ବଲାଙ୍ଗିର, (କେପିଏନ୍ଏସ) : ତୁଷୁରା ଥାନା ଅନ୍ତର୍ଗତ ଚାଣ୍ଟିପଦର ଗ୍ରାମରେ ସ୍କୁଲ ଯାଉଥିବା ବେଳେ ଜଣେ ଛାତ୍ରୀଙ୍କୁ ଜଣେ ନିଶାସକ୍ତ ଯୁବକ ଆକ୍ରମଣ କରିଥିବା ଅଭିଯୋଗ ହୋଇଛି । ଗୁରୁତର ଭାବେ ଛାତ୍ରୀ ଜଣଙ୍କ ଏବେ ଭୀମ ଭୋଇ ମେଡିକାଲ କଲେଜ ହସ୍ପିଟାଲରେ ଭର୍ତ୍ତି ହୋଇଥିବା ଜଣାପଡିଛି । ସୂଚନା ଅନୁସାରେ ଆହତ ଛାତ୍ରୀ ଜଣଙ୍କ ସେହି ଗ୍ରାମର ସୁମି ମନହୀରାଙ୍କ ଝିଅ ରୋଜା ଅଟନ୍ତି । ରୋଜା ସ୍କୁଲ ଯାଉଥିଲେ । ଏହି ସମୟରେ ସରୋଜ କୁଅଁର ନାମକଜଣେ ଯୁବକ ରୋଜାଙ୍କୁ ଅତର୍କିତ ଭାବେ ଆକ୍ରମଣ କରିଥିଲା । ଫଳରେ ସେ ଆହତ ହୋଇଥିଲେ । ଆକ୍ରମଣର କାରଣ ଅସ୍ପଷ୍ଟ ରହିଥିବା ବେଳେ ଏ ସମ୍ପର୍କରେ ଥାନାରେ ଅଭିଯୋଗ ହୋଇଛି ।