ସାଲେଭଟା, (କେପିଏନ୍ଏସ୍) : ନିରୁ ମିଡିଆରେ ଚାଲିଥିବା ଅନ୍ଲାଇନ୍ କୋଶଳ ସୁନ୍ଦରୀ ଆୱାଡ ୨୦୨୩ ବର୍ଷ ୦୩ର ଫଳାଫଳ ଆଜି ପ୍ରକାଶିତ ହୋଇଥିବା ଜଣାଇଛନ୍ତି ନିରୁ ମିଡିଆର ପ୍ରଜୋଜକ ପ୍ରଦୀପ ବୈରାଗୀ । ଏଥିରେ ପାଖାପାଖି ଦଶ ହଜାର ପ୍ରତିଯୋଗୀ ଭାଗ ନେଇଥିବା ବେଳେ ତାଙ୍କ ଭିତରୁ ଟପ୍ ୧୦ରେ ଉଣେଇଶ ଜଣ ସମ୍ମାନିତ ହେବା ପାଇଁ ମନୋନୀତ ହୋଇଛନ୍ତି । ଦଶ ଜହାର ପ୍ରତିଯୋଗୀଙ୍କୁ ପଛରେ ପକେଇ ବରଗଡର ସସ୍ମିତା ମେହେର କୋଶଳ ସୁନ୍ଦରୀ ଆୱାଡ୍ ୨୦୨୩ ରୂପା ମୁକୁଟର ଅଧିକାରିଣୀ ହୋଇଥିବା ବେଳେ ଦ୍ବିତୀୟରେ ଅଛନ୍ତି ଦୁଇ ଜଣ ବରଗଡର ତନୁଜା ନାଇକ ଏବଂ ସୋନପୁରର ମଧୁସ୍ମିତା ମାଝି, ତୃତୀୟରେ ତିନିଜଣ ବଲାଙ୍ଗିରର ଅଷ୍ଟମୀ ନାଗ, କଳାହାଣ୍ଡିର ଐଶ୍ଚର୍ଯ୍ୟା ପ୍ରଧାନ ଏବଂ ଶିବପ୍ରୀୟା ସାହୁ, ଚତୁର୍ଥରେ ବରଗଡର ଅହଲ୍ୟା ମଟାରୀ, ପଞ୍ଚମରେ ଝାରସୁଗୁଡାର ସଞ୍ଜୁଲତା ଖମାରୀ, ଷଷ୍ଠରେ ବରଗଡର ଲିଟିଲ୍ ନାୟକ, ସପ୍ତମରେ ବରଗଡର ଇତିଶ୍ରୀ ବିଶ୍ୱାଳ ଏବଂ ଗାୟତ୍ରୀ ଦେବତା, ଅଷ୍ଟମରେ ରୁନାଲିସା ମାଝି ବରଗଡ ଏବଂ ଦେବଜାନି ନାଇକ ସୁନ୍ଦରଗଡ, ନବମରେ ବରଗଡର ଶିବାନୀ ପାତ୍ର, ଜାଜ୍ଞସେନୀ ସାହୁ ବରଗଡ, ରୀନା ୟାଦବ ବଲାଙ୍ଗିର୍ ଏବଂ ଦଶମରେ ଆରତି ଭୁଏ ବରଗଡ, ତ୍ରିବେଣୀ ଷଡଙ୍ଗୀ ବଲାଙ୍ଗିର ଏବଂ ନିକି ପଣ୍ଡା କଲାହାଣ୍ଡି । ଏହି ପ୍ରତିଯୋଗିତାର ମୁଖ୍ୟ ନିରୁପମା ବୈରାଗୀ ଥିବା ବେଳେ ଏହାର ପରିକଳ୍ପନା ଏବଂ ନିର୍ଦ୍ଦେଶନା ଦେଇଥିଲେ ଅକ୍ଷୟ ସରାଫ୍ । ବିଚାରକ ଭାବରେ ନାରୀ କବି ଅନୁପ୍ରିୟା ମିଶ୍ର, ବିରହ କବି ଛନ୍ଦାଚରଣ ଭୋଇ, କୋଶଳି କବି ରବିଚନ୍ଦ୍ର ସାହୁ ଏବଂ ସୁପର୍ କୁକ୍ ବୀରବର ପଣ୍ତା ରହିଥିଲେ । ବିଶେଷ ବିଚାରକ ଭାବରେ ରହିଥିଲେ ୨୦୨୨ର କୋଶଳ ସୁନ୍ଦରୀ ଚୁମକି ମିଶ୍ର । ଶିବରାଜ କମ୍ପ, ବନମାଳି ଭୁଏ, ଯଶୋବନ୍ତ ବୁଡେକ, ବିରେନ୍ଦ୍ର ପାଣ୍ଡେ ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିଥିଲେ । ଝାରଖଣ୍ଡ, ଛତିଶଗଡ଼ ସମେତ ରାଜ୍ୟ ବାହାରୁ ମଧ୍ୟ କୋଶଳ ସୁନ୍ଦରୀ ଆୱାଡ୍ ପାଇଁ ପ୍ରତିଯୋଗୀ ଭାଗ ନେଇଥିବାରୁ କୋଶଳ ରାଜ୍ୟକୁ ସମସ୍ତଙ୍କ ସମର୍ଥନ ବେଳକୁ ବେଳ ବଢୁଥିବାରୁ ଖୁସି ବ୍ୟକ୍ତ କରି କୋଶଳ ସୁନ୍ଦରୀର ପରିକଳ୍ପନା ବ୍ୟର୍ଥ ନୁହେ ବୋଲି ଜଣାଇଛନ୍ତି ନିରୁ ମିଡିଆର ମୁଖ୍ୟ ନିରୁପମା ବୈରାଗୀ ।