ବାସୁଦେବପୁର : ବାସୁଦେବପୁର ବ୍ଲକ ନୁଆଗାଁ ପଂଚାୟତ ଭାଟପଡା ଗ୍ରାମରେ ରବିବାର ଦିନ ବିଳମ୍ବିତ ରାତିରେ ୪ ନମ୍ବର ୱାର୍ଡର ୱାର୍ଡମେମ୍ବର ପ୍ରାର୍ଥୀ ପଦ୍ମଲୋଚନ ଜେନାଙ୍କ ଘର ଉପରେ ରାତି ଅଧିଆ ଆକ୍ରମଣ ହୋଇଥିବା ନେଇ ଶ୍ରୀ ଜେନା ଥାନାରେ ଅଭିଯୋଗ କରିଛନ୍ତି । ସୂଚନା ଅନୁସାରେ ରବିବାର ରାତି ପ୍ରାୟ ୧୦ଟାରେ କେତେକ ବ୍ୟକ୍ତି ଆସି ଶ୍ରୀ ଜେନା ରହୁଥବା ଭଡା ଘରର ଆଜବେଷ୍ଟସ ଓ ମଟର ସାଇକେଲ ଭାଙ୍ଗି ଚୁର୍ମାର୍ କରିଦେଇଥିବା ଅଭିଯୋଗରେ ଉଲ୍ଲେଖ ଅଛି । ଉକ୍ତ ସମୟରେ ଶ୍ରୀ ଜେନା ତାଙ୍କ ଘରେ ନଥିଲେ ବୋଲି କହିଛନ୍ତି । ସେହିପରି ଶ୍ରୀ ଜେନାଙ୍କୁ ସମର୍ଥନ କରୁଥବା କେତକ ବ୍ୟକ୍ତିଙ୍କ ଘରକୁ ମଧ୍ୟ ପଶି ଭଙ୍ଗାରୁଜା କରାଯାଇଥିବା ବାସୁଦେବପୁର ଥାନାରେ ଅଭିଯୋଗ ହୋଇଥିବା ସୂଚନା ରହିଛି ।