ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିରର ହାତୀଶାଲପଡ଼ାରେ ଜଣେ ଯୁବକଙ୍କୁ ମରଣାନ୍ତକ ଆକ୍ରମଣ କରଯାଇଥିବା ଖବର ମିଳିଛି । ଯୁବକ ଜଣକ ହାତୀଶାଲପଡ଼ାର ବଜରଙ୍ଗ ନାଏକ ବୋଲି ଜଣାପଡ଼ିଛି । ସୂଚନା ଯୋଗ୍ୟ ଯେ, ହାତୀଶାଲପଡ଼ାର ବଜରଙ୍ଗ ନାଏକଙ୍କୁ କିଛି ଦୁର୍ବୃତ୍ତ ପୂର୍ବ ଶତ୍ରୁତାକୁ କେନ୍ଦ୍ର କରି ଆକ୍ରମଣ କରିଥିବା ବେଳେ ବଜରଙ୍ଗଙ୍କ ମୁଣ୍ଡ ଓ ହାତରେ ଗଭୀର ଆହାତ ଲାଗିଛି । ସ୍ଥାନୀୟ ଲୋକେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ବଲାଙ୍ଗିର ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରିଥିବା ଜଣାପଡ଼ିଛି ।