ବଲାଙ୍ଗିର, (କେପିଏନ୍ଏସ୍) : ପାରିବାରିକ କଳହକୁ କେନ୍ଦ୍ର କରି ପୁଇଁନ୍ତଲା ଥାନା ଅନ୍ତର୍ଗତ ମଳମୁଣ୍ଡା ଗ୍ରାମରେ ଜଣେ ଯୁବକ ନିଜ ଦେହରେ କିରାସିନି ଢାଳି ଆତ୍ମହୂତି ଉଦ୍ୟମ କରିଛନ୍ତି । ସଂପୃକ୍ତ ଯୁବକ ଜଣକ ବିଶ୍ୱାମିତ୍ର ସାଗର ବୋଲି ଜଣାପଡ଼ିଛି । ଗୁରୁତର ଅବସ୍ଥାରେ ଗ୍ରାମବାସୀ ତାଙ୍କୁ ଉଦ୍ଧାର କରି ଭୀମ ଭୋଇ ମେଡିକାଲ କଲେଜ ହସ୍ପିଟାଲକୁ ଆଣିଥିଲେ । ପରେ ତାଙ୍କୁ ବର୍ଣ୍ଣ ୟୁନିଟରେ ଭର୍ତ୍ତି କରାଯାଇଥିଲା । ସୂଚନା ଅନୁସାରେ ବିଶ୍ୱାମିତ୍ର କୌଣସି କାରଣକୁ ନେଇ ଘରେ କଳହ କରିଥିଲେ । କିଛି ସମୟ ପରେ ସେ ନିଜ ଦେହରେ କିରାସିନି ଢାଳି ନିଆଁ ଲଗାଇ ଦେଇଥିଲେ । ଏଥିସହ ଗାଁ ଦାଣ୍ଡରେ ଧାଉଁଥିବା ବେଳେ ଲୋକେ ତାଙ୍କୁ ଆୟତ୍ତ କରିଥିଲେ ।