ଯୋଗୀଙ୍କ ମନ୍ତ୍ରୀ ଶ୍ରୀକୃଷ୍ଣ ମନ୍ଦିର ବିଷୟରେ କହିଛନ୍ତି – ଯଦି ମଥୁରାରେ ମନ୍ଦିର ନିର୍ମାଣ ନହୁଏ, ତେବେ କ’ଣ ଲାହୋରରେ ହେବ ?
ଲକ୍ଷ୍ନୌ : ଉତ୍ତରପ୍ରଦେଶ କ୍ୟାବିନେଟ ମନ୍ତ୍ରୀ ଚୌଧୁରୀ ଲକ୍ଷ୍ମୀ ନାରାୟଣ ତାଙ୍କ ବକ୍ତବ୍ୟ ହେତୁ ପୁଣି ଥରେ ଖବରରେ ଅଛନ୍ତି । ଲକ୍ଷ୍ମୀ ନାରାୟଣ ପ୍ରଶ୍ନ କରିଛନ୍ତି ଯେ, ଯଦି ଭଗବାନ କୃଷ୍ଣଙ୍କ ମନ୍ଦିର ମଥୁରାରେ ହେବନାହିଁ, ତେବେ ଏହା କ’ଣ ପାକିସ୍ତାନର ଲାହୋରରେ ନିର୍ମିତ ହେବ ? ରାଜ୍ୟର ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଏବଂ ଅନ୍ୟ ଜଣେ ମନ୍ତ୍ରୀ ମୋଗଲ ଯୁଗର ଶାହି ଇଦ୍ଗାହ (ଯାହା ଭଗବାନ କୃଷ୍ଣଙ୍କର ମୂଳ ଜନ୍ମସ୍ଥାନ ବୋଲି ବିଶ୍ୱାସ କରାଯାଏ)ରେ ମନ୍ଦିର ନିର୍ମାଣ ବିବୃତ୍ତି ପ୍ରସଙ୍ଗରେ ସେ ଏଭଳି ବିବୃତ୍ତି ଦେଇଛନ୍ତି ।
ଏଠାରେ ଉଲ୍ଲେଖଯୋଗ୍ୟ ଯେ, ନଭେମ୍ବରରେ ଅଖିଳ ଭାରତୀୟ ହିନ୍ଦୁ ମହାସଭା ରାଜଶ୍ରୀ ଚୌଧୁରୀ ମହାସଭାର ଯୋଜନା ବିଷୟରେ ପ୍ରକାଶ କରିବା ବେଳେ ଗଣମାଧ୍ୟମକୁ କହିଛନ୍ତି ଯେ ତାଙ୍କ ସଂଗଠନର ଅଧିକାରୀ, ସଦସ୍ୟ ତଥା ସାଧାରଣ ହିନ୍ଦୁ ମତାବଲଂବୀମାନେ ଡିସେମ୍ବର ୬ରେ ଶ୍ରୀକୃଷ୍ଣ ଜନ୍ମ ଭୂମି କମ୍ପ୍ଲେକ୍ସରେ ଅବସ୍ଥିତ ଶାହି ଇଦ୍ଗାହରେ ଲଡୁ ଗୋପାଳଙ୍କ ଜଳାଭିଷେକ କରିବେ ।
