ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲାର ଟିଟିଲାଗଡ଼ ସହର ଠାରେ ଅଖିଳ ଭାରତୀୟ ଅଗ୍ରୱାଲ ମହାସଭାର ପ୍ରାନ୍ତୀୟ ଅଧିବେଶନ ତଥା ଶପଥ ଗ୍ରହଣ ଉତ୍ସବ ଅନୁଷ୍ଠିତ ହୋଇଯାିଛି । ଅଖିଳ ଭାରତୀୟ ଅଗ୍ରୱାଲ ମହାସଭା ରାଷ୍ଟ୍ରୀୟ ଅଧ୍ୟକ୍ଷ ସତୀଶ ଅଗ୍ରୱାଲଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ବିଧାୟକ ନବୀନ ଜୈନ ମୁଖ୍ୟଅତିଥି, ପୌରାଧ୍ୟକ୍ଷା ମମତାଦେବୀ ଜୈନ, ରାଷ୍ଟ୍ରୀୟ ଉପାଧ୍ୟକ୍ଷ ସଞ୍ଜୟ ଅଗ୍ରୱାଲ, ରାଷ୍ଟ୍ରୀୟ ପ୍ରବକ୍ତା ଜଗଦୀଶ ଜୈନ ଓ ଅବଧେଶ ଅଗ୍ରୱାଲ, ରାଷ୍ଟ୍ରୀୟ ସଂଗଠନ ମନ୍ତ୍ରୀ ଶ୍ରବଣ ଅଗ୍ରୱାଲ, ପୂର୍ବତନ ପ୍ରାନ୍ତୀୟ ମହାମନ୍ତ୍ରୀ ଦିନେଶ ଅଗ୍ରୱାଲ, ପ୍ରାନ୍ତୀୟ ମହିଳା ଶାଖା ମହାମନ୍ତ୍ରୀ ଅର୍ଚ୍ଚନା ଗୋୟଲ, ନବନିଯୁକ୍ତ ପ୍ରାନ୍ତୀୟ ଅଧ୍ୟକ୍ଷ ଶମ୍ଭୁ ଗୋୟଲ, ମହାମନ୍ତ୍ରୀ ଗୋପାଳକୃଷ୍ଣ ଜୈନ ଓ କୋଷାଧ୍ୟକ୍ଷ ବିଜୟ ଜୈନ ପ୍ରମୁଖ ମଞ୍ଚାସୀନ ଥିଲେ । ଏହି ଅବସରରେ ବଲାଙ୍ଗିରରୁ ସାମ୍ବାଦିକ ପୱନ କୁମାର ଅଗ୍ରୱାଲକୁ ପୁନର୍ବାର ମିଡ଼ିଆ ପ୍ରଭାରିର ଦାୟିତ୍ଵ ଦିୟାଯାଇଛି ଓ ଟିଟିଲାଗଡ଼ରୁ ନୂତନ ମିଡ଼ିଆ ପ୍ରଭାରୀ ଭାବେ ଗୋପାଳ ପ୍ରସାଦ ଅଗ୍ରୱାଲକୁ ଦାୟିତ୍ଵ ଦିଆଯାଇଛି । ଓଡିଶା ପ୍ରାନ୍ତୀୟ କମିଟି ପୂର୍ବତନ ଅଧ୍ୟକ୍ଷ ଶ୍ରବଣ କୁମାର ଅଗ୍ରୱାଲ ସାମ୍ବାଦିକ ପୱନ୍ କୁମାର ଅଗ୍ରୱାଲକୁ ପୂର୍ବରୁ ସଂଘଟନ ପ୍ରତି ପ୍ରଚାର ପ୍ରସାରରେ ବିଶେଷ ସାହାଯ୍ୟ ଓ ସହଯୋଗ କରିଥିବାରୁ ପୁଷ୍ପଗୁଚ୍ଛ ଓ ଉପଢୌକନ ଦେଇ ସମଦ୍ôଧତ କରିଥିଲେ । କାର୍ଯ୍ୟକ୍ରମରେ ଓଡିଶା ରାଜ୍ୟର ବିଭିନ୍ନ ପ୍ରାନ୍ତର ଅଗ୍ରୱାଲ ସମାଜର ବ୍ୟକ୍ତି ବିଶେଷ ଯୋଗଦେଇଥିଲେ । ମିଡିଆ ପ୍ରଭାରୀ ପୱନ ଅଗ୍ରୱାଲଙ୍କୁ ବିଭିନ୍ନ ସାମାଜିକ ଅନୁଷ୍ଠାନ, ସାମ୍ବାଦିକ ବନ୍ଧୁ, ବୁଦ୍ଧିଜୀବୀ ମହଳରୁ ଶୁଭେଚ୍ଛା ପ୍ରଦାନ କରାଯାଇଛି ।