କେନ୍ଦୁଝର : କେନ୍ଦୁଝର ଜିଲ୍ଲା ବଡ଼ବିଲ ଅଞ୍ଚଳର ଜଣେ ବିଧବା ପରିବା ବିକାଳୀକୁ ହାଟ ସାରୀ ଫେରୁଥିବା ବେଳେ ଏକ କାଜୁ ଜଙ୍ଗଲକୁ ନେଇ ଦୁଇଦିନ ଧରି ପାସବିକ ଅତ୍ୟାଚାର ନେଇ ମହିଳା ଜଣକ କୋଇଡା ଥାନାରେ ଅଭିଯୋଗ କରିଛନ୍ତି । ଖବର ଅନୁଯାୟୀ ଉକ୍ତ ମହିଳା ପରିବା ବିକ୍ରି କରି କୋଇଡା ହାଟରୁ ଫେରୁଥିବା ବେଳେ କୋଇଡା ଭଦ୍ରାସହି ରାସ୍ତା ଗୁରୁପଦା ଜଙ୍ଗଲ ନିକଟରେ ଏକ କଳା ସ୍କରପିଓରେ ତିନିଜଣ ଦୁର୍ବୁତ୍ତ ଆସି ତାଙ୍କୁ ଟେକିନେଇ କାଜୁ ଜଙ୍ଗଲକୁ ଚାଲି ଯାଇଥିଲେ । ସେଠାରେ ତାଙ୍କୁ ଦୁଇଦିନ ଧରି ଗଣ ଦୁଷ୍କର୍ମ କରିବା ପରେ, ସେଠାରୁ ସେ କୌଶଳ କ୍ରମେ ଖସି ଆସି ଥାନାରେ ଅଭିଯୋଗ କରିଛନ୍ତି । ତେବେ ମହିଳାଙ୍କ ଲିଖିତ ଏତାଲା ଆଧାରରେ ତଦନ୍ତ କରି ପୋଲିସ ତିନିଜଣଙ୍କୁ ଗିରଫ କରିଥିଲା । ତେବେ ତିନିଜଣ ଗିରଫଙ୍କ ମଧ୍ୟରେ ଜଣେ ନାବାଳକ ଥିବା ପୋଲିସ କହିଛି । ତେବେ ମହିଳାଙ୍କ ଡାକ୍ତରୀ ମାଇନା ପରେ ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଥିବା ପୋଲିସ ପକ୍ଷରୁ ସୂଚନା ମିଳିଛି ।