କିଭ୍(ୟୁକ୍ରେନ) : ୟୁକ୍ରେନର ରାଷ୍ଟ୍ରପତି ଭୋଲୋଦିମିର ଜେଲେନସ୍କି ରୁଷର ସେନାକୁ ଦୁନିଆର ସବୁଠାରୁ ବର୍ବର ସେନା ବୋଲି କହିଛନ୍ତି । ସେ କହିଛନ୍ତି ଯେ, ରୁଷର ସକ୍ଷମ ସୈନିକମାନଙ୍କ ସହ ଯାହା ବି ଅସ୍ତ୍ର ଉପଲବ୍ଧ, ସେମାନେ ୟୁକ୍ରେନ ବିରୁଦ୍ଧରେ ବ୍ୟବହାର କରୁଛନ୍ତି । ଜେଲେନସ୍କି ଦେଶକୁ ଏକ ଭିଡିଓ ବାର୍ତ୍ତାରେ କହିଛନ୍ତି ଯେ, ରୁଷର ସୈନିକମାନେ ବର୍ବରତାର ସୀମା ଅତିକ୍ରମ କରିଛନ୍ତିୁ। ସେମାନେ ପ୍ରତ୍ୟେକ ବ୍ୟକ୍ତି ଏବଂ ଜିନିଷକୁ ଟାର୍ଗେଟ କରିଛନ୍ତି, ଯାହା ସେମାନଙ୍କୁ ୟୁକ୍ରେନ ବିରୋଧରେ ସଂଗ୍ରାମର ସମ୍ମୁଖୀନ ହେବାକୁ ସାହାଯ୍ୟ କରିଛି ।
କେବଳ ସାମରିକ ସ୍ଥାନ ଉପରେ ଆକ୍ରମଣ କରୁଥିବା ରୁଷର ଦାବୀକୁ ୟୁକ୍ରେନ ରାଷ୍ଟ୍ରପତି ଖାରଜ କରିଦେଇଛନ୍ତି । ସେ କହିଛନ୍ତି ଯେ, ରୁଷର ସୈନ୍ୟମାନେ ଆବାସିକ ଅଞ୍ଚଳକୁ ଟାର୍ଗେଟ କରି ସାଧାରଣ ନାଗରିକଙ୍କୁ ହତ୍ୟା କରିବାରେ ଲାଗିଛନ୍ତି । ଜେଲେନସ୍କି କହିଛନ୍ତି ଯେ, ଏହି ଯୁଦ୍ଧରେ ରୁଷର ସେନା ନିଜକୁ ବିଶ୍ୱ ଇତିହାସର ସବୁଠାରୁ ବର୍ବର ତଥା ଅମାନୁଷିକ ସେନା ଭାବରେ ପଞ୍ଜିକରଣ କରୁଛି । ପାଶ୍ଚାତ୍ୟ ଦେଶମାନଙ୍କୁ ଶୀଘ୍ର ଅସ୍ତ୍ରଶସ୍ତ୍ର ଯୋଗାଇବାକୁ ସେ ଅନୁରୋଧ କରି କହିଛନ୍ତି ଯେ, ଯଦି ଆମେ ବର୍ତ୍ତମାନ ଅସ୍ତ୍ରଶସ୍ତ୍ର ପାଉ, ତେବେ ସେହି ଅସ୍ତ୍ରଶସ୍ତ୍ର ସାହାଯ୍ୟରେ ହଜାର ହଜାର ଲୋକଙ୍କ ଜୀବନ ରକ୍ଷା କରାଯାଇ ପାରିବ ।