ଭୋପାଳ : ଆଜି ସାରା ବିଶ୍ୱରେ ଆନ୍ତର୍ଜାତୀୟ ମହିଳା ଦିବସ ପାଳନ କରାଯାଉଛି । ଏହି ଅବସରରେ ଭୋପାଳର ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ମହିଳା ସଫେଇ କର୍ମଚାରୀଙ୍କ ସହ କଥା ହୋଇଥିଲେ ଏବଂ ସେମାନଙ୍କ ସହ ଝାଡ଼ୁ ଲଗାଇଥିଲେ । ଏହା ପରେ ଗଣମାଧ୍ୟମ ସହ କଥାବାର୍ତ୍ତା କରି ଶିବରାଜ ସିଂ କହିଛନ୍ତି ଯେ, ମୁଁ ସଫେଇ କର୍ମଚାରୀଙ୍କ ସହ ଦିନ ଆରମ୍ଭ କରିଥିବାରୁ ଖୁସି ଅଟେ । ସେ ଆହୁରି କହିଛନ୍ତି, ମହିଳାମାନଙ୍କର ସବୁଠାରୁ ବଡ ଇଚ୍ଛା ହେଉଛି ସମ୍ମାନ ।
ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଟ୍ୱିଟ୍ କରି କହିଛନ୍ତି, “ମୁଁ ରାଜ୍ୟରେ ମୋ’ ଭଉଣୀଙ୍କ ଜୀବନକୁ ସରଳ, ସହଜ ଏବଂ ଉପଭୋଗ୍ୟ କରିବାକୁ ଚେଷ୍ଟା କରୁଛି । ସମସ୍ତ ଖୁସି ଏବଂ ଦୁଃଖରେ ମୁଁ ଆପଣଙ୍କ ସହ ଅଛି । ଆପଣଙ୍କୁ ଦୃଢ଼ ଏବଂ ଆତ୍ମନିର୍ଭରଶୀଳ କରିବା ମୋର ଲକ୍ଷ୍ୟ । ଏହା ମୋର ଜୀବନର ଅର୍ଥ । ଆପଣ ସମସ୍ତଙ୍କୁ ଆନ୍ତର୍ଜାତୀୟ ମହିଳା ଦିବସରେ ଶୁଭେଚ୍ଛା ।