ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ଥାନା ପତ୍ରାପାଲି(ଖ) ପଞ୍ଚାୟତ ଖେରଟ ଗ୍ରାମର ଜଣେ ୧୯ବର୍ଷୀୟା ଯୁବତୀ(୧୯)ଙ୍କୁ ପ୍ରେମ ସମ୍ପର୍କରୁ ଅପହରଣ ଅଭିଯୋଗରେ ଗ୍ରାମର ଦୁଇ ଜଣ ଅଭିଯୁକ୍ତଙ୍କୁ ଗିରଫ କରି ପୁଲିସ ରବିବାର କୋର୍ଟ ଚାଲାଣ କରିଛି । ଗିରଫ ଦୁଇ ଯୁବକ ହେଲେ ଖେରଟ ଗ୍ରାମର ଜୟଶଙ୍କର ଆଡ଼ଯୁଆଡଙ୍କ ପୁଅ ଶନି ଆଡ଼ଯୁଆଡ(୨୨) ଓ କଳାମୁଖ ହିଆଲଙ୍କ ପୁଅ ବେଲାରସେନ ହିଆଲ(୧୯) ବୋଲି ଜଣାପଡିଛି । ସମ୍ପୃକ୍ତ ଯୁବତୀଙ୍କୁ ଗତ ୨୫ ତାରିଖ ଦିନ ୧.୩୦ଟା ବେଳେ ତାଙ୍କ ପ୍ରେମିକ ବୋଲାଉଥିବା ଶନି ଅନ୍ୟ ଦୁଇ ସହଯୋଗୀମାନଙ୍କ ସହ ବାଇକରେ ଅପହରଣ କରି ନେଇଥିଲା । ଏନେଇ ପରିବାର ଲୋକେ ଥାନାରେ ଅଭିଯୋଗ କରିଥିଲେ । ପୁଲିସ କେସ୍ ନଂ ୩୮୯/୨୪ରୁଜ୍ଜୁ କରି ଅଧିକ ତଦନ୍ତ କରୁଥିଲା । ପୁଲିସ୍ ଉଭୟଙ୍କୁ ରାୟପୁରରୁ ଉଦ୍ଧାର କରି ଦୁଇଜଣ ଅଭିଯୁକ୍ତଙ୍କୁ ଗିରଫ କରିଥିଲା । ଏହା ଏକ ପ୍ରେମ ସମ୍ପର୍କ ମାମଲା ହୋଇଥିବାରୁ ଘଟଣାଟି ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି । ଅଧିକ ତଦନ୍ତ ପରେ ପୁଲିସ ଦୁଇ ଅଭିଯୁକ୍ତଙ୍କୁ ଗିରଫ କରି ରବିବାର କୋର୍ଟ ଚାଲାଣ କରିଥିବା ବେଳେ ଜାମିନ ଆବେଦନ ଖାରଜ ହେବାରୁ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି ଓ ଅନ୍ୟ ଜଣେ ଅଭିଯୁକ୍ତ ଫେରାର ଅଛନ୍ତି ବୋଲି ଭାରପ୍ରାପ୍ତ ଥାନା ଓଆଇସି ଦନାର୍ଦନ ଓରାମ ପ୍ରକାଶ କରିଛନ୍ତି ।
Next Post