ପୁରୀ : ପୁରୀ ଜିଲ୍ଲା ପିପିଲିରୁ ରାଉଲକେଲାକୁ ଲମ୍ବିଛି ଧଳା ଜହରର କାରବାର । ପିପିଲିରୁ ଜବତ ହେଲା ୪୦ଲକ୍ଷ ଟଙ୍କାର ବ୍ରାଉନ ସୁଗର । ପୁରୀ ଅବକାରୀ ବିଭାଗ ମୋବାଇଲ ଟିମ ୩ ଜଣକୁ ଅଟକ ରଖିଥିବା ବେଳେ ଗୋଟିଏ କାର ଜବତ କରିଛି । ବାଲେଶ୍ୱରରୁ ଏହି ବ୍ରାଉନ ସୁଗର ଆସିଥିବା ବେଳେ ଅଟକଥିବା ୨ ଯୁବକ ରାଉରକେଲା ଅଂଚଳର ବୋଲି ସୂଚନା ମିଳିଛି । ଗୁଇନ୍ଦା ସୂଚନା ଅନୁସାରେ ପୁରୀ ଅବକାରୀ ବିଭାଗ ମୋବାଇଲ ଟିମ ଧରିଛି ୩ ଅଭିଯୁକ୍ତଙ୍କ ସହ ୩୭୮ ଗ୍ରାମ ବ୍ରାଉନ ସୁଗର । ତେବେ ଗିରଫ ହୋଇଥିବା ତିନିଜଣଙ୍କ ମଧ୍ୟରୁ ଜଣେ ପୁରୀ ଅଞ୍ଚଳର ବୋଲି ଅବକାରୀ ଅଧିକାରୀ ସୂଚନା ଦେଇଛନ୍ତି । ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।