- ସ୍ୱଚ୍ଛତା ହିଁ ସେବା, ୨୦୨୪ ଅଭିଯାନ ସମୟରେ ବିଭାଗ ପକ୍ଷରୁ ସମଗ୍ର ଦେଶରେ ଥିବା ଏହାର ଅଧୀନସ୍ଥ/ ସଂଯୁକ୍ତ/ ସ୍ୱୟଂଶାସିତ ସଂସ୍ଥା/ ରାଷ୍ଟ୍ରାୟତ୍ତ ଉଦ୍ୟୋଗ/ କ୍ଷେତ୍ର କାର୍ଯ୍ୟାଳୟ ସହିତ ପ୍ରାୟ ୬୦୦ ସ୍ୱଚ୍ଛତା ସମ୍ବନ୍ଧୀୟ କାର୍ଯ୍ୟକ୍ରମ ହାତକୁ ନିଆଯିବ
- କୃଷି ଓ କୃଷକ କଲ୍ୟାଣ ବିଭାଗ ପକ୍ଷରୁ ଆଜି ନୂଆଦିଲ୍ଲୀସ୍ଥିତ କୃଷି ଭବନଠାରେ ସଫେଇମିତ୍ରଙ୍କ ସନ୍ତାନମାନଙ୍କ ପାଇଁ ‘ସ୍ୱଚ୍ଛତା’ ଶୀର୍ଷକ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି
ନୂଆଦିଲ୍ଲୀ, (ପିଆଇବି) : ସ୍ୱଚ୍ଛତା ହିଁ ସେବା, ୨୦୨୪ ଅଭିଯାନରେ କୃଷି ଓ କୃଷକ କଲ୍ୟାଣ ବିଭାଗ ବ୍ୟାପକ ଭାବେ ଅଂଶଗ୍ରହଣ କରୁଛି । ସ୍ୱଚ୍ଛତା ହିଁ ସେବା, ୨୦୨୪ ଅଭିଯାନ ସମୟରେ ବିଭାଗ ପକ୍ଷରୁ ସମଗ୍ର ଦେଶରେ ଥିବା ଏହାର ଅଧୀନସ୍ଥ / ସଂଯୁକ୍ତ / ସ୍ୱୟଂଶାସିତ ସଂସ୍ଥା / ରାଷ୍ଟ୍ରାୟତ୍ତ ଉଦ୍ୟୋଗ / କ୍ଷେତ୍ର କାର୍ଯ୍ୟାଳୟ ସହିତ ପ୍ରାୟ ୬୦୦ ସ୍ୱଚ୍ଛତା ସମ୍ବନ୍ଧୀୟ କାର୍ୟ୍ୟକ୍ରମ ହାତକୁ ନିଆଯିବ । କୃଷି ଓ କୃଷକ କଲ୍ୟାଣ ବିଭାଗ ପକ୍ଷରୁ ଆଜି ନୂଆଦିଲ୍ଲୀ ସ୍ଥିତ କୃଷି ଭବନରେ ସଫେଇମିତ୍ରଙ୍କ ସନ୍ତାନମାନଙ୍କ ପାଇଁ ‘ସ୍ୱଚ୍ଛତା’ ଶୀର୍ଷକ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ କୃଷି ଓ କୃଷକ କଲ୍ୟାଣ ବିଭାଗ ସଚିବ ଡ. ଦେବେଶ ଚତୁର୍ବେଦୀ ଓ ବିଭାଗର ଅତିରିକ୍ତ ସଚିବ ଶୁଭା ଠାକୁର ଉପସ୍ଥିତ ଥିଲେ । ଉକ୍ତ ଚିତ୍ରାଙ୍କନ ପ୍ରତିଯୋଗିତାରେ ୬୦ରୁ ଅଧିକ ପିଲା ଅଂଶଗ୍ରହଣ କରିଥିଲେ । ପାନୀୟ ଜଳ ଓ ପରିମଳ ବିଭାଗ ଏବଂ ଗୃହ ନିର୍ମାଣ ଓ ସହରାଞ୍ଚଳ ବ୍ୟାପାର ମନ୍ତ୍ରଣାଳୟର ନେତୃତ୍ୱରେ ଚାଲିଥିବା ସ୍ୱଚ୍ଛତା ହିଁ ସେବା, ୨୦୨୪ (ଏସ୍ଏଚ୍ଏସ୍, ୨୦୨୪) ଅଭିଯାନର ନେତୃତ୍ୱରେ ପାନୀୟ ଜଳ ଓ ପରିମଳ ବିଭାଗ ଏବଂ ଗୃହ ନିର୍ମାଣ ଓ ସହରାଞ୍ଚଳ ବ୍ୟାପାର ମନ୍ତ୍ରଣାଳୟର ନେତୃତ୍ୱରେ ଚାଲିଥିବା ଅଭିଯାନ ସେପ୍ଟେମ୍ବର ୧୭ରୁ ୧ ଅକ୍ଟୋବର ପର୍ଯ୍ୟନ୍ତ ପାଳିତ ହେଉଛି ଯାହାର ବିଷୟବସ୍ତୁ ରହିଛି ‘ସ୍ୱଭାବ ସ୍ୱଚ୍ଛତା – ସଂସ୍କାର ସ୍ୱଚ୍ଛତା’ ଏବଂ ତା’ପରେ ଅକ୍ଟୋବର ୨, ୨୦୨୪ରେ ସ୍ୱଚ୍ଛ ଭାରତ ଦିବସ ପାଳନ କରାଯିବ ।