କଳାହାଣ୍ଡି, (ହେମନ୍ତ ସାହୁ) : ଆଜି ଆର୍ନ୍ତଜାତୀୟ ମହିଳା ଦିବସ ମ.ରାମପୁର ବ୍ଲକର ବିଭିନ୍ନ ସ୍ଥାନରେ ପାଳିତ ହେଇଯାଇଛି । କଳାହାଣ୍ଡି ଜିଲ୍ଲା ମ.ରାମପୁର ଦୁର୍ଗମାଧବ ସରକାରୀ ଉଚ୍ଚ ବିଦ୍ୟାଳୟଠାରେ ପାଠପଢାକୁ ବ୍ୟାହତ ନ କରି ତଥା କୋଭିଡ଼ କଟକଣାକୁ ସଂପୂର୍ଣ୍ଣ ଦୃଷ୍ଟିରେ ରଖି ଆର୍ନ୍ତଜାତୀୟ ମହିଳା ଦିବସ ପାଳିତ ହେଇଯାଇଛି । ଭାରପ୍ରାପ୍ତ ପ୍ରଧାନଶିକ୍ଷକ ଦିବାକର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ୟ୍ୟକ୍ରମରେ ସମସ୍ତ ଶିକ୍ଷକଶିକ୍ଷୟିତ୍ରୀ ଉପସ୍ଥିତ ରହିଥିଲେ । ସୁଜାତା ଆଚାରୀ(ବିଜ୍ଞାନ ଶିକ୍ଷୟିତ୍ରୀ) ଆଜିର ଦିବର ମହତ୍ୱ ଉପେ ଛାତ୍ରଛାତ୍ରୀଙ୍କ ଦୃଷ୍ଟିପାତ କରାଇଥିଲେ । ପଙ୍କଜିନୀ ଭୋଇ ଛାତ୍ରଛାତ୍ରୀଙ୍କ ମଧ୍ୟରେ କୁଇଜ ପ୍ରତିଯୋଗୀତାର ଆୟୋଜନ କରିଥିଲେ । ଭାଷଣ ପ୍ରତିଯୋଗୀତାରେ ରାଜଲକ୍ଷ୍ମୀ ଷଡ଼ଙ୍ଗୀ, ହୀନାରାଣୀ ମାଝୀ, ଆୟଶା ସାହୁ, ମନୀଷା ଡ଼ାକୁଆ ଏବଂ କୁଇଜ ପ୍ରତିଯୋଗୀତା ପାଇଁ କୁବେର ପାତ୍ର ଓ ତପନକୁମାର ପାତ୍ରଙ୍କୁ ପୁରସ୍କୃତ କରାଯାଇଥିଲା । ପୁରସ୍କାର ବିତରଣୀ କାର୍ୟ୍ୟକ୍ରମକୁ ପରିଚାଳନା କରିଥିଲେ ଅନୀତା ସାହୁ । କାର୍ୟ୍ୟକ୍ରମର ପ୍ରାରମ୍ଭରେ ଶିକ୍ଷୟିତ୍ରୀ ଶୁଭଶ୍ରୀ ପଣ୍ଡା ପ୍ରାରମ୍ଭିକ ସଂଗୀତ ଗାନ କରିଥିବା ବେଳେ ଶିକ୍ଷୟିତ୍ରୀ ଲିଭାଶ୍ରୀ ସାହୁ ଧନ୍ୟବାଦାର୍ପଣ କରିଥିଲେ । ସମସ୍ତ କର୍ୟ୍ୟକ୍ରମ ପରିଚାଳନାରେ ସନ୍ତୋଷ ରଣା, ଧୋବା ମହାରା ଓ କେଳାଥିଆ ହରିଜନ ସହଯୋଗ କରିଥିଲେ ।