କୋରାପୁଟ : ବିଶାଖାପାଟଣାଠାରୁ ଭବାନୀପାଟଣା ଆସୁଥିବା ସରକାରୀ ବସ୍ ସୁଙ୍କି ଘାଟିରେ ଦୁର୍ଘଟଣା ଗ୍ରସ୍ତ ହୋଇଛି । ରାତି ପ୍ରାୟ ୨ଟା ବେଳେ ଏହି ଘଟଣା ଘଟିଥିବା ଜଣାପଡିଛି । ତେବେ ଏହି ବସ୍ରେ ଥିବା ୩୫ ଜଣ ଯାତ୍ରୀ ସୁରକ୍ଷିତ ଅଛନ୍ତି । କେବଳ ୨ ଜଣ ସାମାନ୍ୟ ଆହତ ହୋଇଛନ୍ତି ।
ସୁଙ୍କିରୁ ରାଲେଗୁଡ଼ା ମଧ୍ୟରେ ଗାଡ଼ି ଘାଟି ରାସ୍ତା ପାର କରୁଥିବା ବେଳେ ଗାଡ଼ିର ପିକଅପ୍ କମି ଯାଇଥିଲା । ଫଳରେ ଗାଡ଼ି ପଛକୁ ଗଡି ଯାଇଥିଲା । ପରେ ଭାରସାମ୍ୟ ହରାଇ ଓଲଟି ଯାଇଥିଲା । ସୂଚନା ପାଇ ଘଟଣା ସ୍ଥଳକୁ ସୁଙ୍କି ପୁଲିସ ପହଞ୍ଚି ସମସ୍ତ ଯାତ୍ରୀଙ୍କୁ ଉଦ୍ଧାର କରିବା ସହ ଅନ୍ୟ ବସ୍ରେ ସେମାନଙ୍କ ଗନ୍ତବ୍ୟ ସ୍ଥଳକୁ ପଠାଇଛି ।