ସାଲେପୁର : କଟକ ଜିଲ୍ଲା ସାଲେପୁର ବ୍ଲକ ଭୀମଦାସପୁର ଗ୍ରାମରେ ବିଳମ୍ବିତ ରାତିରେ ଭୟାବହ ଅଗ୍ନିକାଣ୍ଡ ଘଟିଥିବା ଜଣାପଡିଛି । ସୂଚନା ଅନୁସାରେ ଭୀମଦାସପୁର ଗ୍ରାମର ଅଲେଖ ଚନ୍ଦ୍ର ବିଶ୍ଵାଳଙ୍କ ଗୁହାଳ ଘରେ ରାତି ପ୍ରାୟ ସାଢେ ଦୁଇଟା ସମୟରେ କୌଣସି କାରଣରୁ ନିଆଁ ଲାଗି ୩ଟି ଗାଈ ଜୀବନ୍ତ ଦଗ୍ଧ ହୋଇଯାଇଥିବା ଜଣାପଡିଛି । ଗୁହାଳ ଘର ସମତେ ଆଉ ଦୁଇଟି ଆଜବେଷ୍ଟସ୍ ବଖରା ଘର ସମ୍ପୂର୍ଣ୍ଣ ଜଳି ଭସ୍ମୀଭୂତ ହୋଇଯାଇଥିବା ଜଣାପଡିଛି । ଖବର ପାଇ ସାଲେପୁର ଅଗ୍ନିଶମ ବିଭାଗ ଓ ସ୍ଥାନୀୟ ଲୋକମାନେ ଆସି ନିଆଁକୁ ଆୟତ୍ତ କରିଥିବା ଜଣାପଡିଛି । ତେବେ ଅଗ୍ନିକାଣ୍ଡ ଫଳରେ ଅଲେଖଙ୍କର ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଥିବା ସେ କହିଛନ୍ତି ।