ଜୟପାଟଣା, (ଶେଷଦେବ ବେହେରା) : ଧର୍ମଗଡ ବ୍ଲକର ବ୍ଲକସ୍ତରୀୟ ଗୀତା ଆବୃତ୍ତି ପ୍ରତିଯୋଗିତା ସରସ୍ୱତୀ ଶିଶୁ ବିଦ୍ୟାମନ୍ଦିର ଧର୍ମଗଡ ଠାରେ ଅନୁଷ୍ଠିତ ହୋଇଯାଇଛି । ଏଥିରେ ‘କ’ (୩ରୁ ୫ ଶ୍ରେଣୀ) ୨୪ ଜଣ, ‘ଖ’ (୬ରୁ ୮ ଶ୍ରେଣୀ )୧୩ ଜଣ ଓ ‘ଗ’ (୯ରୁ ୧୨ ଶ୍ରେଣୀ) ୪ ଜଣ ପ୍ରତିଭାଗୀ ଏହିପରି ମୋଟ୍ ୪୧ ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ । ତନ୍ମଧ୍ୟରୁ ‘କ’ ବିଭାଗରେ ୧ମ-ଜିଜ୍ଞାସା ପଣ୍ଡା, ୨ୟ-ନିୟତି ହରପାଲ, ୩ୟ- ସାଇ ପ୍ରିୟ ଦର୍ଶିନୀ ଜେନା, ‘ଖ’ ବିଭାଗରେ ୧ମ-ଦିଶା ଅଗ୍ରୱାଲ, ୨ୟ- ରିୟାଂସି ଦାସ, ୩ୟ- ସାଇ କ୍ରୀଷ୍ଣା ସାହୁ, ‘ଗ’ ବିଭାଗରେ ୧ମ-ଫତେ ନାରାୟଣ ପ୍ରଧାନୀ, ୨ୟ- ପ୍ରତିଜ୍ଞା ଆଚାର୍ଯ୍ୟ, ୩ୟ- ଶ୍ରୁତି ପଣ୍ଡା ସ୍ଥାନ ଅଧିକାର କରିଛନ୍ତି । ଜିଲ୍ଲା ସଂଯୋଜକ ସନ୍ତୋଷ କୁମାର ପଣ୍ଡାଙ୍କ ତତ୍ତ୍ୱାବଧାନରେ ବିଚାରକ ଅରୁଣ କୁମାର ଠାକୁର, ସୁକାନ୍ତ କୁମାର ବାରିକ, ଗୋପାଳ କୃଷ୍ଣ ଅଗସ୍ତି, ଭୀଷ୍ମଦେବ ବୁଡେକ ପ୍ରକୁଖ ବିଜ୍ଞ ବ୍ୟକ୍ତିଙ୍କ ସହାୟତାରେ କାର୍ଯ୍ୟ ସମ୍ପାଦନ ହୋଇଥିଲା ।