ଲୁହା ଛଡ଼ ଚୋରି କରି ଜେଲ ଗଲେ ୮ ଜଣ ଯୁବକ : ଅଭିଯୋଗର ୨୪ ଘଣ୍ଟା ଭିତରେ ଚୋରଙ୍କୁ ଧରି କୋର୍ଟ ଚାଲାଣ କଲା କେସିଙ୍ଗା ପୋଲିସ
କେସିଙ୍ଗା, (ପ୍ରୀତେଶ ପଟେଲ) : ଗତ ୧୦ ତାରିଖ ରାତିରେ କେସିଙ୍ଗା ବ୍ଲକ ଡୁମେରମୁଣ୍ଡା ଠାରେ ଥିବା କେସିଙ୍ଗା ଏନ୍ଏସିର ଆବର୍ଜନା ଗୃହ ଠାରୁ ଲୁହା ଛଡ ଚୋରି ହୋଇଥିବା ନେଇ ଗତ ୧୧ ତାରିଖରେ କେସିଙ୍ଗା ଥାନାରେ ଅଭିଯୋଗ ହୋଇଥିଲା । ଅଭିଯୋଗକୁ କେନ୍ଦ୍ର କରି କେସିଙ୍ଗା ଥାନାର ଏଏସ୍ଆଇ ଡି. ମୋହନ ଘଟଣାର ତଦନ୍ତ ଆରମ୍ଭ କରିଥିଲେ । ଅଭିଯୋଗର ୨୪ ଘଣ୍ଟା ଭିତରେ ଗତକାଲି ଚୋରି ଘଟଣାରେ ସଂପୃକ୍ତ ଥିବା ୮ ଜଣ ଯୁବକଙ୍କୁ ଗିରଫ କରିବାରେ ସଫଳ ହୋଇଛି କେସିଙ୍ଗା ପୋଲିସ । ଗିରଫ ଯୁବକ ମାନେ ହେଲେ ଛବି ତାଣ୍ଡି(୨୯), କାମଦେବ ସୁନା(୨୦), ଲିଙ୍ଗ ସୁନା(୩୨), ସୁନ୍ଦର ସିଂ ହରିଜନ(୨୩), ଧର୍ମେନ୍ଦ୍ର ହରିଜନ(୩୦), ସୀତାକାନ୍ତ କରୁଆଁ(୨୦), ଜିତେନ୍ଦ୍ର ହରିଜନ(୨୭) ଏବଂ ପ୍ରଫୁଲ୍ଲ ପାୟା ସିଂ(୩୬) ଓ ଏମାନଙ୍କ ମଧ୍ୟରୁ ୭ ଜଣ ଦୁମେରମୁଣ୍ଡାର ବାସିନ୍ଦା ହୋଇଥିବା ବେଳେ ଜଣେ ସିରୋଲ ଗାଁର ବୋଲି ଜଣାପଡିଛି । ସେମାନଙ୍କ ନିକଟରୁ ଚୋରି ହୋଇଥିବା ୭ ବଣ୍ଡଲ ଲୁହା ଛଡ଼ ଓ ଗୋଟେ କଟର ମେସିନ ପୋଲିସ ଜବତ କରିଛି । ଅପରାହ୍ନରେ ୮ ଜଣଙ୍କୁ ଡାକ୍ତରୀ ପରୀକ୍ଷା ପରେ କୋର୍ଟ ଚାଲାଣ କରାଯାଇଛି ।