ବଲାଙ୍ଗିର, (ଦେବାଶିଷ ମିଶ୍ର) : ଅଖିଳ ଭାରତୀୟ ସାହିତ୍ୟ ପରିଷଦ ବଲାଙ୍ଗିର ଜିଲ୍ଲାର ଏକ ସମ୍ମିଳନୀ ସ୍ଥାନୀୟ ସରସ୍ୱତୀ ଶିଶୁ ମନ୍ଦିର କଦମପଡା ବଲାଙ୍ଗିରରେ ଅନୁଷ୍ଠିତ ହୋଇଥିଲା । ମଧ୍ୟପ୍ରଦେଶର ରିବା ଜିଲ୍ଲାରେ ତା.୦୭/୦୮/୦୯ ନଭେମ୍ବରରେ ତ୍ରୟୋବାର୍ଷିକ ସମ୍ମିଳନୀ ହୋଇଥିଲା । ମାନନୀୟ ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ ଏହି ଅଧିବେଶନରେ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ଏହି ଅଧିବେଶନରେ ସର୍ବ ଭାରତୀୟ ସାହିତ୍ୟିକମାନେ ଆତ୍ମବୋଧରୁ ବିଶ୍ୱବୋଧ ଉପରେ ଆଲୋଚନା କରିଥିଲେ । ସେହି କ୍ରମରେ ଆଜି ସରସ୍ୱତୀ ଶିଶୁ ମନ୍ଦିର ବଲାଙ୍ଗିର ଠାରେ ଏହି ଆଲୋଚନା ଚକ୍ର ମଧ୍ୟ ହୋଇଥିଲା । ସଭାପତି ଡ. ଭବାନୀ ଶଙ୍କର ପଟେଲ, ରାଜ୍ୟର କାର୍ଯ୍ୟକାରିଣୀ ସଭ୍ୟ ଗିରିଜା ଶଙ୍କର ରଥ, ସଚିବ ରାମଚନ୍ଦ୍ର ପଟେଲ ମୁଖ୍ୟବକ୍ତା ଭାବେ ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା, ପ୍ରଧାନ ଗୁରୁଜୀ ସନାତନ ମିଶ୍ର, ସମ୍ପାଦକ ତରଣିସେନ ପଟେଲ (ଶିଶୁ ମନ୍ଦିର) ଆଲୋଚନା ଚକ୍ରରେ ଭାଗ ନେଇଥିଲେ । ଏହି ସମାବେଶକୁ ଗୁରୁମା ଭାରତୀ ସାହୁ ସଂଯୋଜନା କରିଥିଲେ । ଅତିଥି ଶ୍ରୋତା ଦିଲ୍ଲୀପ କୁମାର ଶତପଥି ଓ ସନ୍ତୋଷ କୁମାର ନାୟକ ସହଯୋଗ କରିଥିଲେ । ସରସ୍ୱତୀ ଶିଶୁ ମନ୍ଦିରର ସମସ୍ତ ଗୁରୁମା ଗୁରୁଜୀ ଯୋଗଦେଇ ସଭାର ଗାରିମାକୁ ବଢାଇଥିଲେ । ତରଣୀସେନ ପଟେଲଙ୍କ ଧନ୍ୟବାଦ ଅର୍ପଣ ପରେ ସଭାସାଙ୍ଗ ହୋଇଥିଲା ।