ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୧୧,୦୦୦ କୋଟି ଟଙ୍କାର ଦୁଇଟି ପ୍ରମୁଖ ଜାତୀୟ ରାଜପଥ ପ୍ରକଳ୍ପର ଉଦଘାଟନ କରିଛନ୍ତି

• ଆମେ ଦିଲ୍ଲୀକୁ ବିକାଶର ଏମିତି ଏକ ମଡେଲ କରୁଛୁ, ଯାହା ବିକାଶଶୀଳ ଭାରତର ଭାବନାକୁ ପ୍ରଦର୍ଶିତକରିଥାଏ : ପ୍ରଧାନମନ୍ତ୍ରୀ
• ଲୋକମାନଙ୍କର ଜୀବନକୁ ସହଜ କରିବା ପାଇଁ ନିରନ୍ତର ପ୍ରୟାସ ଜାରି ରହିଛି, ଏହା ଏମିତି ଏକ ଲକ୍ଷ୍ୟ, ଯାହା ପ୍ରତ୍ୟେକ ନୀତି ଏବଂ ନିଷ୍ପତ୍ତିକୁ ମାର୍ଗଦର୍ଶନ କରେ : ପ୍ରଧାନମନ୍ତ୍ରୀ
• ଆମପାଇଁ, ସଂସ୍କାରଅର୍ଥ ହେଉଛି ସୁଶାସନର ପ୍ରସାର : ପ୍ରଧାନମନ୍ତ୍ରୀ
• ପରବର୍ତ୍ତୀ ପିଢ଼ିର ଜିଏସଟି ସଂସ୍କାର ଗୁଡ଼ିକ ସାରା ଦେଶର ନାଗରିକଙ୍କ ପାଇଁ ଦ୍ୱିଗୁଣିତ ଲାଭ ନେଇ ଆସିବ : ପ୍ରଧାନମନ୍ତ୍ରୀ
• ଭାରତକୁ ଆହୁରି ଶକ୍ତିଶାଳୀ କରିବା ପାଇଁ, ଆମକୁ ଚକ୍ରଧାରୀ ମୋହନ (ଶ୍ରୀକୃଷ୍ଣ)ଙ୍କଠାରୁ ପ୍ରେରଣା ନେବାକୁ ପଡିବ, ଭାରତକୁ ଆତ୍ମନିର୍ଭର ଶୀଳକରିବା ପାଇଁ, ଆମକୁ ଚରଖା ଧାରୀମୋହନ (ମହାତ୍ମାଗାନ୍ଧୀ)ଙ୍କ ପଥ ଅନୁସରଣ କରିବାକୁ ପଡିବ : ପ୍ରଧାନମନ୍ତ୍ରୀ
• ଆସନ୍ତୁ ଆମେ ସ୍ଥାନୀୟ ପାଇଁ ସ୍ୱର ଉଠାଇବା, ଭାରତରେ ତିଆରି ଜିନିଷ ଉପରେ ବିଶ୍ୱାସକରିବା ଏବଂ କିଣିବା : ପ୍ରଧାନମନ୍ତ୍ରୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଦିଲ୍ଲୀର ରୋହିଣୀଠାରେ

ନୂଆଦିଲ୍ଲୀ, (ପିଆଇବି) : ପ୍ରାୟ୧୧,୦୦୦କୋଟି ଟଙ୍କା ମୂଲ୍ୟର ଦୁଇଟି ପ୍ରମୁଖ ଜାତୀୟ ରାଜପଥ ପ୍ରକଳ୍ପର ଉଦଘାଟନ କରିଛନ୍ତି । ଉପସ୍ଥିତଜନତାଙ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ ଏହି ସ୍ଥାନର ଗୁରୁତ୍ୱ ଉପରେ ମତବ୍ୟକ୍ତ କରିଥିଲେ, କହିଥିଲେ ଯେ ଏକ୍ସପ୍ରେସ ୱେରନାମ “ଦ୍ୱାରକା” ଏବଂ ଏହି କାର୍ଯ୍ୟକ୍ରମ “ରୋହିଣୀ”ରେ ଅନୁଷ୍ଠିତ ହେଉଛି । ସେ ଜନ୍ମାଷ୍ଟମୀର ଉତ୍ସବର ବାତାବରଣ ଉପରେ ଆଲୋକପାତ କରିଥିଲେ ଏବଂ ସେ ନିଜେ ଦ୍ୱାରକାଧୀଶଙ୍କ ଭୂମିରୁ ଆସିଥିବା ସଂଯୋଗ ସମ୍ପର୍କରେ ମଧ୍ୟ ଉଲ୍ଲେଖ କରିଥିଲେ । ପ୍ରଧାନମନ୍ତ୍ରୀ କହିଥିଲେ ଯେ ସମଗ୍ର ବାତାବରଣ ଭଗବାନ ଶ୍ରୀ କୃଷ୍ଣଙ୍କ ଭକ୍ତିରେ ଗଭୀର ଭାବରେ ପ୍ରଭାବିତ ହୋଇଛି । ଅଗଷ୍ଟ ମାସ ସ୍ୱାଧୀନତା ଏବଂ ବିପ୍ଳବର ରଙ୍ଗରେ ପରିପୂର୍ଣ୍ଣ ବୋଲି ଉଲ୍ଲେଖ କରି ଶ୍ରୀ ମୋଦୀ ମନ୍ତବ୍ୟ ଦେଇଥିଲେ ଯେ ଆଜି ଆଜାଦୀ କା ମହୋତ୍ସବ ପାଳନ ମଧ୍ୟରେ, ଜାତୀୟ ରାଜଧାନୀ ଦିଲ୍ଲୀ ଏକ ବିକାଶ ବିପ୍ଳବର ସାକ୍ଷୀ ହେଉଛି । ସେ ସୂଚନା ଦେଇଥିଲେ ଯେ ପୂର୍ବରୁ, ଦିଲ୍ଲୀ ଦ୍ୱାରକା ଏକ୍ସପ୍ରେସୱେ ଏବଂ ସହରାଞ୍ଚଳ ସମ୍ପ୍ରସାରଣ ରାସ୍ତା ମାଧ୍ୟମରେ ଉନ୍ନତ ସଂଯୋଗୀକରଣ ପାଇଛି , ଯାହା ଦିଲ୍ଲୀ, ଗୁରୁଗାଓଁଏବଂ ସମଗ୍ର ଏନସିଆର ଅଞ୍ଚଳର ଲୋକଙ୍କ ପାଇଁ ସୁବିଧାକୁ ଉନ୍ନତ କରିବ । ସେ ଆହୁରି ମଧ୍ୟ କହିଥିଲେ ଯେ କାର୍ଯ୍ୟାଳୟ ଏବଂ କାରଖାନାକୁ ଯାତାୟାତ ସହଜ ହେବ, ସମସ୍ତଙ୍କ ପାଇଁ ସମୟ ବଞ୍ଚିବ । ବ୍ୟବସାୟୀ, ଉଦ୍ୟୋଗୀ ଏବଂ କୃଷକମାନେ ଏହି ସଂଯୋଗୀକରଣରୁ ବହୁତ ଲାଭ ପାଇବେବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ । ଏହି ଆଧୁନିକ ସଡ଼କ ଭିତ୍ତିଭୂମି ବିକାଶ ପାଇଁ ସେ ଦିଲ୍ଲୀ-ଏନସିଆରର ସମସ୍ତ ବାସିନ୍ଦାଙ୍କୁ ଅଭିନନ୍ଦନ ଜଣାଇଥିଲେ । ପ୍ରଧାନମନ୍ତ୍ରୀ୧୫ ଅଗଷ୍ଟ ୨୦୨୫ରେ ଲାଲକିଲ୍ଲାର ପ୍ରାଚୀରରୁ ସେ ଦେଇଥିବା ଭାଷଣକୁ ମନେ ପକାଇଥିଲେ, ଯେଉଁଠାରେ ସେ ଦେଶର ଅର୍ଥନୀତି, ଆତ୍ମନିର୍ଭରଶୀଳତା ଏବଂ ଆତ୍ମବିଶ୍ୱାସ ବିଷୟରେ ବିସ୍ତୃତ ଭାବରେ କହିଥିଲେ, ତାହା ଉଲ୍ଲେଖ କରି “ଆଜିର ଭାରତ ଏହାର ଆକାଂକ୍ଷା, ସ୍ୱପ୍ନ ଏବଂ ସଂକଳ୍ପ ଦ୍ୱାରା ପରିଭାଷିତ – ଯାହା ସମଗ୍ର ବିଶ୍ୱ ବର୍ତ୍ତମାନ ଅନୁଭବ କରୁଛି”ବୋଲି କହିଥିଲେ । ସେ ମତ ଦେଇଥିଲେ ଯେ , ଯେତେବେଳେ ବିଶ୍ୱ ଭାରତକୁ ଦେଖେ ଏବଂ ଏହାର ପ୍ରଗତି ମୂଲ୍ୟାଙ୍କନ କରେ, ସେତେବେଳେ ଏହାର ପ୍ରଥମ ଦୃଷ୍ଟି ଜାତୀୟ ରାଜଧାନୀ ଦିଲ୍ଲୀ ଉପରେ ପଡ଼େ । ଶ୍ରୀ ମୋଦୀ ଦିଲ୍ଲୀକୁ ଅଭିବୃଦ୍ଧିର ଏକ ମଡେଲ ଭାବରେ ବିକଶିତ କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ, ଯେଉଁଠାରେ ସମସ୍ତେ ପ୍ରକୃତରେ ଅନୁଭବ କରିପାରିବେ ଯେ ଏହା ଏକ ବିକାଶଶୀଳ ଏବଂ ଆତ୍ମବିଶ୍ୱାସୀ ଭାରତର ରାଜଧାନୀ । ଗତ ୧୧ ବର୍ଷ ଧରି ସରକାର ଏହି ପ୍ରଗତି ହାସଲ କରିବା ପାଇଁ ବିଭିନ୍ନ ସ୍ତରରେ ନିରନ୍ତର କାର୍ଯ୍ୟ କରିଆସୁଛନ୍ତି ବୋଲି ଉଲ୍ଲେଖ କରି ପ୍ରଧାନମନ୍ତ୍ରୀ ଏହି ଅଞ୍ଚଳରେ ଆଧୁନିକ ଏବଂ ପ୍ରଶସ୍ତ ଏକ୍ସପ୍ରେସୱେର ଉପସ୍ଥିତିସମ୍ପର୍କରେ ଉଲ୍ଲେଖ କରିଆଲୋକପାତ କରିଥିଲେ ଯେ ସଂଯୋଗୀକରଣ ଦୃଷ୍ଟିରୁ, ଦିଲ୍ଲୀ-ଏନସିଆରରେ ଗତ ଦଶନ୍ଧି ମଧ୍ୟରେ ଅଭୂତପୂର୍ବ ଉନ୍ନତି ଘଟିଛି । ଶ୍ରୀ ମୋଦୀ କହିଛନ୍ତି ଯେ “ଦିଲ୍ଲୀ-ଏନସିଆର ଏବେ ମେଟ୍ରୋ ନେଟୱାର୍କ ଦୃଷ୍ଟିରୁ ବିଶ୍ୱର ସବୁଠାରୁ ଅଧିକ ସଂଯୋଗ ହୋଇଥିବା ଅଞ୍ଚଳ ମଧ୍ୟରୁ ଗୋଟିଏ ।” ସେ ଆହୁରି ମଧ୍ୟ କହିଛନ୍ତି ଯେ, ଏହି ଅଞ୍ଚଳ ନମୋ ଭାରତ ଦ୍ରୁତ ରେଳ ଭଳି ଉନ୍ନତ ବ୍ୟବସ୍ଥା ସହିତ ସଜ୍ଜିତ । ସେ ଗୁରୁତ୍ୱାରୋପ କରିଥିଲେ ଯେ ଗତ ୧୧ ବର୍ଷ ମଧ୍ୟରେ ଦିଲ୍ଲୀ-ଏନସିଆରରେ ଯାତାୟାତ ପୂର୍ବ ସମୟ ତୁଳନାରେ ଯଥେଷ୍ଟ ସହଜ ହୋଇଛି । ଦିଲ୍ଲୀକୁ ଏକ ବିଶ୍ୱସ୍ତରୀୟ ସହରରେ ପରିଣତ କରିବାର ପ୍ରତିବଦ୍ଧତା ଜାରି ରହିଛି