ବଲାଙ୍ଗିର, (ଦେବାଶିଷ ମିଶ୍ର) : ବଲାଙ୍ଗିର ରାମଜୀ ନାଟକ ସଂସଦ ପ୍ରତି ବର୍ଷ ଭଲି ଏ ବର୍ଷ ରାମଲୀଳା ନାଟକ ପାଇଁ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା । ଶୁକ୍ରବାର ସ୍ଥାନୀୟ ମାଉସୀ ମାଁ ମନ୍ଦିର ପ୍ରାଙ୍ଗଣରେ ସମ୍ମିଳନୀରେ ଅନୁଷ୍ଠିତ ହୋଇଥିଲା । ଆସନ୍ତା ରବିବାର ଦିନ ୬ ତାରିଖ ରାମ ନବମୀ ଅବସରରେ ଶୋଭାଯାତ୍ରା ଏବଂ ବିଗ୍ରହଙ୍କୁ ରାମଜୀ ମନ୍ଦିରରୁ ଆଣି ଜଗନ୍ନାଥ ମନ୍ଦିରରେ ସ୍ଥାପନ କରାଯିିବ । ସ୍ଥାନୀୟ ରାମଜୀ ପଡା ମନ୍ଦିରରୁ ବାହାରି ସହର ପରିକ୍ରମା କରି ରାମଲିଳା ନାଟକ ସ୍ଥାନରେ ପୂଜାର୍ଚ୍ଚନା କରାଯିବ । ଆସନ୍ତା ୭ ତାରିଖରୁ ୨୯ ତାରିଖ ପର୍ଯ୍ୟନ୍ତ ପ୍ରତ୍ୟେକ ରାତି ୧୦ ଟାରେ ରାମଲିଳା ନାଟକ ଅନୁଷ୍ଠିତ ହେବ । ଏ ବର୍ଷ ରାମଜୀ ନାଟକ ସଂସଦ ନାଟକ ପାଇଁ ବିଭିନ୍ନ ଅନୁଷ୍ଠାନର ଯୁବ କଳାକାରଙ୍କୁ ସାମିଲ କରାଯାଇଥିବା ବେଳେ ପୁଣି ଏ ବର୍ଷ ରୁଦ୍ର ନାରାୟଣ ପଟେଲ ରାବଣ ଭୂମିକାରେ ଅଭିନୟ କରିବେ ବୋଲି ସୂଚନା ଦିଆଯାଇଛି । ଏହି ସାମ୍ବାଦିକ ସମ୍ମିଳନୀରେ ଚିଦାନନ୍ଦ ବେହେରା ପରି·ଳନା କରିଥିଲେ । ଅନ୍ୟମାନଙ୍କ ମଧ୍ୟରେ ଗୁରୁଶ୍ରୀ ବାଳମୁକୁନ୍ଦ ବେହେରା, ସଭାପତି ବାସୁୁଦେବ ବେହେରା, କାର୍ଯ୍ୟକାରୀ ସଭାପତି ଶୁଶାନ୍ତ ଚୋପଦାର, କଳାକାର ଡା. ରୁଦ୍ର ନାରାୟଣ ପଟେଲ ମଂଚାସିନ ଥିଲେ । ଶେଷରେ ଧନ୍ୟବାଦ ଦେଇଥିଲେ ଶୈଳିନ ବାବୁ । ସ୍ଥାନୀୟ କଳାକାର ମାନସ ସାହୁ, ଲଳିତ ସାହୁ, ଆୟୁଷ୍ମାନ ତ୍ରିପାଠି, ରାମ ନାରାୟଣ ଦାଶ, ସୁବାଷ ସାଏ, ଚୈତନ୍ୟ ମଟାରୀ, ପ୍ରଶାନ୍ତ ମହାକୁର ପ୍ରମୁଖ ଉପସ୍ଥିତ ଥିଲେ ।