ଡେଲାଙ୍ଗ ଉନ୍ନୀତ ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ : ପ୍ରଧାନ ଶିକ୍ଷୟିତ୍ରୀଙ୍କ ଅବସରକାଳୀନ ସମ୍ବର୍ଦ୍ଧନା
ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ଗୁରୁମାନେ ହିଁ ସୁସ୍ଥ ସମାଜ ଗଠନର ମୁଖ୍ୟ କର୍ଣ୍ଣଧାର ଓ ଯୁଗେ ଯୁଗେ ବନ୍ଦନୀୟ ବୋଲି ଡେଲାଙ୍ଗ ଉନ୍ନୀତ ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ଓ ଆଦର୍ଶ ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ସତ୍ୟଭାମା ଦେବୀଙ୍କ ଅବସରକାଳୀନ ସମ୍ବର୍ଦ୍ଧନା ସଭା ଉତ୍ସବରେ ଯୋଗ ଦେଇ ମାନ୍ୟଗଣ୍ୟ ଅତିଥିମାନେ ମତପ୍ରକାଶ କରିଛନ୍ତି । ଦୁଇଟି ପର୍ଯ୍ୟାୟରେ ଅନୁଷ୍ଠିତ ଏହି ଉତ୍ସବରେ ଶିକ୍ଷାବିତ୍ ସନ୍ତୋଷ କୁମାର ମହାନ୍ତି ଓ ପ୍ରହଲ୍ଲାଦ ସ୍ୱାଇଁ ଅଧ୍ୟକ୍ଷତା କରିଥିଲେ । ଏଥିରେ ମୁଖ୍ୟ ଅତିଥି ଭାବେ ଭାରତ ସରକାରଙ୍କ ଉତ୍ତର ପୂର୍ବାଞ୍ଚଳର ପ୍ରାକ୍ତନ ସଂସ୍କୃତି ନିର୍ଦ୍ଦେଶକ ତଥା ଭାରତ ସରକାରଙ୍କ ଜାତୀୟ ପୁସ୍ତକ ପ୍ରକାଶନ ସଂସ୍ଥାର ପୂର୍ବତନ ସମ୍ପାଦକ ସୁଲେଖକ ମାନସ ରଞ୍ଜନ ମହାପାତ୍ର, ଅବସରପ୍ରାପ୍ତ ପ୍ରାଧ୍ୟାପକ କବି ଡଃ ବସନ୍ତ କୁମାର ରଥ, ମୁଖ୍ୟ ବକ୍ତା ଭାବେ ଉତ୍କଳମଣି ଗୋପବନ୍ଧୁ ସ୍ମୃତି ମହାବିଦ୍ୟାଳୟର ଅଧ୍ୟାପିକା ତଥା ସୁବକ୍ତା ଶ୍ରୀମତୀ ସ୍ୱର୍ଣ୍ଣଲତା ମାହାରୀ, ଡେଲାଙ୍ଗ କଲେଜର ଅଧ୍ୟକ୍ଷ ଡ଼ଃ ସରୋଜ କୁମାର ପଣ୍ଡା, ପ୍ରାକ୍ତନ ବିଇଓ ସଚ୍ଚିଦାନନ୍ଦ ପ୍ରଧାନ, ଯୁଧିଷ୍ଠିର ପରିଡ଼ା, ଜିଲ୍ଲା ପରିଷଦ ସଭ୍ୟ ପ୍ରସନ୍ନ ସାହୁ, ପ୍ରବଚକ ଶରତ ରାଉତ, ଏବିଇଓ ଶ୍ୟାମସୁନ୍ଦର ଦାସ, ଗାନ୍ଧୀ ତତ୍ତ୍ଵ ପ୍ରଚାରକ ଅନାମ ମଲ୍ଲିକ ପ୍ରମୁଖ ଯୋଗଦେଇ ଛାତ୍ରଛାତ୍ରୀମାନଙ୍କ ସୁଚରିତ୍ର, ଶୃଙ୍ଖଳା, ଆଧ୍ୟାତ୍ମିକତା, ନୈତିକତା ବଜାୟ ରଖିବା ଉପରେ ଗୁରୁତ୍ୱ ଆରୋପ କରିଥିଲେ । ଶିକ୍ଷକ ନେତା ଦିଗମ୍ବର ରଥ, ପ୍ରାକ୍ତନ ପ୍ରଧାନ ଶିକ୍ଷକ ନିରଞ୍ଜନ ସାହୁ, ଅନନ୍ତ ସାହୁ, ସଙ୍ଗୀତଜ୍ଞ ଶିକ୍ଷକ ଲକ୍ଷ୍ମୀ ପ୍ରସାଦ ପାଣି, ଅରୁଣ ପ୍ରଧାନ, ଶିକ୍ଷୟିତ୍ରୀ ହିମାଂଶୁ ବାଳା ରାଜଗୁରୁ, ଅନ୍ନପୂର୍ଣ୍ଣା ହରିଚନ୍ଦନ, ରୋଜାଲିନ ପଣ୍ଡା, ଶିକ୍ଷକ ପାର୍ଥ ସାରଥି, ଅଭୟ ରଥ, ରମେଶ ବଳବନ୍ତରାୟ, ପବିତ୍ର ଜେନା, ତୁଷାର ପ୍ରଧାନ, ସୁରେନ୍ଦ୍ର ସାହୁ, ପ୍ରଦୀପ ସେଠୀ, ଗୋପାଳ ମହାପାତ୍ର, ରମେଶ ପ୍ରଧାନ, ବିଚିତ୍ରାନନ୍ଦ ନାୟକ, ସୁଦିପ୍ତ ପରିଡ଼ା, ଲକ୍ଷ୍ମୀଧର ଵସ୍ତିଆ, ବିଳାସିନୀ ମଲ୍ଲିକ, ସଦାଶିବ ମଲିକ, ସିଆର୍ସିସି ଜଗନ୍ନାଥ ପ୍ରଧାନ ପ୍ରମୁଖଙ୍କ ସହ ଅନ୍ୟମାନେ ଉତ୍ସବରେ ଉତ୍ସାହିତ କରି ଶିକ୍ଷୟିତ୍ରୀଙ୍କ ନିରାମୟ ଜୀବନ କାମନା କରିଥିଲେ । ମୁଖ୍ୟ ଅତିଥି, ମୁଖ୍ୟ ବକ୍ତା ଓ ଅତିଥିମାନେ ପିଲାମାନଙ୍କୁ ଆରମ୍ଭରୁ ସୁମାର୍ଗ ଦେଇ ଗଢି ତୋଳିବାରେ ଶିକ୍ଷକ ଶିକ୍ଷୟିତ୍ରୀଙ୍କ ସହ ପିତାମାତା ଓ ଅଭିଭାବକମାନଙ୍କର ମଧ୍ୟ ଗୁରୁଦାୟିତ୍ଵ ରହିଛି ବୋଲି କହିଥିଲେ । ଆରମ୍ଭରୁ ଶେଷ ପର୍ଯ୍ୟନ୍ତ ସମସ୍ତ କାର୍ଯ୍ୟକ୍ରମକୁ ବାଦ୍ୟ ଗୀତର ତାଳେ ତାଳେ ଏକ ନିଆରା ଢାଞ୍ଚାରେ ମଞ୍ଚର ସୁସଂଯୋଜନା, ଅତିଥି ପରିଚୟ, ବାର୍ଷିକ ବିବରଣୀ ଓ ମାନପତ୍ର ପାଠ ଆଦିକୁ ପ୍ରସ୍ତୁତ କରି ସୁନ୍ଦର ଭାବରେ ସମାହିତ କରିଥିଲେ ବିଦ୍ୟାଳୟର ସଂସ୍କୃତି ପ୍ରେମୀ ଶିକ୍ଷକ ଅଭୟ ଚରଣ ସାହୁ । ଡେଲାଙ୍ଗ ବ୍ଲକର ବୋଳକଣା, ଶଖପାଟ, ଅମାଳଙ୍ଗ ଓ ଡେ଼ଲାଙ୍ଗ ୟୁଜିୟୁପି ସ୍କୁଲରେ ଶିକ୍ଷୟିତ୍ରୀ ସତ୍ୟଭାମା ଦେବୀ କାର୍ଯ୍ୟ କରି ତାଙ୍କର ସୁଗୁଣ ଓ କର୍ତ୍ତବ୍ୟ ନିଷ୍ଠା ପାଇଁ ସେ ସମସ୍ତଙ୍କର ପ୍ରିୟପାତ୍ରୀ ଥିଲେ । ପ୍ରାକ୍ତନ ଛାତ୍ରୀ ପ୍ରଜ୍ଞା, ବର୍ତ୍ତମାନର ଛାତ୍ରଛାତ୍ରୀ ସିମରନ୍, ବିଶ୍ୱପ୍ରକାଶ ଓ ଆତ୍ମ ଜିତ୍ ବିଦାୟ ଭାଷଣ ଦେଇଥିଲେ।ଏହି ଅବସରରେ ଚଳିତ ବର୍ଷର ଚମ୍ପିୟାନ୍ ବୃତ୍ତି ଛାତ୍ର ଆତ୍ମଜିତ୍ ବେହେରା, ଛାତ୍ରୀ ସ୍ୱୟଂଶ୍ରୀୟା ପ୍ରିୟଦର୍ଶିନୀ, ପ୍ରଜ୍ଞା ପାରମିତା ସାହୁ, ଶିକ୍ଷୟିତ୍ରୀ ସତ୍ୟଭାମା ବେହେରା ଓ ନୃତ୍ୟଗୁରୁ ଅମୁଲ୍ୟ ସେଠୀଙ୍କୁ ମୁଖ୍ୟ ଅତିଥି ଉତ୍ତରୀୟ, ପୁଷ୍ପ ଗୁଚ୍ଛ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ । ବିଭିନ୍ନ ପ୍ରତିଯୋଗିତାର ୯୫ ଜଣ ପିଲାଙ୍କୁ ମଞ୍ଚରେ ପ୍ରମାଣପତ୍ର ପ୍ରଦାନ କରି ସମ୍ମାନିତ କରାଯାଇଥିଲା । ବଳଙ୍ଗା ସତ୍ୟ ଚେତନା ଅନୁଷ୍ଠାନର ପ୍ରତିଷ୍ଠାତା ପ୍ରଭାତ କୁମାର ମିଶ୍ର , ଡଃ ଜ୍ୟୋତ୍ସ୍ନାମୟୀ ମିଶ୍ର, ଅଙ୍ଗନବାଡ଼ି ଶିକ୍ଷୟିତ୍ରୀ ସ୍ୱପ୍ନାରାଣୀ ସିଂ, ପ୍ରଧାନ ଶିକ୍ଷୟିତ୍ରୀ ସତ୍ୟଭାମା ଦେବୀ ପିଲାମାନଙ୍କ ନୃତ୍ୟରେ ମୁଗ୍ଧ ହୋଇ ପୁରସ୍କୃତ କରିଥିଲେ । ପରିଚାଳନାରେ କମିଟି ଅଧ୍ୟକ୍ଷ ପ୍ରମୋଦ କୁମାର ସେଠୀ, ସଭ୍ୟ ଦିଲ୍ଲୀପ ସାମନ୍ତରାୟ, ଜିତେନ୍ଦ୍ର ସେଠୀ, ଦୁର୍ଯ୍ୟେଧନ ସାମନ୍ତରାୟ, ଅଭିଭାବକ ଗୀତାରାଣୀ ନାୟକ, ହାସିନା ବିବି, ରେଶମା ବିବି, ଶିକ୍ଷକ ଟିକେଇ ଦଳାଇ, ମାନସ ରଞ୍ଜନ ସ୍ଵାଇଁ, ସୋମନାଥ ବେହେରା ସତ୍ୟଭାମା ବେହେରା, ପ୍ରିୟତ୍ତମା ସାହୁଙ୍କ ସହ ଅନ୍ୟମାନେ ପୂର୍ଣ୍ଣ ସହଯୋଗ କରିଥିଲେ । ଛାତ୍ରଛାତ୍ରୀଙ୍କ ଆକର୍ଷଣୀୟ ନୃତ୍ୟ ସହ ଭିନ୍ନ ପ୍ରକାରର ସଭା ସଂଯୋଜନା ସମସ୍ତଙ୍କୁ ଶେଷ ପର୍ଯ୍ୟନ୍ତ ବାନ୍ଧି ରଖିଥିଲା । ଯୁବ ପ୍ରତିଭା ଶିକ୍ଷୟିତ୍ରୀଙ୍କ ସୁପୁତ୍ର ସଞ୍ଜୀବ କୁମାର ପଣ୍ଡା ସମସ୍ତଙ୍କୁ କୃତଜ୍ଞତା ଜ୍ଞାପନ କରିଥିଲେ । ଶେଷରେ ଶିକ୍ଷକ ଅଭୟ ଚରଣ ସାହୁ ଶିକ୍ଷୟିତ୍ରୀଙ୍କ ଉଦ୍ଦେଶ୍ୟରେ ଶେଷ ଆବେଗପୂର୍ଣ୍ଣ ଗୀତଗାଇ ଥିଲେ ଯାହାକି ସମସ୍ତଙ୍କର ନୟନ ଲୋତକ ଛଳଛଳ ହୋଇଯାଇଥିଲା । ଡେ଼ଲାଙ୍ଗ ଉନ୍ନୀତ ଉ.ପ୍ରା. ବିଦ୍ୟାଳୟ ତରଫରୁ ଶିକ୍ଷୟିତ୍ରୀଙ୍କୁ ସ୍ୱତନ୍ତ୍ର ମାନପତ୍ର, ପ୍ରାକ୍ତନ ମେଧାବୀ ଛାତ୍ରୀ ପ୍ରଜ୍ଞା ପ୍ରଣମିତା ବେହେରା, ଶିକ୍ଷକ ସଙ୍ଗଠନ ଅନ୍ୟାନ୍ୟ ବିଦ୍ୟାଳୟ ଓ ଛାତ୍ରଛାତ୍ରୀଙ୍କ ତରଫରୁ ସତ୍ୟଭାମା ଦିଦିଙ୍କୁ ମାନପତ୍ର ଓ ଉତ୍ତରୀୟ ପ୍ରଦାନ ପୂର୍ବକ ଅପୂର୍ବ ସମ୍ବର୍ଦ୍ଧନା ଦିଆଯାଇଥିଲା । ବାର୍ଷିକ ଓ ବିଦାୟ ସମ୍ବର୍ଦ୍ଧନା ଉତ୍ସବ ସୁନ୍ଦର ଓ ଶୃଂଖଳାର ସହ ସମାପ୍ତ ହୋଇଥିବାରୁ ଅତିଥିମାନେ ଖୁସି ବ୍ୟକ୍ତ କରିଥିଲେ । ବିଇଓଙ୍କ କାର୍ଯ୍ୟାଳୟ ତରଫରୁ ପୂର୍ଣ୍ଣଚନ୍ଦ୍ର ମହାପାତ୍ର, ନବ ମିଶ୍ର, ଅନିଲ ପ୍ରଧାନ ଶିକ୍ଷୟିତ୍ରୀଙ୍କୁ ପେନସନ୍ ପେପର୍ ପ୍ରଦାନ କରିଥିଲେ ।