ବଙ୍ଗୋମୁଣ୍ଡା, (ହୁଲେଶ୍ୱର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଗନ୍ଧର୍ଲା ଗ୍ରାମ ପଂଚାୟତ ଗନ୍ଧର୍ଲା ହାଇସ୍କୁଲ ଖେଳ ପଡିଆ ଠାରେ ଗ୍ରାମ ପଞ୍ଚାୟତସ୍ତରୀୟ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ପିଇଓ ପ୍ରଭାତ ବେହେରାଙ୍କ ଅଧ୍ୟକ୍ଷତାରେ ମୁଖ୍ୟ ଅତିଥି ଭାବେ ଗନ୍ଧର୍ଲା ପଞ୍ଚାୟତ ସରପଞ୍ଚ ଚାହାନ୍ତି କନ୍ଧପାଣି ଯୋଗ ଦେଇ ଉଦ୍ଘାଟନ କରିଥିଲେ । ଏଥିରେ ସମ୍ମାନିତ ଅତିଥି ଭାବେ ପ୍ରଧାନ ଶିକ୍ଷକ ଅନୁପ ବାଗ, ଯୋଗାଣ ସହାୟକ ହରପ୍ରସାଦ ମହାନନ୍ଦ, ନାଏବ ସରପଞ୍ଚ ଅଭିରାମ ଗୁରୁ, ପ୍ରଦୀପ ଜାଲ ପ୍ରମୁଖ ଅତିଥି ଭାବେ ଯୋଗ ଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ । ଆସନ୍ତା ଦିନରେ ହକି ୱାର୍ଲଡ଼ କପ ହେବାକୁ ଥିବା ବେଳେ କ୍ରୀଡ଼ାବିତ୍ କିପରି ଭାବେ ସଚେତନ ହେବେ ସେ ନେଇ ଏହି ପ୍ରତିଯୋଗିତା ପଞ୍ଚାୟତ ପ୍ରଶାସନ ପକ୍ଷରୁ ଆୟୋଜନ କରାଯାଇଛି । ଏଥିରେ ଫୁଟବଲ ଓ ଖୋ ଖୋ ପ୍ରତିଯୋଗିତା ଅନୁଷ୍ଠିତ ହୋଇଥିଲା । କ୍ରୀଡା ଶିକ୍ଷକ ନିଳଧ୍ୱଜ ରଣା ଖେଳ ପରିଚାଳନା କରିଥିବା ବେଳେ ପଙ୍କଜ ନାଗ ସଭା ପରିଚାଳନା କରିଥିଲେ । କୃତି ପ୍ରତିଯୋଗୀମାନେ ବ୍ଲକସ୍ତରୀୟ କ୍ରୀଡା ପ୍ରତିଯୋଗିତାରେ ଅଂଶଗ୍ରହଣ କରିବେ ବୋଲି ପଞ୍ଚାୟତ ପକ୍ଷରୁ ସୂଚନା ଦିଆଯାଇଛି ।