କଣ୍ଟାବାଞ୍ଜି, (କେପିଏନ୍ଏସ୍) : କଣ୍ଟାବାଞ୍ଜି ହୋଟେଲ ରୟାଲ ତ୍ୟୁଲିଫ୍ରେ ପାଣି ପାଉଚ୍ କାରଖାନା ମାଲିକଙ୍କ ଏକ ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ବଲାଙ୍ଗିର ଜିଲ୍ଲାର ଅନେକ ସ୍ଥାନରେ ନକଲି ପାଣି ପାଉଚ ତିଆରି ହେଉଥିବା ନେଇ ଜିଲ୍ଲାର ପାଣି ପାଉଚ କାରଖାନାର ମାଲିକମାନେ ଅଭିଯୋଗ କରିଛନ୍ତି । କଣ୍ଟାବାଞ୍ଜି, ପାଟଣାଗଡ ଏବଂ ବଲାଙ୍ଗିରର ଅନେକ ଛୋଟ ବଡ ସହରରେ ନକଲି ପାଣି ପାଉଚ ତିଆରି ହେଉଛି । ଏହା ସହ ଦୋକାନ ବଜାରରେ ଆଇଏସ୍ଆଇ ହୋଲୋଗ୍ରାମ ରହିଥିବା ପାଣି ପାଉଚ ମଧ୍ୟ ନକଲି ବୋଲି ସେମାନେ କହିଛନ୍ତି । ତେଣୁ ଖାଉଟି ବିଭାଗ ଏହାର ଯାଞ୍ଚ କରିବା ପାଇଁ ସେମାନେ ଦାବୀ କରିଛନ୍ତି ।