କୋଲକାତା : ବିଶ୍ୱକପ୍ରେ ପୁଣି ଭାରତର ବିଜୟ ଭାରତବାସୀଙ୍କୁ ଉଲ୍ଲସିତ କରିଛି । କୋଲକାତାର ଐତିହାସିକ ଇଡେନ ଗାର୍ଡେନ୍ସଠାରେ ଚାଲିଥିବା ଆଇସିସି ବିଶ୍ୱକପ୍ର ଏକ ମ୍ୟାଚରେ ଆଜି ଦକ୍ଷିଣ ଆଫ୍ରିକାକୁ ୨୪୩ ରନରେ ପରାସ୍ତ କରିଛି ଭାରତ । ଚଳିତ ବିଶ୍ୱକପରେ ନିଜର ଅପରାଜେୟ ଧାରା ଜାରି ରଖିଛି ଟିମ୍ ଇଣ୍ଡିଆ । ଦକ୍ଷିଣ ଆଫ୍ରିକା ଆଗରେ ୩୨୭ ରନର ଟାର୍ଗେଟ୍ ଇଣ୍ଡିଆ ଟିମ୍ ରଖିଥିବା ବେଳେ ଦକ୍ଷିଣ ଆଫ୍ରିକା ମାତ୍ର ୮୩ ରନରେ ଅଲଆଉଟ ହୋଇଯାଇଥିଲା । ନିଜର ଘାତକ ବୋଲିଂର ପ୍ରଦର୍ଶନ କରି ଭାରତୀୟ ବୋଲରମାନେ ଦକ୍ଷିଣ ଆଫ୍ରିକା ଟିମ୍କୁ ପରାଜିତ କରି ଦେଇଛନ୍ତି । ଭାରତୀୟ କ୍ରିକେଟ୍ ଦଳର ଚମତ୍କାର ପ୍ରଦର୍ଶନ ସମସ୍ତ ଭାରତୀୟଙ୍କୁ ଆଜି ଗର୍ବିତ କରିଛି । ଦକ୍ଷିଣ ଆଫ୍ରିକା ଭଳି ଟିମ୍କୁ ଆଜି ଯେଉଁ ଭଳି ଭାବରେ ପରାଜିତ କରିଛି, ବାସ୍ତବରେ ତାହା ପ୍ରଶଂସାଯୋଗ୍ୟ ବୋଲି କ୍ରୀଡ଼ା ପ୍ରେମୀମାନେ ମତ ଦେଉଛନ୍ତି ।