ଭୁବନେଶ୍ୱର, (ସୁଶାନ୍ତ ସାହୁ) : ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି ଯେ, ୭ଟାରୁ ୯ଟା ପର୍ୟ୍ୟନ୍ତ ନବମ ଓ ଏକାଦଶ ଶ୍ରେଣୀର ଛାତ୍ରଛାତ୍ରୀ ସ୍କୁଲ ଆସିବେ । ସେହିପରି ୮ଟାରୁ ୧୨ଟା ପର୍ୟ୍ୟନ୍ତ ଦଶମ ଓ ଦ୍ୱାଦଶ ଶ୍ରେଣୀ ପିଲାଙ୍କୁ ପାଠ ପଢ଼ାଯିବ । ତେବେ ଖରାକୁ ଦୃଷ୍ଟିରେ ରଖି କିଛି ଦିନ ପୂର୍ବରୁ ସକାଳୁଆ ସ୍କୁଲ ଖୋଲିବାକୁ ନିଷ୍ପତ୍ତି ହୋଇଥିଲା । ନିଷ୍ପତ୍ତି ଅନୁସାରେ ସକାଳ ୭ଟାରୁ ମଧ୍ୟାହ୍ନ ୧ଟା ପର୍ୟ୍ୟନ୍ତ ସ୍କୁଲ ଚାଲିଥିଲା । କିନ୍ତୁ ଦିନ ୧ଟା ବେଳେ ପ୍ରଚଣ୍ଡ ଖରାରେ ସ୍କୁଲରୁ ପିଲାମାନେ କେମିତି ଫେରିବେ ସେଥିପାଇଁ ସମୟ ବଦଳାଇବାକୁ ଛାତ୍ରଛାତ୍ରୀ ଓ ସେମାନଙ୍କ ଅଭିଭାବକ ଦାବୀ କରିଥିଲେ । ସେମାନଙ୍କ ଦାବୀ ପୂରଣ କରି ସ୍କୁଲ ସମୟ ପରିବର୍ତ୍ତନ କରାଯାଇଛି ।