ପଦ୍ମପୁର, (ନିରୋଜ କୁମାର ପାଣୀ) : ପାଇକମାଲ ବ୍ଲକ ମିଠାପାଲ ସ୍ଥିତ ବିକ୍ରମ ନଗର ଅବସର ପ୍ରାପ୍ତ ପ୍ରାଥମିକ ଶିକ୍ଷକ ନନ୍ଦଲାଲ ମିର୍ଦ୍ଧା ୭୫ ବର୍ଷ ବୟସରେ ବରଗଡ ଠାରେ ଚିକିତ୍ସାଧିନ ଅବସ୍ଥାରେ ମୃତ୍ୟୁବରଣ କରିଛନ୍ତି । ସେ ଜଣେ ଛାତ୍ର ବତ୍ସଲ ଓ ସରଳ ଶିକ୍ଷକ ଭାବେ ବେଶ ଜଣାଶୁଣା । ତାଙ୍କର ଅଧିକ ସମୟ ପାଇକମାଲ ଠାରେ ଅଧ୍ୟାପନା କରିଥିବାରୁ ଅନେକ ଛାତ୍ରଛାତ୍ରୀ ପାଠ ପଢିଛନ୍ତି । ଯେଉଁମାନେ ବର୍ତ୍ତମାନ ସରକାରୀ ତଥା ବେସରକାରୀ ସ୍ତରରେ ବେଶ ସୁନାମ ଅର୍ଜନ କରିଛନ୍ତି । ତାଙ୍କ ପଛରେ ସ୍ତ୍ରୀ ଓ ଦୁଇ ପୁଅ ବୋହୂ ଓ ନାତି ନାତୁଣୀଙ୍କୁ ଛାଡି ଯାଇଛନ୍ତି । ତାଙ୍କ ମୃତ୍ୟୁରେ ପାଇକମାଲ ଅଞ୍ଚଳରେ ଶୋକ ଛାୟା ଖେଳି ଯାଇଛି । ତାଙ୍କ ବିୟୋଗରେ ପ୍ରାଥମିକ ଶିକ୍ଷକ ସଂଘ ତରଫରୁ ଶିକ୍ଷକ ନେତା ମହାଦେବ ବେହେରା, ସଦାନନ୍ଦ ସାହୁ ଗଭୀର ଶୋକ ପ୍ରକାଶ କରିବା ସହିତ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି ।