- ଚଳଚ୍ଚିତ୍ର ପ୍ରତିଷ୍ଠାନର ପ୍ରତିଭାଙ୍କ ସଂଘର୍ଷ ହ୍ରାସ କରିବ ଏହି ବୁଝାମଣା : ଅନୁରାଗ ଠାକୁର
- ଭାରତ ଏକ ବିବିଧ ଦେଶ, ଓଟିଟି ଗୁଡିକ ସାମୂହିକ ଏବଂ ସୃଜନଶୀଳ ବିବିଧତାକୁ ପ୍ରତିଫଳିତ କରିବା ଆବଶ୍ୟକ ବୋଲି ମନ୍ତ୍ରୀ କହିଛନ୍ତି
- ଭାରତୀୟ ବିଷୟବସ୍ତୁ ଏବେ ଅନେକ ଦର୍ଶକଙ୍କ ନିକଟରେ ପହଞ୍ଚୁଛି, ସମସ୍ତ କ୍ଷେତ୍ରରୁ ପ୍ରତିଭା ଆନ୍ତର୍ଜାତିକ ସ୍ତରରେ ପହଞ୍ଚି ପାରୁଛି : ବରୁଣ ଧାୱନ
ନୂଆଦିଲ୍ଲୀ, (ପିଆଇବି) : ମିଡିଆ, ଏଣ୍ଟରଟେନମେଣ୍ଟ ଏବଂ ଜନସଚେତନତା କ୍ଷେତ୍ରରେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଗତକାଲି ସୂଚନା ଓ ପ୍ରସାରଣ ମନ୍ତ୍ରଣାଳୟ ଏବଂ ଆମାଜନ ଇଣ୍ଡିଆ ମଧ୍ୟରେ ସହଭାଗିତା ସମ୍ପର୍କରେ ଘୋଷଣା କରିଛନ୍ତି ।
ସହଭାଗୀତାର ଶୁଭାରମ୍ଭ ଅବସରରେ ଅନୁରାଗ ଠାକୁର କହିଛନ୍ତି ଯେ ଭାରତ ଏକ ପ୍ରାଚୀନ ସଭ୍ୟତା ହୋଇଥିବାରୁ ଏଥିରେ ଲକ୍ଷ ଲକ୍ଷ କାହାଣୀର ସମାହାର ରହିଛି ଯାହା ଏବେ ମଧ୍ୟ ପ୍ରକାଶ କରିବାକୁ ରହିଛି। କାହାଣୀର ପରିସର ଅତ୍ୟନ୍ତ ବ୍ୟାପକ ଏବଂ ଏଥିରେ ଆଧ୍ୟାତ୍ମିକତା ଠାରୁ ସଫ୍ଟୱେର୍, ପରମ୍ପରା, ଟ୍ରେଣ୍ଡ୍, ଲୋକନୃତ୍ୟ ଏବଂ ପର୍ବପର୍ବାଣି ଏବଂ ଗ୍ରାମାଞ୍ଚଳ ଭାରତରୁ ଉଦୀୟମାନ ଭାରତ ପର୍ଯ୍ୟନ୍ତ ବିସ୍ତୃତ ଦିଗ ରହିଛି । ସେ ଆହୁରି ମଧ୍ୟ କହିଛନ୍ତି ଯେ ନିକଟରେ ଭାରତୀୟ ବିଷୟବସ୍ତୁ ଆନ୍ତର୍ଜାତୀୟ ଫୋରମରେ ସଫଳତା ହାସଲ କରିଛି ଏବଂ ଭାରତୀୟ କଳାକାରମାନେ ବିଦେଶୀ ଦର୍ଶକଙ୍କ ମଧ୍ୟରେ ବହୁତ ଲୋକପ୍ରିୟତା ହାସଲ କରିଛନ୍ତି ।
ଭାରତରେ ମନୋରଞ୍ଜନ ଶିଳ୍ପ ପାଇଁ ଏକ ଅନୁକୂଳ ବାତାବରଣ ସୃଷ୍ଟି କରିବା ପାଇଁ ମନ୍ତ୍ରଣାଳୟ ଦ୍ବାରା ନିଆଯାଇଥିବା ପଦକ୍ଷେପ ଉପରେ ମନ୍ତ୍ରୀ ଅନୁଧ୍ୟାନ କରି କହିଛନ୍ତି ଯେ ଭାରତୀୟ ମନୋରଞ୍ଜନ ଶିଳ୍ପର ସୁଯୋଗ ତଥା ବିଶେଷ କରି ଓଟିଟି ପରି ନୂତନ ପ୍ଲାଟଫର୍ମକୁ ସରକାର ସ୍ୱୀକୃତି ପ୍ରଦାନ କରୁଛନ୍ତି। ମନ୍ତ୍ରଣାଳୟ ଅଡିଓ ଭିଜୁଆଲ୍ ସେବାକୁ ଚାମ୍ପିଅନ୍ ସେବା କ୍ଷେତ୍ର ଭାବରେ ସ୍ୱୀକୃତି ଦେଇଛି ଏବଂ ଓଟିଟି କଣ୍ଟେଣ୍ଟ ରେଗୁଲେସନର ସ୍ୱ-ନିୟାମକ ଢାଞ୍ଚାକୁ ନିକଟରେ ଆଣିଛି ।
ଆମାଜନ ସହ ସହଭାଗିତା ବିଷୟରେ ସୂଚନା ପ୍ରଦାନ କରି ଶ୍ରୀ ଠାକୁର କହିଛନ୍ତି ଯେ ଆମାଜନ ଇଣ୍ଡିଆ ସହ ସହଭାଗିତା ଅନେକ କ୍ଷେତ୍ରରେ ଅନନ୍ୟ ଏବଂ ସୃଜନଶୀଳ ଶିଳ୍ପର ବିଭିନ୍ନ ଦିଗରେ ରହିଛି ଏବଂ ଏହି ଲେଟର ଅଫ୍ ଏଗେଜମେଣ୍ଟ ଏସବୁକୁ ବିସ୍ତାର ହୋଇଛି। ଏହି ସହଭାଗିତା ଫିଲ୍ମ ଆଣ୍ଡ ଟେଲିଭିଜନ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଏବଂ ସତ୍ୟଜିତ୍ ରାଇ ଫିଲ୍ମ ଆଣ୍ଡ ଟେଲିଭିଜନ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ଛାତ୍ରମାନଙ୍କ ପାଇଁ ଛାତ୍ରବୃତ୍ତି, ଇଣ୍ଟର୍ନସିପ୍, ମାଷ୍ଟରକ୍ଲାସ୍ ଏବଂ ଅନ୍ୟାନ୍ୟ ସୁଯୋଗ ପାଇଁ ଶିଳ୍ପ-ଶିକ୍ଷା ସଂଯୋଗକୁ ମଜବୁତ କରିବାରେ ସାହାଯ୍ୟ କରିବ । ଏହି ପଦକ୍ଷେପ ଭାରତର ପ୍ରତିଷ୍ଠିତ ଚଳଚ୍ଚିତ୍ର ପ୍ରତିଷ୍ଠାନରୁ ବାହାରୁଥିବା ପ୍ରତିଭାବାନ କଳାକାରଙ୍କ ପାଇଁ ସଂଗ୍ରାମର ସମୟ ହ୍ରାସ କରିବାରେ ସହାୟକ ହେବ ବୋଲି ସେ କହିଛନ୍ତି ।
ଓଟିଟି ପ୍ଲାଟଫର୍ମରେ ବିଷୟବସ୍ତୁର ଗୁଣବତ୍ତା ପାଇଁ ମନ୍ତ୍ରୀ ମଧ୍ୟ ଉଦ୍ବେଗ ପ୍ରକାଶ କରି କହିଛନ୍ତି ଯେ ଓଟିଟି ପ୍ଲାଟଫର୍ମଗୁଡିକର ଦାୟିତ୍ବ ରହିଛି ଯେ ସେମାନଙ୍କର ପ୍ଲାଟଫର୍ମଗୁଡିକ ଅଶ୍ଳୀଳତା ପ୍ରଚାର ନକରନ୍ତି ଏବଂ ସୃଜନଶୀଳ ଅଭିବ୍ୟକ୍ତି ଭାବରେ ଅପବ୍ୟବହାର ଯେପରି ନହୁଏ । ଓଟିଟି ନିଶ୍ଚିତ ଭାବରେ ଦେଶର ସାମୂହିକ ବିବେକକୁ ପ୍ରତିଫଳିତ କରିବ ବୋଲି ସେ କହିଛନ୍ତି ।
ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବରେ ବରୁଣ ଧାୱନ ଯୋଗ ଦେଇଥିଲେ ଏବଂ ଷ୍ଟ୍ରିମିଂ ସେବାର ଗଭୀରତା ବିଷୟରେ କହିଥିଲେ ଏବଂ ଜଣାଇଥିଲେ ଯେ ଷ୍ଟ୍ରିମିଂ ମାଧ୍ୟମରେ ଭାରତୀୟ ସିନେମା ବର୍ତ୍ତମାନ ଏକ ବିଶ୍ୱ ସ୍ତରରେ ପହଞ୍ଚିଛି ଏବଂ ଷ୍ଟ୍ରିମିଂ ସେବା ଆଜି ଭାରତୀୟ ବିଷୟବସ୍ତୁକୁ ବହୁତ ବ୍ୟାପକ ହୋଇପାରିଛି। ଷ୍ଟ୍ରିମିଂ ସେବାଗୁଡିକ ଏକ ଲେଭେଲର୍ ଭାବରେ କାର୍ଯ୍ୟ କରୁଥିବା ଶ୍ରୀ ଧୱନ ଦର୍ଶାଇଛନ୍ତି । ଏହା ନୂତନ ଅଭିନେତା ଏବଂ ନିର୍ମାତା, ପ୍ରତିଭା ଯେଉଁମାନେ ଏପର୍ଯ୍ୟନ୍ତ ସୁଯୋଗରୁ ବଞ୍ଚିତ ହୋଇଛନ୍ତି ସେମାନଙ୍କ ପାଇଁ ଏହା ଏକ ଅପୂର୍ବ ସୁଯୋଗ ସୃଷ୍ଟି କରିବ ଏବଂ ସେମାନେ ବିଶ୍ୱର ଦର୍ଶକଙ୍କ ସହ ଯୋଡି ହୋଇପାରିବେ ।
ସହଭାଗୀତା ବିଷୟରେ ଶ୍ରୀ ଧୱନ କହିଛନ୍ତି ଯେ “ଏପରି ସହଯୋଗ ଯାହା ଆମ ଶିଳ୍ପ ତଥା ପ୍ରତିଭାକୁ ପ୍ରୋତ୍ସାହିତ କରେ ଏବଂ ସମର୍ଥନ କରେ। ଏହା ମୋ ମନରେ ଉତ୍ସାହ ଭରିଦେଇଛି ଏବଂ ବିଶ୍ୱର ମନୋରଞ୍ଜନ ମଞ୍ଚରେ ଜଣେ ଭାରତୀୟ ହେବାର ଏହା ନିଶ୍ଚିତ ଭାବରେ ଏକ ଗୌରବର ବିଷୟ ।’’
ସୂଚନା ଓ ପ୍ରସାରଣ ମନ୍ତ୍ରଣାଳୟର ସେକ୍ରେଟାରି ଅପୂର୍ବ ଚନ୍ଦ୍ରା କହିଛନ୍ତି ଯେ ଏମଆଇବି ଏବଂ ଆମାଜନ ମଧ୍ୟରେ ସହଭାଗିତା ଜାତୀୟ ତଥା ଆନ୍ତର୍ଜାତୀୟ ସ୍ତରରେ ଭାରତୀୟ ପ୍ରତିଭାଙ୍କ ପାଇଁ ସୁଯୋଗ ସୃଷ୍ଟି କରିବ ।
ଭାଇସ ପ୍ରେସିଡେଣ୍ଟ, ଏସିଆ ପାସିଫିକ୍, ଆମାଜନ ପ୍ରାଇମ ଭିଡିଓ, ଗୌରବ ଗାନ୍ଧୀ କହିଛନ୍ତି ଯେ “ସୂଚନା ଓ ପ୍ରସାରଣ ମନ୍ତ୍ରଣାଳୟ ସହିତ ଆମର ସମ୍ପୂର୍ଣ୍ଣ ସହଯୋଗ ପ୍ରତ୍ୟେକ ଜୀବନର ପର୍ଯ୍ୟାୟ ଏବଂ ଶିଳ୍ପର ଅଭିବୃଦ୍ଧିକୁ ଉତ୍ସାହିତ କରିବା ସହିତ ଏହା ସମଗ୍ରୀକ ଉନ୍ନତିରେ ସହାୟକ ବୋଲି ଆମେ ଆଶା କରୁଛୁ ଓ ଏହା ନୂତନ ପ୍ରତିଭାମାନଙ୍କୁ ନିଶ୍ଚିତ ଭାବରେ ସୁଯୋଗ ଦେବାରେ ସହାୟକ ହେବ।’’
ଏହି ଅବସରରେ ଚେତନ କୃଷ୍ଣସ୍ୱାମୀ, ଭାଇସ୍ ପ୍ରେସିଡେଣ୍ଟ, ପବ୍ଲିକ୍ ପଲିସି, ଆମାଜନ ଇଣ୍ଡିଆ, ବିକ୍ରମ ସହାୟ, ଜଏଣ୍ଟ ସେକ୍ରେଟାରି, ସୂଚନା ଓ ପ୍ରସାରଣ ମନ୍ତ୍ରଣାଳୟ, ଭାରତ ସରକାର ଏବଂ ମନ୍ତ୍ରଣାଳୟର ଅନ୍ୟ ବରିଷ୍ଠ ଅଧିକାରୀମାନେ ମଧ୍ୟ ଉପସ୍ଥିତ ରହିଥିଲେ ।
ସହଯୋଗ ବିଷୟରେ
ଲେଟର ଅଫ୍ ଏଗେଜମେଣ୍ଟ (ଏଲଓଇ) ମନ୍ତ୍ରଣାଳୟ ଅଧୀନରେ ଥିବା ବିଭିନ୍ନ ସଂଗଠନ ଏବଂ ଆମାଜନର ବିଭିନ୍ନ ଭର୍ଟିକାଲ୍ ମଧ୍ୟରେ ଏକ ବହୁମୁଖୀ ସହଭାଗିତାକୁ ନେଇଥାଏ। ଏଥିମଧ୍ୟରେ ଜାତୀୟ ଚଳଚ୍ଚିତ୍ର ବିକାଶ ନିଗମ (ଏନଏଫଡିସି), ପ୍ରସାର ଭାରତୀ, ପ୍ରକାଶନ ବିଭାଗ ଏବଂ ଫିଲ୍ମ ଆଣ୍ଡ ଟେଲି ଟେଲିଭିଜନ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ (ଏଫଟିଆଇଆଇ) ଏବଂ ସତ୍ୟଜିତ୍ ରାଇ ଚଳଚ୍ଚିତ୍ର ଏବଂ ଟେଲିଭିଜନ ପ୍ରତିଷ୍ଠାନ (ଏସଆରଏଫଟିଆଇ) ର ମିଡିଆ ତାଲିମ ପ୍ରତିଷ୍ଠାନ ଅନ୍ତର୍ଭୁକ୍ତ। ଆମାଜନ ପକ୍ଷରୁ, ଏଲଓଇ ରେ ରହିଛି ଆମାଜନ ପ୍ରାଇମ ଭିଡିଓ, ଆଲେକ୍ସା, ଆମାଜନ ମ୍ୟୁଜିକ୍, ଆମାଜନ ଇ-ମାର୍କେଟପ୍ଲେସ୍ ଏବଂ ଆଇଏମଡିବି ର ଅଂଶଗ୍ରହଣ ଅନ୍ତର୍ଭୁକ୍ତ ରହିଛି ।
ଜନସଚେତନତା ଏବଂ ଭାରତର ସାଂସ୍କୃତିକ ଐତିହ୍ୟକୁ ଆଲୋକିତ କରିବା
ଆମାଜନ ସହିତ ଲେଟର୍ ଅଫ୍ ଏନଗେଜମେଣ୍ଟ ରେ ଆମାଜନ ଇ-କମର୍ସ ୱେବସାଇଟରେ ଭାରତର ସଂସ୍କୃତି ଉପରେ ପ୍ରକାଶନ ବିଭାଗର ପୁସ୍ତକଗୁଡ଼ିକର ଏକ ଉତ୍ସର୍ଗୀକୃତ କାଟାଲଗ୍ ମାଧ୍ୟମରେ ଭାରତୀୟ ଐତିହ୍ୟର ପ୍ରୋତ୍ସାହନ ଏବଂ ଆମାଜନ ମ୍ୟୁଜିକ୍ ଏବଂ ଆଲେକ୍ସା ଉପରେ ଭାରତୀୟ ସଙ୍ଗୀତର ପ୍ରୋତ୍ସାହନ ଉପରେ ମଧ୍ୟ ଗୁରୁତ୍ୱ ପ୍ରଦାନ କରାଯାଇଛି ।
ମାନ୍ୟବର ରାଷ୍ଟ୍ରପତି ତଥା ମାନ୍ୟବର ପ୍ରଧାନମନ୍ତ୍ରୀଙ୍କ ଭାଷଣ, ଜାତୀୟ ଗୁରୁତ୍ୱପୂର୍ଣ୍ଣ ଘଟଣା ତଥା ଜନସ୍ୱାର୍ଥ ଅଭିଯାନ ସମ୍ବନ୍ଧୀୟ ବିଷୟବସ୍ତୁ ଏବଂ ଦୈନିକ ସମ୍ବାଦ ବୁଲେଟିନ୍ ଆଲେକ୍ସା ଏବଂ ଆମାଜନ ମ୍ୟୁଜିକ୍ ମାଧ୍ୟମରେ ପ୍ରସାରଣ କରାଯିବ ।
ଭାରତୀୟ ପ୍ରତିଭାର ପ୍ରସାର
ପ୍ରତିଭା ବିକାଶ ଉପାଦାନର ଏକ ଅଂଶ ଭାବରେ, ଆମାଜନ ପ୍ରାଇମ ଭିଡିଓ (ଏପିଭି) ସ୍କଲାରସିପ ପ୍ରାୟୋଜିତ କରିବ, ଇଣ୍ଟର୍ନସିପ୍ ପ୍ରୋଗ୍ରାମ ସୃଷ୍ଟି କରିବ ଏବଂ ଏଫଟିଆଇଆଇ ଏବଂ ଏସଆରଏଫଟିଆଇ ର ଛାତ୍ରମାନଙ୍କ ପାଇଁ ନିଯୁକ୍ତି ସୁଯୋଗ ପ୍ରଦାନ କରିବ । ଏପିଭି ଏନଏଫଡିସି ସହଭାଗିତାରେ ଦକ୍ଷତା ବିକାଶ କାର୍ଯ୍ୟ କରିବ, ମିଡିଆ ଏବଂ ମନୋରଞ୍ଜନ ଶିଳ୍ପ ପାଇଁ ଏକାଡେମିକ୍ ଅନୁଷ୍ଠାନରେ ଭାରତୀୟ ତଥା ଆନ୍ତର୍ଜାତୀୟ ଚଳଚ୍ଚିତ୍ର ବ୍ୟକ୍ତିତ୍ୱଙ୍କ ଦ୍ୱାରା ମାଷ୍ଟରକ୍ଲାସ୍ ପରିଚାଳନା କରିବ ଏବଂ ‘୭୫ କ୍ରିଏଟିଭ୍ ମାଇଣ୍ଡସ୍ ଅଫ୍ ଟୁମରୋ’କାର୍ଯ୍ୟକ୍ରମର ବିଜେତାମାନଙ୍କ ପ୍ରତିଭାକୁ ସମ୍ମାନିତ କରିବା ପାଇଁ ପଦକ୍ଷେପ ଆରମ୍ଭ କରିବ ।
ଭାରତୀୟ ପ୍ରତିଭାର ବିଶ୍ୱ ସ୍ତରୀୟ ବୃଦ୍ଧି ପାଇଁ ଆମାଜନ ଏନଏଫଡିସି ସହିତ କାର୍ଯ୍ୟ କରିବ ଯାହାକି ସୃଜନଶୀଳ ଶିଳ୍ପ ପାଇଁ ଏକ ବିଶ୍ୱସ୍ତରୀୟ ଡାଟାବେସ୍ ଆଇଏମଡିବି ରେ ଭାରତୀୟ କଳାକାରଙ୍କ ବିଷୟରେ ଉପଲବ୍ଧତାର ସୁଗମତା ବୃଦ୍ଧି କରିବ।
ଏକ ଗ୍ଲୋବାଲ୍ ଷ୍ଟେଜରେ ଭାରତୀୟ ବିଷୟବସ୍ତୁ ପ୍ରଦର୍ଶନ
ମନ୍ତ୍ରଣାଳୟର ସହଯୋଗର ଏକ ଅଂଶ ଭାବରେ, ଇଣ୍ଟରନାସ୍ନାଲ୍ ଫିଲ୍ମ ଫେଷ୍ଟିଭାଲ୍ ଅଫ୍ ଇଣ୍ଡିଆ (ଆଇଏଫ୍ଏଫ୍ଆଇ) ପୁରସ୍କାର ପ୍ରାପ୍ତ ଚଳଚ୍ଚିତ୍ର ଏବଂ ଭାରତର ଆନ୍ତର୍ଜାତୀୟ କେ-ପ୍ରଡକ୍ସନ ଚୁକ୍ତିନାମାର ଅଂଶ ଭାବରେ ନିର୍ମିତ ଚଳଚ୍ଚିତ୍ରଗୁଡିକ ଆମାଜନ ପ୍ରାଇମ ଭିଡିଓ ଦ୍ୱାରା ବିଶ୍ୱ ଦର୍ଶକଙ୍କ ପାଇଁ ଉପଲବ୍ଧ ହେବ। ଏପିଭି ଫିଲ୍ମ ଏବଂ ୱେବ୍ ସିରିଜର ବିକାଶର ସମ୍ଭାବନା ସହିତ ବିଶ୍ୱ ନିକଟରେ ଭାରତର ସଫଳତାକୁ ଉପସ୍ଥାପିତ କରିବ ।
ଏପିଭି ଏବଂ ମିନି ଟିଭି ଦେଶର ଯୁବକମାନଙ୍କ ପାଇଁ ତଥା ସମଗ୍ର ବିଶ୍ୱରେ ସହଜ ପ୍ରବେଶ ପାଇଁ ପ୍ରସାର ଭାରତୀ ଏବଂ ଏନଏଫଡିସି ମାଲିକାନାରେ ଥିବା ସମୃଦ୍ଧ ଅଭିଲେଖାଗାର ବିଷୟବସ୍ତୁ ଉପରେ ରହିବ। ସମ୍ମାନଜନକ ଇଣ୍ଟରନାସ୍ନାଲ୍ ଫିଲ୍ମ ଫେଷ୍ଟିଭାଲ୍ ଅଫ୍ ଇଣ୍ଡିଆ (ଆଇଏଫଏଫଆଇ) ଏବଂ ଆଞ୍ଚଳିକ ଚଳଚ୍ଚିତ୍ର ମହୋତ୍ସବରେ ବିଷୟବସ୍ତୁ, ପ୍ରଯୁକ୍ତିବିଦ୍ୟା ପ୍ରଦର୍ଶନୀ, ନିର୍ମାତା କର୍ମଶାଳା ଏବଂ ପ୍ରତିଭା ପାରସ୍ପରିକ କାର୍ଯ୍ୟକଳାପ ପାଇଁ ଆମାଜନ ଏନଏଫଡିସି ସହିତ ସହଯୋଗ ଜାରି ରଖିବ ।