ଟମକା ଥାନା ଚିତ୍ରୀ ପଞ୍ଚାୟତ ଚିତ୍ରୀ ଗାଁର ଗଙ୍ଗାଧର ସାମଲଙ୍କ ପୁଅ ସୁଧୀର ରଂଜନ (୪୨)ଙ୍କର ଗତକାଲି ସନ୍ଧ୍ୟାରେ ଦୁର୍ଘଟଣାରେ ମୃତ୍ୟୁ ହୋଇଛି । ସେ ଗତକାଲି ହରିଚନ୍ଦନପୁରରୁ ବୁଲେଟ୍ରେ ଘରକୁ ଫେରୁଥିବା ବେଳେ ରେମାଳ ଛକ ନିକଟରେ ଏକ ଅଜଣା ଗାଡ଼ି ତାଙ୍କୁ ଧକ୍କା ଦେଇଥିଲା । ସେ ଗୁରୁତର ହୋଇ ପଡ଼ି ରହିଥିଲେ । ସ୍ଥାନୀୟ ଲୋକେ ଆମ୍ବୁଲାନ୍ସ ଡକାଇ ଘସିପୁରା ଡାକ୍ତରଖାନାକୁ ପଠାଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘରେ ତାଙ୍କର ପତ୍ନୀ ଓ ଦୁଇ ପୁଅ ଅଛନ୍ତି । ଆଜି ଶୋକାକୁଳ ପରିବେଶରେ ଗାଁ ଶ୍ମଶାନରେ ସୁଧୀରଙ୍କ ଅନ୍ତିମ ସଂସ୍କାର କରାଯାଇଛି ।