କଣ୍ଟାବାଞ୍ଜି, (ଗୁରୁଦୟାଲ ହଂସ) : ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ ମଙ୍ଗଳବାର ଦିନ ସ୍ଥାନୀୟ ପୂର୍ତ୍ତ ବିଭାଗ ଡାକ ବଙ୍ଗଳାରେ ନିର୍ବାଚନ ମଣ୍ଡଳୀରେ ଥିବା ଡାକ୍ତରଖାନାର ଡାକ୍ତର ମାନଙ୍କ ସହ ଏକ ବୈଠକ କରିଛନ୍ତି । ଏହି ବୈଠକରେ ବଙ୍ଗୋମୁଣ୍ଡା, ମୁରିବାହାଲ, ତୁରେକେଲାରେ ଥିବା ଡାକ୍ତରଖାନାର ବିଭିନ୍ନ ସମସ୍ୟା ସହ ଖାଲିପଡି ଥିବା ପଦପଦବୀର ସ୍ଥିତି ପରଖି ଥିଲେ । ଏପରି କି ତିନି ଗୋଟି ବ୍ଲକ୍ରେ ଥିବା ଡାକ୍ତରଖାନା ଓ ସବ୍ ସେଣ୍ଟର ଗୁଡ଼ିକରେ ରୋଗୀମାନେ କିପରି ସୁବିଧାରେ ସେବା ପାଇ ପାରିବେ ସେଥି ପ୍ରତି ଡାକ୍ତର ମାନଙ୍କୁ ସେବା ଯୋଗାଇବା ପାଇଁ ଅନୁରୋଧ କରିଥିଲେ । ନିର୍ବାଚନ ମଣ୍ଡଳୀର ତିନି ଗୋଟି ବ୍ଲକ୍ରେ ବସବାସ କରୁଥିବା ଲୋକେ ଯେପରି ମୌଳିକ ଡାକ୍ତରୀ ସୁବିଧା ପାଇବାରେ ବଞ୍ଚିତ ନହୁଅନ୍ତି ସେଥି ପ୍ରତି ଡାକ୍ତର ମାନେ ହି ତାଙ୍କ ସେବା ମାଧ୍ୟମରେ ହିଁ କର୍ତ୍ତବ୍ୟ କରିବେ ବୋଲି ବିଧାୟକ ବାଗ କହିଥିଲେ । ଏହି ବୈଠକରେ ତୁରେକେଲା ବଙ୍ଗୋମୁଣ୍ଡା ମୁରିବାହାଲ ବ୍ଲକ୍ର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ସହ କଣ୍ଟାବାଞ୍ଜି ଡାକ୍ତରଖାନା ମେଡ଼ିକାଲ୍ ଅଫିସର ମାନଙ୍କ ସହ ଆଲୋଚନା କରିଛନ୍ତି । ଏହି ବୈଠକରେ ଉପସ୍ଥିତ ବିଭିନ୍ନ ଗଣ ମାଧ୍ୟମର ପ୍ରତିନିଧି ମାନେ ମଧ୍ୟ ସାମିଲ ଥିବାରୁ ଡାକ୍ତର ମାନଙ୍କ ସେବାରେ ସହଯୋଗ କରିବା ପାଇଁ ବିଧାୟକ ଶ୍ରୀ ବାଗ ଅନୁରୋଧ କରିଥିଲେ ।