ନୂଆଦିଲ୍ଲୀ : କଂଗ୍ରେସ ନେତା ତଥା ଦଳର ପୂର୍ବତନ ସଭାପତି ରାହୁଲ ଗାନ୍ଧୀ ପୁଣିଥରେ କେନ୍ଦ୍ରରେ ମୋଦୀ ସରକାରଙ୍କୁ ଟାର୍ଗେଟ କରିଛନ୍ତି । ଭାରତୀୟ ବାୟୁସେନାରେ ଅଗ୍ନିପଥ ଯୋଜନା ଅଧୀନରେ ଅଗ୍ନିବୀର ନିଯୁକ୍ତି ପାଇଁ ପରୀକ୍ଷା ଆଜି ଜୁଲାଇ ୨୪ରୁ ଆରମ୍ଭ ହୋଇଛି । ଏହି ସମୟରେ ରାହୁଲ ଗାନ୍ଧୀ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲାବୋରେଟୋରୀର ଏହି ନୂତନ ପରୀକ୍ଷଣ ଯୋଗୁଁ ଦେଶର ସୁରକ୍ଷା ଏବଂ ଯୁବକଙ୍କ ଭବିଷ୍ୟତ ବିପଦରେ ।ସେ ଟୁଇଟ୍ କରି କହିଛନ୍ତି, ପ୍ରତିବର୍ଷ ୬୦,୦୦୦ ସୈନିକ ଅବସର ଗ୍ରହଣ କରନ୍ତି, ସେମାନଙ୍କ ମଧ୍ୟରୁ କେବଳ ୩୦୦୦ ସରକାରୀ ଚାକିରୀ କରୁଛନ୍ତି । ୪ ବର୍ଷର ଚୁକ୍ତିରେ ଅବସର ଗ୍ରହଣ କରୁଥିବା ହଜାର ହଜାର ଆଗ୍ନିବୀରଙ୍କ ଭବିଷ୍ୟତ କ’ଣ ହେବ ? ପ୍ରଧାନମନ୍ତ୍ରୀଙ୍କ ଲ୍ୟାବରେ ଏହି ନୂତନ ପରୀକ୍ଷଣ ସହିତ ଦେଶର ସୁରକ୍ଷା ଏବଂ ଦେଶର ଯୁବକଙ୍କ ଭବିଷ୍ୟତ ବିପଦରେ ଅଛି ।