ନୂଆଦିଲ୍ଲୀ, (ପିଆଇବି) : ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କେନ୍ଦ୍ରୀୟ ଅନୁଦାନପ୍ରାପ୍ତ ବୈଷୟିକ ଶିକ୍ଷାନୁଷ୍ଠାନଗୁଡ଼ିକର ୧୦୦ରୁ ଅଧିକ ନିର୍ଦ୍ଦେଶକମାନଙ୍କ ସହିତ ଆଲୋଚନା ପରେ ଦେଶର ପ୍ରମୁଖ ବିଜ୍ଞାନ ଓ ପ୍ରଯୁକ୍ତି ଶିକ୍ଷାନୁଷ୍ଠାନଗୁଡ଼ିକ ସହିତ ତାଙ୍କର ଆଲୋଚନା ସମ୍ପର୍କରେ ବିସ୍ତୃତ ବିବରଣୀ ପ୍ରଦାନ କରିଛନ୍ତି । ଏହି ବୈଠକରେ ଉକ୍ତ ଶିକ୍ଷାନୁଷ୍ଠାନଗୁଡ଼ିକ ପକ୍ଷରୁ ବିଭିନ୍ନ ତଥ୍ୟ ଉପସ୍ଥାପନା କରାଯାଇଥିଲା । ଆଇଆଇଏସସି ବେଙ୍ଗାଲୁରୁ, ଆଇଆଇଟି ମୁମ୍ବାଇ, ଆଇଆଇଟି ଚେନ୍ନାଇ, ଆଇଆଇଟି କାନପୁର ସମ୍ପର୍କରେ ପ୍ରଧାନମନ୍ତ୍ରୀ ଟ୍ୱିଟ୍ କରିଥିଲେ ।
- ଏକାଧିକ ଟ୍ୱିଟ ଜରିଆରେ ପ୍ରଧାନମନ୍ତ୍ରୀ କହିଛନ୍ତି :
ଅଗ୍ରଣୀ ଆଇଆଇଟି ଏବଂ ଆଇଆଇଏସସି ବାଙ୍ଗାଲୋରର ନିର୍ଦ୍ଦେଶକମାନଙ୍କ ସହିତ ଏକ ଉତ୍ସାହପ୍ରଦ ଆଲୋଚନା ହେଲା । ଭାରତକୁ ଗବେଷଣା ଓ ବିକାଶ, ନବୋନ୍ମେଷର କେନ୍ଦ୍ରରେ ପରିଣତ କରିବା ଏବଂ ଯୁବପିଢ଼ିଙ୍କ ମଧ୍ୟରେ ବିଜ୍ଞାନକୁ ଲୋକପ୍ରିୟ କରିବା ଆଦି ବ୍ୟାପକ ବିଷୟ ଉପରେ ମତବିନିମୟ କରାଗଲା । ରୋବୋଟିକ୍ସ, ଗଣିତ/ବିଜ୍ଞାନ ଶିକ୍ଷକମାନଙ୍କୁ ପ୍ରଶିକ୍ଷଣ ପ୍ରଦାନ କରିବା ଭଳି ଶିକ୍ଷା କ୍ଷେତ୍ରରେ ପ୍ରୟାସ, କୋଭିଡ-୧୯ ମୁକାବିଲା ଆଦି ବିଷୟରେ ପ୍ରମୁଖ ଗବେଷଣା ଓ ବିକାଶ କାର୍ଯ୍ୟକ୍ରମ ସମ୍ପର୍କରେ ଆଇଆଇଏସସି ବାଙ୍ଗାଲୋର ଟିମ୍ ପକ୍ଷରୁ ଉତ୍ସାହପ୍ରଦ ଉପସ୍ଥାପନା କରାଯାଇଥିଲା । ଆତ୍ମନିର୍ଭର ଭାରତ ସଂକଳ୍ପରେ ସ୍ୱାସ୍ଥ୍ୟ ଉପରେ ଗୁରୁତ୍ୱ ଦେବାର ଆବଶ୍ୟକତା ରହିଛି ବୋଲି ସେମାନେ ଜୋର ଦେଇଥିଲେ । ନାଇଟ୍ରୋଜେନ ଜେନେରେଟରକୁ ଅକ୍ସିଜେନ ଜେନେରେଟରରେ ପରିଣତ କରିବା, କ୍ୟାନ୍ସର ଚିକିତ୍ସା ପାଇଁ ସେଲ୍ ଥେରାପି ଏବଂ ଏଲଏଏସଇ କାର୍ଯ୍ୟକ୍ରମ, ଡିଜିଟାଲ ସ୍ୱାସ୍ଥ୍ୟ କ୍ଷେତ୍ରରେ ସ୍ନାତୋକୋତ୍ତର, ଆର୍ଟିଫିସିଆଲ ଇଣ୍ଟେଲିଜେନ୍ସ ଓ ଡାଟା ସାଇନ୍ସ ଭଳି ସେମାନଙ୍କର ଶିକ୍ଷାକ୍ଷେତ୍ରରେ ଉଦ୍ଭାବନ ସମ୍ପର୍କରେ ବିସ୍ତୃତ ଭାବେ ଜାଣି ମୁଁ ଆନନ୍ଦିତ ହେଲି । ଆଇଆଇଟି ମାଡ୍ରାସର ଟିମ୍ କୋଭିଡ୍କୁ ପ୍ରତିହତ କରିବା ପ୍ରୟାସ ଯେପରିକି ଏକ ମଡ୍ୟୁଲ୍ ହସ୍ପିଟାଲ ପ୍ରତିଷ୍ଠା, ହଟସ୍ପଟ ଅନୁମାନ, ସେମାନଙ୍କ ବହୁମୁଖୀ ଗବେଷଣା ଓ ପ୍ରୋଗ୍ରାମିଂ ଡାଟା ସାଇନ୍ସରେ ଅନଲାଇନ ବିଏସସି ପାଠ୍ୟକ୍ରମ ବିଷୟରେ ଆଲୋଚନା କରିଥିଲେ । ସେମାନେ ସାରା ଭାରତରେ ଉନ୍ନତ ଡିଜିଟାଲ କଭରେଜ ଉପରେ ମଧ୍ୟ କାମ କରୁଛନ୍ତି । ଆଇଆଇଟି କାନପୁର ବ୍ଲକ୍ଚେନ୍ ପ୍ରଯୁକ୍ତିରେ ଭବିଷ୍ୟତର ଗବେଷଣା ଓ ନବୋନ୍ମେଷ, ବାୟୁ ଗୁଣବତ୍ତାର ଅନୁଧ୍ୟାନ, ଇଲେକ୍ଟ୍ରୋନିକ୍ସ ଫୁଏଲ୍ ଇଞ୍ଜେକ୍ସନ ଏବଂ ଅନ୍ୟ ବିଷୟର କେନ୍ଦ୍ର ପାଲଟିଥିବା ଦେଖି ଗର୍ବ ଅନୁଭବ ହୋଇଥିଲା । ଷ୍ଟାର୍ଟଅପ୍ସକୁ ଦିଆଯାଉଥିବା ସହାୟତା, ପେସାଦାରମାନଙ୍କ ଦକ୍ଷତାରେ ବୃଦ୍ଧି ଭାରତର ଯୁବଶକ୍ତିଙ୍କୁ ଯଥେଷ୍ଟ ଲାଭ ପ୍ରଦାନ କରିବ। ଏହି ବୈଠକର ସମ୍ପୂର୍ଣ୍ଣ ବିବରଣୀ ଜାଣିବା ଲାଗି ଏଠାରେ କ୍ଲିକ୍ କରନ୍ତୁ-