ଲକ୍ଷ୍ନୌ : କେସରବାଗ କୋର୍ଟ ଭିତରେ ଗ୍ୟାଙ୍ଗଷ୍ଟର ସଞ୍ଜୀବ ମହେଶ୍ୱରୀ ଜୀଭାଙ୍କୁ ଗୁଳି କରି ହତ୍ୟା କରାଯାଇଛି । ଆକ୍ରମଣକାରୀ ଜଣେ ଓକିଲଙ୍କ ପୋଷାକରେ ରହି ଗୁଳି କରିଥିବା ଜଣାପଡ଼ିଛି । ସଞ୍ଜୀବ ମହେଶ୍ୱରୀ ମୁଖାର୍ ଅନସାରୀଙ୍କ ନିକଟତମ ଥିଲେ । ବିଜେପି ନେତା ବ୍ରହ୍ମଦତ୍ତ ଦ୍ୱିବେଦୀଙ୍କ ହତ୍ୟାର ସେ ଜଣେ ଅଭିଯୁକ୍ତ ଥିଲେ । ସଞ୍ଜୀବଙ୍କୁ କୋର୍ଟକୁ ଅଣାଯାଇଥିଲା । ତେବେ ଏହି ଗୁଳି କାଣ୍ଡରେରେ ଚାରିରୁ ପାଞ୍ଚ ଜଣ ଆହତ ହୋଇଥିବା ଖବର ମଧ୍ୟ ରହିଛି । ସଞ୍ଜୀବ ମହେଶ୍ୱରୀ ଜୀଭା ପଶ୍ଚିମ ୟୁପିର ଜଣେ କୁଖ୍ୟାତ ଗ୍ୟାଙ୍ଗଷ୍ଟର । ପୋଲିସ ଜଣେ ଆକ୍ରମଣକାରୀଙ୍କୁ ଅଟକ ରଖିଛି । ପୋଲିସ ଆକ୍ରମଣକାରୀଙ୍କୁ ଆହତ ଅବସ୍ଥାରେ ଡାକ୍ତରଖାନାକୁ ନେଇଥିଲା । ହତ୍ୟାକାରୀ ଜଣକ କେରାକତ ଜିଲ୍ଲା ଜୋନପୁରର ବାସିନ୍ଦା ବିଜୟ ଯାଦବଙ୍କ ପୁଅ ଶ୍ୟାମା ଯାଦବ ବୋଲି ଜଣାପଡିଛି । ପୋଲିସ ତଦନ୍ତ ଜାରି ରଖିଛି