କଳାହାଣ୍ଡି, (ପି.କେ.ସାହୁ) : ମ. ରାମପୁର ବ୍ଲକ ଅନ୍ତର୍ଗତ ମଦନପୁର ସୋମବାର ସନ୍ଧ୍ୟା ୮ ଘଣ୍ଟା ସମୟରେ ବାଇକ ଧକାରେ ଜଣେ ଯୁବକ ଗୁରୁତର ଆହତ ହୋଇଛନ୍ତି । ଆହତ ଯୁବକ ମଦନପୁରର ଧନେଶ୍ୱର ଭୋଇ (୧୯) । ସେ ସନ୍ଧ୍ୟାରେ ଚାଲି ଚାଲି ଘରକୁ ଫେରୁଥିବା ବେଳେ ଏକ ବଜାଜ୍ ଏକ୍ସ ସିଡ଼ି ଗାଡି ନମ୍ବର ଓଆର-୦୨-ଏଡବ୍ଲୁ ୫୮୯୫ ଗାଡି ଧକା ଦେଇଥିଲା । ଆହତ ଯୁବକଙ୍କୁ ସ୍ଥାନୀୟ ସରପଂଚ ରାଜେଶ ଧଙ୍ଗଡା ମାଝୀ, ପ୍ରେମାନନ୍ଦ ବିଶି ଓ ସ୍ଥାନୀୟ ଯୁବକଙ୍କ ସହାୟତାରେ ଆମ୍ବୁଲେନ୍ସ ଯୋଗେ ମ.ରାମପୁର ଡାକ୍ତରଖାନାରେ ଭର୍ତ୍ତି କରାଯାିଥିବା ବେଳେ ମ. ରାମପୁର ପୋଲିସଙ୍କୁ ଜଣେଇଥିଲେ । ଗାଡି ଚାଳକ ନିଜକୁ ଦିଲୀପ ସାହୁ ଗଜବାହଲ ଅଂଚଳର କହୁ ଥିବା ବେଳେ ଗାଡି ନମ୍ବର ଅନୁସାରେ ଅଲଗା ଠିକଣା ବାହାରୁ ଥିବାରୁ, ପୋଲିସ ତଦନ୍ତ ପରେ ସତ ଜଣା ପଡିଯିବ ବୋଲି ସରପଂଚ କହିଛନ୍ତି ।
