ପାଟଣା : କେନ୍ଦୁଝର ଜିଲ୍ଲା ପାଟଣା ବ୍ଲକ ଅଞ୍ଚଳରେ ଥିବା ବିଭିନ୍ନ ଜଙ୍ଗଲରେ ନିଆଁ ଲାଗି ଶହ ଶହ ଅକାଶିଆ ଓ ପଟାସ ଗଛ ଜଳି ପୋଡ଼ି ନଷ୍ଟ ହୋଇଯାଇଥିବା ଜଣାପଡିଛି । ସୂଚନା ଅନୁସାରେ, ବ୍ରାହ୍ମଣୀ ଦେଓ ପଟାସ ଜଙ୍ଗଲରେ ୨ ଏକର ଜାଗାରେ ନିଆଁ ଲାଗିଛି । ଦ୍ଵାରିକାପଶି ଅକାଶିଆ ଜଙ୍ଗଲରେ ୫ ଏକର ଜାଗାରେ ନିଆଁ ଲାଗି ଶହ ଶହ ଗଛ ନଷ୍ଟ ହୋଇଯାଇଛି । ଏଥି ସହ କାଠବାରୀ ସଂରକ୍ଷିତ ଜଙ୍ଗଲ, ଦୁର୍ଗାଦେଇପୁର ଗାଁ ନିକଟରେ ଥିବା ବାଉଁଶ ଓ ପଟାସ ଜଙ୍ଗଲ ଏବଂ ବାରଡାଙ୍ଗୁଆ ପଟାସ ଜଙ୍ଗଲରେ ନିଆଁ ଲାଗି ଅନେକ ଗଛ ଜଳିପୋଡି ନଷ୍ଟ ହୋଇଯାଇଛି । ଖବର ପାଇ ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି ।