠିତ ଏହି ବୈଠକରେ ସମ୍ବଲପୁର, ବରଗଡ଼, ସୋନପୁର, ବୌଦ୍ଧ, ଗଂଜାମ ପ୍ରଭୃତି ଜିଲ୍ଲାରୁ ସଦସ୍ୟମାନେ ଯୋଗଦାନ କରିଥିଲେ । ଘରୋଇ ବିଦ୍ୟାଳୟଗୁଡ଼ିକର ବିଭିନ୍ନ ସମସ୍ୟା, ଆର୍ଟିଇ ଆଦି ବିଷୟରେ ଏଠାରେ ଆଲୋଚନା ହୋଇଥିବା ବେଳେ ସରକାରଙ୍କ ବିଭିନ୍ନ ନୀତି ବିଷୟରେ ରାଜ୍ୟସ୍ତରୀୟ କର୍ମକର୍ତ୍ତାମାନେ ସୂଚନା ଦେଇଥିଲେ । ବଲାଙ୍ଗିର ଜିଲ୍ଲାର ପ୍ରାୟ ୩୦ ଗୋଟି ବିଦ୍ୟାଳୟର ଅଧିକାରୀମାନେ ଏଥିରେ ଯୋଗ ଦେଇଥିଲେ ଓ ମଣ୍ଟେଶ୍ୱରୀ ସ୍କୁଲର ଶିକ୍ଷକ ଶିକ୍ଷୟତ୍ରୀମାନେ କାର୍ଯ୍ୟକ୍ରମରେ ସହଯୋଗ କରିଥିଲେ ।