ଲୋଇସିଂହା, (କେପିଏନ୍ଏସ୍) : ସ୍ଥାନୀୟ ସରସ୍ୱତୀ ଶିଶୁ ବିଦ୍ୟାମନ୍ଦିର ଲୋଇସିଂହାରେ ଗତ ଦୁଇଦିନ ଧରି ଅନୁଷ୍ଠିତ ହୋଇଥିବା ୨୪ତମ ବାର୍ଷିକ କ୍ରୀଡା ସମାରୋହ ପ୍ରତିଯୋଗିତା ଉଦ୍ଯାପିତ ହୋଇଯାଇଛି । ଏଥିରେ ପରିଚାଳନା ସମିତି ସଭାପତି ବିମଳ ଚରଣ ହୋତା ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ ଉଦ୍ଘାଟନ ଘୋଷଣା କରିଥିବା ବେଳେ ସମ୍ମାନିତ ଅତିଥି ଭାବେ କୋଷାଧ୍ୟକ୍ଷ ପ୍ରଶାନ୍ତ କୁମାର ବେହେରା ଓ ଯୁଗ୍ମ ସମ୍ପାଦକ ବିଶ୍ଵନାଥ ଷଡ଼ଙ୍ଗୀ ଯୋଗ ଦେଇଥିଲେ । ଏହି ସମାରୋହରେ ଶିଶୁବାଟିକା, ପ୍ରାକ୍ ଶିଶୁ ବର୍ଗ, ଶିଶୁ ବର୍ଗ, ୧୪ ବର୍ଷରୁ କମ୍, ୧୭ ବର୍ଷରୁ କମ୍ ପ୍ରମୁଖ ୫ଟି ବିଭାଗର ଖେଳ ହୋଇଥିଲା । ଶିଶୁ ବାଟିକାର ୧୦୪ ଜଣ, ପ୍ରାକ୍ ଶିଶୁ ବର୍ଗ ୨୨୦ ଜଣ, ଶିଶୁବର୍ଗର ୧୬୦ ଜଣ , ୧୪ ବର୍ଷରୁ କମ୍ ୯୫ ଜଣ, ୧୭ ବର୍ଷରୁ କମ୍ ୧୨୪ ଜଣ ମୋଟ୍ ୬୯୩ ଜଣ ପ୍ରତିଭାଗୀ ଭାଗ ନେଇଥିଲେ । ଅଭିଭାବକଙ୍କ ଥାଳିଆ ଫିଙ୍ଗା ଏବଂ ଅଭିଭାବିକା ମାନଙ୍କ ଗୋଳାଫିଙ୍ଗା ପ୍ରତିଯୋଗିତା ଅନୁଷ୍ଠିତ ହୋଇଥିଲା । ସର୍ବଶ୍ରେଷ୍ଠ ଖେଳାଳୀ ଭାବେ ପ୍ରତିବର୍ଗରୁ ଯଥାକ୍ରମେ ରିଙ୍କି ପଟେଲ, ସରିତା ରାଣୀ ଯୁଏଡ, ପ୍ରଜ୍ଞା ପରୀମିତା ବିନ୍ଧାଣି, ଅଭିଷେକ ସାହୁ, ପ୍ରତୀକ ସାହୁ, ଓମ୍ ପ୍ରକାଶ ଜୁଆଡ଼ି ହୋଇଥିଲେ । ପ୍ରତ୍ୟେକ ବିଜେତା ପ୍ରତିଯୋଗୀଙ୍କୁ ପୁରସ୍କାର ବିତରଣ କରାଯିବା ସହିତ ପ୍ରତିଯୋଗିତା ସମାରୋପ କରାଯାଇଥିଲା ।