ବୋଲି ଦୃଢ଼ୋକ୍ତି ପ୍ରକାଶ କରି ଶ୍ରୀ ମୋଦୀ ଉଲ୍ଲେଖ କରିଥିଲେ ଯେ ଆଜି ସମସ୍ତେ ଏହି ପ୍ରଗତିକୁ ପ୍ରତ୍ୟକ୍ଷ ଭାବରେ ଦେଖିଛନ୍ତି । ଦ୍ୱାରକା ଏକ୍ସପ୍ରେସୱେ ଏବଂ ସହରାଞ୍ଚଳ ସମ୍ପ୍ରସାରଣ ରାସ୍ତା ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ମନ୍ତବ୍ୟ ଦେଇଥିଲେ ଯେ, ଉଭୟ ରାସ୍ତା ଉତ୍କୃଷ୍ଟ ମାନଦଣ୍ଡରେ ନିର୍ମାଣ କରାଯାଇଛି । ପେରିଫେରାଲ ଏକ୍ସପ୍ରେସୱେ ପରେ, ସହରାଞ୍ଚଳ ସମ୍ପ୍ରସାରଣ ରାସ୍ତା ଏବେ ଦିଲ୍ଲୀର ଭିତ୍ତିଭୂମି ଏବଂ ସଂଯୋଗୀକରଣକୁ ଗୁରୁତ୍ୱପୂର୍ଣ୍ଣ ସହାୟତା ପ୍ରଦାନ କରିବବୋଲି ସେ ଉଲ୍ଲେଖ କରିଥିଲେ । ସହରାଞ୍ଚଳ ସମ୍ପ୍ରସାରଣ ରାସ୍ତାର ଏକ ପ୍ରମୁଖ ବୈଶିଷ୍ଟ୍ୟକୁ ରେଖାଙ୍କିତ କରି, ଏହା ଦିଲ୍ଲୀକୁ ଏହାର ଅଳିଆ ଗଦାରୁ ମୁକ୍ତ କରିବାରେ ମଧ୍ୟ ସାହାଯ୍ୟ କରୁଛି ବୋଲି କହି, ପ୍ରଧାନମନ୍ତ୍ରୀ ସୂଚନା ଦେଇଥିଲେ ଯେ ସହରାଞ୍ଚଳ ସମ୍ପ୍ରସାରଣ ରାସ୍ତା ନିର୍ମାଣରେ ଲକ୍ଷ ଲକ୍ଷ ଟନ୍ ଅପଚୟ ସାମଗ୍ରୀ ବ୍ୟବହାର କରାଯାଇଛି । ସେ ମନ୍ତବ୍ୟ ଦେଇଥିଲେ ଯେ ଅଳିଆ ଗଦା ହ୍ରାସ କରି, ଅପଚୟ ସାମଗ୍ରୀକୁ ରାସ୍ତା ନିର୍ମାଣ ପାଇଁ ପୁନଃଉପଯୋଗ କରାଯାଇଛି । ନିକଟବର୍ତ୍ତୀ ଭାଲସ୍ୱା ଲ୍ୟାଣ୍ଡଫିଲ୍ ସାଇଟ୍ ବିଷୟରେ ଇଙ୍ଗିତ କରି ଏବଂ ଏହାର ନିକଟତର ଅଞ୍ଚଳରେ ରହୁଥିବା ପରିବାରଗୁଡ଼ିକ ସମ୍ମୁଖୀନ ହେଉଥିବା ଗମ୍ଭୀର ସମସ୍ୟାକୁ ସ୍ୱୀକାର କରି, ଶ୍ରୀ ମୋଦୀ ଜୋର ଦେଇକହିଥିଲେ ଯେ ସରକାର ଦିଲ୍ଲୀବାସୀଙ୍କୁ ଏପରି ଆହ୍ଵାନମୂଳକ ସମସ୍ୟାରୁ ମୁକ୍ତ କରିବା ପାଇଁ ସକ୍ରିୟ ଭାବରେ କାର୍ଯ୍ୟ କରୁଛନ୍ତି । ରେଖା ଗୁପ୍ତାଙ୍କ ନେତୃତ୍ୱରେ ଦିଲ୍ଲୀ ସରକାର ଯମୁନା ନଦୀ ସଫା କରିବାରେ ନିରନ୍ତର ନିୟୋଜିତ ଥିବାରୁ ପ୍ରଧାନମନ୍ତ୍ରୀ ସନ୍ତୋଷ ପ୍ରକାଶ କରିଥିଲେ । ସେ କହିଥିଲେ ଯେ ଯମୁନାରୁ ୧୬ ଲକ୍ଷ ମେଟ୍ରିକ୍ ଟନ୍ ପଙ୍କ ବାହାର କରାଯାଇଛି । ଶ୍ରୀ ମୋଦୀ ଆହୁରି ଉଲ୍ଲେଖ କରିଛନ୍ତି ଯେ ଅଳ୍ପ ସମୟ ମଧ୍ୟରେ ଦିଲ୍ଲୀରେ ୬୫୦ଟି ଡିଇଭିଆଇ (ଦିଲ୍ଲୀ ଇଲେକ୍ଟ୍ରିକ୍ ଯାନ ଇଣ୍ଟରକନେକ୍ଟର) ଇଲେକ୍ଟ୍ରିକ୍ ବସ୍ ଆରମ୍ଭ କରାଯାଇଛି । ଏହି ପଦକ୍ଷେପ “ସବୁଜ ଦିଲ୍ଲୀ – ସ୍ୱଚ୍ଛ ଦିଲ୍ଲୀ” ମନ୍ତ୍ରକୁ ଦୃଢ଼ କରେ ବୋଲି ଗୁରୁତ୍ୱାରୋପ କରିବା ସହିତସେ କହିଛନ୍ତି ଯେ, ସହରରେ ଇଲେକ୍ଟ୍ରିକ୍ ବସ୍ ର ଫ୍ଲିଟ୍ ଖୁବ୍ ଶୀଘ୍ର ୨୦୦୦ ଅତିକ୍ରମ କରିବ ବୋଲି ଆଶା କରାଯାଉଛି । ବହୁ ବର୍ଷ ପରେ ତାଙ୍କ ଦଳ ଜାତୀୟ ରାଜଧାନୀ ଦିଲ୍ଲୀରେ ସରକାର ଗଠନ କରିଛି ବୋଲି ଉଲ୍ଲେଖ କରି ପ୍ରଧାନମନ୍ତ୍ରୀ ଦିଲ୍ଲୀରେ ବିକାଶର ଦୁର୍ବଳ ଗତି ପାଇଁ ପୂର୍ବ ସରକାରଗୁଡ଼ିକୁ ସମାଲୋଚନା କରିଥିଲେ । ସେ ସ୍ୱୀକାର କରିଥିଲେ ଯେ, ଯଦିଓ ପୂର୍ବ ସରକାରଗୁଡ଼ିକର ଅବ୍ୟବସ୍ଥାରୁ ଦିଲ୍ଲୀକୁ ବାହାର କରିବା ଏକ କଷ୍ଟକର କାର୍ଯ୍ୟ, ବର୍ତ୍ତମାନର ସରକାର ଦିଲ୍ଲୀର ଗର୍ବ ଏବଂ ବିକାଶକୁ ପୁନରୁଦ୍ଧାର କରିବା ପାଇଁ ପ୍ରୟାସ କରିବ । ଶ୍ରୀ ମୋଦୀ ଦିଲ୍ଲୀ, ହରିୟାଣା, ଉତ୍ତର ପ୍ରଦେଶ ଏବଂ ରାଜସ୍ଥାନରେ ଆମର ସରକାର ବର୍ତ୍ତମାନ ଯେଉଁ ଅନନ୍ୟ ସମନ୍ୱୟରେ ଅଛନ୍ତି ତାହା ଉପରେ ଆଲୋକପାତ କରିଥିଲେ । ସେ ମନ୍ତବ୍ୟ ଦେଇଥିଲେ ଯେ, ଏହା ସମଗ୍ର ଅଞ୍ଚଳ ତାଙ୍କ ଦଳ ଏବଂ ଏହାର ନେତୃତ୍ୱକୁ ପ୍ରଦାନ କରିଥିବା ଅପାର ଆଶୀର୍ବାଦକୁ ପ୍ରତିଫଳିତ କରେ । ଶ୍ରୀ ମୋଦୀ ଗୁରୁତ୍ୱାରୋପ କରିଥିଲେ ଯେ, ଏହି ଦାୟିତ୍ୱକୁ ସ୍ୱୀକାର କରି, ସରକାର ଦିଲ୍ଲୀ-ଏନସିଆରର ବିକାଶ ପାଇଁ ସମ୍ପୂର୍ଣ୍ଣ ପ୍ରତିବଦ୍ଧ । ସେ ସୂଚାଇଥିଲେ ଯେ, କିଛି ରାଜନୈତିକ ଦଳ ଏପର୍ଯ୍ୟନ୍ତ ଜନସାଧାରଣଙ୍କ ଜନାଦେଶକୁ ଗ୍ରହଣ କରିପାରୁ ନାହାଁନ୍ତି । ଏହି ଦଳଗୁଡ଼ିକ ଜନସାଧାରଣଙ୍କ ବିଶ୍ୱାସ ଏବଂ ଭୂମିଗତ ବାସ୍ତବତା ଉଭୟରୁ ନିଜକୁ ଦୂରେଇ ରଖିଛନ୍ତିବୋଲି ସେ କହିଥିଲେ । କିଛି ମାସ ପୂର୍ବେ ଦିଲ୍ଲୀ ଏବଂ ହରିୟାଣାର ଲୋକମାନଙ୍କୁ ପରସ୍ପର ବିରୁଦ୍ଧରେ ଠିଆ କରିବା ପାଇଁ ଷଡ଼ଯନ୍ତ୍ର କରାଯାଇଥିଲା, ତାହା ମନେ ପକାଇ ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ ଯେ ହରିୟାଣାବାସୀ ଦିଲ୍ଲୀର ଜଳ ଯୋଗାଣକୁ ବିଷାକ୍ତ କରୁଛନ୍ତି ବୋଲି ମିଥ୍ୟା ଦାବି କରାଯାଇଥିଲା । ସେ ଦୃଢ଼ତାର ସହିତ କହିଥିଲେ ଯେ, ଦିଲ୍ଲୀ ଏବଂ ସମଗ୍ର ଏନସିଆର ଏବେ ଏପରି ନକାରାତ୍ମକ ରାଜନୀତିରୁ ମୁକ୍ତ ହୋଇଛି, ଏନସିଆରକୁ ରୂପାନ୍ତରିତ କରିବା ପାଇଁ ସରକାରଙ୍କ ସଂକଳ୍ପକୁ ପୁଣି ଥରେ ଦୋହରାଇଛନ୍ତି ଏବଂ ଏହି ଦୃଷ୍ଟିକୋଣ ସଫଳତାର ସହିତ ସାକାର ହେବ ବୋଲି ବିଶ୍ୱାସ ପ୍ରକାଶ କରିଛନ୍ତି । “ଉତ୍ତମ ପ୍ରଶାସନ ଆମ ସରକାରଙ୍କର ପ୍ରମୁଖ ପରିଚୟ ଏବଂ ଆମ ପ୍ରଶାସନରେ, ଲୋକମାନେ ସବୁଠାରୁ ଉପରେ “ବୋଲି ଶ୍ରୀ ମୋଦୀ କହିଥିଲେ । ସେ ମନ୍ତବ୍ୟ ଦେଇଥିଲେ ଯେ , ଆମ ଦଳର ନିରନ୍ତର ପ୍ରୟାସ ହେଉଛି ନାଗରିକଙ୍କ ଜୀବନକୁ ସହଜ କରିବା । ଏହି ପ୍ରତିବଦ୍ଧତା ଦଳର ନୀତି ଏବଂ ନିଷ୍ପତ୍ତିରେ ପ୍ରତିଫଳିତ ହୁଏବୋଲି ସେ ଉଲ୍ଲେଖ କରିଥିଲେ । ହରିୟାଣାର ବିଗତ ସରକାରଗୁଡ଼ିକସମ୍ପର୍କରେ ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ ଯେ, ଏପରି ଏକ ସମୟ ଥିଲା ଯେତେବେଳେ ପ୍ରଭାବ କିମ୍ବା ସୁପାରିଶ ବିନା ଗୋଟିଏ ନିଯୁକ୍ତି ମଧ୍ୟ କଷ୍ଟକର ଥିଲା । ସେ ଉଲ୍ଲେଖ କରିଥିଲେ ଯେ , ହରିୟାଣାରେ ସେମାନଙ୍କ ସରକାରଙ୍କ ଅଧୀନରେ ଲକ୍ଷ ଲକ୍ଷ ଯୁବକ ଏକ ସମ୍ପୂର୍ଣ୍ଣ ସ୍ୱଚ୍ଛ ପ୍ରକ୍ରିୟା ମାଧ୍ୟମରେ ସରକାରୀ ଚାକିରି ପାଇଛନ୍ତି । ସେ ଶ୍ରୀ ନାୟବ ସିଂହ ସାଇନିଙ୍କୁ ଏହି ପଦକ୍ଷେପକୁ ସମର୍ପିତ ଭାବରେ ଜାରି ରଖିବା ପାଇଁ ପ୍ରଶଂସା କରିଥିଲେ । ପ୍ରଧାନମନ୍ତ୍ରୀ କହିଥିଲେ ଯେ ଦିଲ୍ଲୀରେ ଯେଉଁମାନେ ପୂର୍ବରୁ ସ୍ଥାୟୀ ବାସସ୍ଥାନ ବିନା ବସ୍ତିରେ ରହୁଥିଲେ, ସେମାନେ ଏବେ ପକ୍କା ଘର ପାଉଛନ୍ତି । ସେ ଏହା ଉପରେ ଆଲୋକପାତ କରିଥିଲେ ଯେ, ପୂର୍ବରୁ ବିଦ୍ୟୁତ, ପାଣି ଏବଂ ଗ୍ୟାସ ସଂଯୋଗ ଭଳି ମୌଳିକ ସୁବିଧା ନଥିବା ଅଞ୍ଚଳଗୁଡ଼ିକୁ ଏବେ ଏହି ଅତ୍ୟାବଶ୍ୟକ ସେବା ଯୋଗାଇ ଦିଆଯାଉଛି । ଜାତୀୟ ପ୍ରଗତି ବିଷୟରେ କହି ଶ୍ରୀ ମୋଦୀ ମନ୍ତବ୍ୟ ଦେଇଥିଲେ ଯେ ଗତ ୧୧ ବର୍ଷ ମଧ୍ୟରେ ସାରା ଦେଶରେ ରେକର୍ଡ ସଂଖ୍ୟକ ରାସ୍ତା ନିର୍ମାଣ ହୋଇଛି । ସେ ରେଳ ଷ୍ଟେସନଗୁଡ଼ିକର ଚାଲୁ ରହିଥିବା ପରିବର୍ତ୍ତନକୁ ଉଲ୍ଲେଖ କରିଥିଲେ ଏବଂ ବନ୍ଦେ ଭାରତ ଭଳି ଆଧୁନିକ ଟ୍ରେନଗୁଡ଼ିକ ଉପରେ ଗର୍ବ ପ୍ରକାଶ କରିଥିଲେ, ଆହୁରି ମଧ୍ୟ କହିଥିଲେ ଯେ ଏବେ ଛୋଟ ସହରଗୁଡ଼ିକରେ ବିମାନବନ୍ଦର ବିକଶିତ ହେଉଛି । ଏନସିଆର କ୍ଷେତ୍ର ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ବିମାନବନ୍ଦର ସଂଖ୍ୟାରେ ଉଲ୍ଲେଖନୀୟ ବୃଦ୍ଧି ବିଷୟରେ କହିଥିଲେ । ସେ ଉଲ୍ଲେଖ କରିଥିଲେ ଯେ ହିଣ୍ଡନ ବିମାନବନ୍ଦରରୁ ଏବେ ଅନେକ ସହରକୁ ବିମାନ ଚଳାଚଳ କରୁଛି, ଆହୁରି ସୂଚନା ଦେଇଥିଲେ ଯେ , ନୋଏଡା ବିମାନବନ୍ଦର ମଧ୍ୟ ସମ୍ପୂର୍ଣ୍ଣ ହେବାକୁ ଯାଉଛି । ଶ୍ରୀ ମୋଦୀ କହିଥିଲେ ଯେ ଏପରି ପ୍ରଗତି କେବଳ ସମ୍ଭବ ହୋଇପାରିଛି କାରଣ ଗତ ଦଶନ୍ଧି ମଧ୍ୟରେ ଦେଶ ତାର ପୁରୁଣା ପଦ୍ଧତିକୁ ପରିବର୍ତ୍ତନ କରିଛି । ସେ ଗୁରୁତ୍ୱାରୋପ କରିଥିଲେ ଯେ, ଦେଶକୁ ଯେଉଁ ପ୍ରକାରର ଭିତ୍ତିଭୂମି ଆବଶ୍ୟକ ଥିଲା ଏବଂ ଯେଉଁ ଗତିରେ ଏହା ନିର୍ମାଣ କରିବା ଆବଶ୍ୟକ ଥିଲା, ତାହା ଅତୀତରେ ହାସଲ ହୋଇନଥିଲା । ପୂର୍ବ ଏବଂ ପଶ୍ଚିମ ପେରିଫେରାଲ ଏକ୍ସପ୍ରେସୱେ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ ଯେ ଦିଲ୍ଲୀ-ଏନସିଆର ଅନେକ ଦଶନ୍ଧି ଧରି ଏହି ରାସ୍ତାଗୁଡ଼ିକର ଆବଶ୍ୟକତା ଅନୁଭବ କରିଆସୁଛି । ପୂର୍ବ ସରକାରଙ୍କ ସମୟରେ ଏହି ପ୍ରକଳ୍ପଗୁଡ଼ିକ ସହିତ ଜଡିତ ଫାଇଲଗୁଡ଼ିକ ଘୁଞ୍ଚିବା ଆରମ୍ଭ ହୋଇଥିଲା, କିନ୍ତୁ ପ୍ରକୃତ କାମ ସେତେବେଳେ ଆରମ୍ଭ ହୋଇଥିଲା , ଯେତେବେଳେ ଲୋକମାନେ ସେମାନଙ୍କ ଦଳକୁ ସେବା କରିବାର ସୁଯୋଗ ଦେଇଥିଲେବୋଲି ସେ ଉଲ୍ଲେଖ କରିଥିଲେ । ସେ ଆଲୋକପାତ କରିଥିଲେ ଯେ, କେନ୍ଦ୍ର ଏବଂ ହରିୟାଣାରେ ଆମର ସରକାର ଗଠନ ହେବା ପରେ ରାସ୍ତାଗୁଡ଼ିକ ବାସ୍ତବତାରେ ପରିଣତ ହୋଇଥିଲା । ପ୍ରଧାନମନ୍ତ୍ରୀ ଗର୍ବର ସହିତ କହିଥିଲେ ଯେ ଆଜି ଏହି ଏକ୍ସପ୍ରେସୱେଗୁଡ଼ିକ ପୃଥକ ଭାବରେଦେଶର ସେବା କରୁଛି । ବିକାଶ ପ୍ରକଳ୍ପଗୁଡ଼ିକ ପ୍ରତି ଉଦାସୀନତା କେବଳ ଦିଲ୍ଲୀ-ଏନସିଆର ପର୍ଯ୍ୟନ୍ତ ସୀମିତ ନଥିଲା, ବରଂ ସମଗ୍ର ଦେଶରେ ପ୍ରଚଳିତ ଥିଲା ବୋଲି ଉଲ୍ଲେଖ କରି ଶ୍ରୀ ମୋଦୀ ସୂଚାଇଥିଲେ ଯେ , ପୂର୍ବରୁ ଭିତ୍ତିଭୂମି ପାଇଁ ବ୍ୟୟବରାଦ ବହୁତ କମ୍ ଥିଲା, ଏବଂ ମଞ୍ଜୁର ହୋଇଥିବା ପ୍ରକଳ୍ପଗୁଡ଼ିକ ସମାପ୍ତ ହେବାକୁ ମଧ୍ୟ ବର୍ଷ ବର୍ଷ ଲାଗିଯାଉଥିଲା । ସେ ଗୁରୁତ୍ୱାରୋପ କରିଥିଲେ ଯେ, ଗତ ୧୧ ବର୍ଷ ମଧ୍ୟରେ ଭିତ୍ତିଭୂମି ବଜେଟ୍ ଛଅ ଗୁଣରୁ ଅଧିକ ବୃଦ୍ଧି କରାଯାଇଛି । ବର୍ତ୍ତମାନ ପ୍ରକଳ୍ପଗୁଡ଼ିକର ଦ୍ରୁତ ସମାପ୍ତି ଉପରେ ଧ୍ୟାନ ଦିଆଯାଇଛି, ଯାହା କାରଣରୁ ଦ୍ୱାରକା ଏକ୍ସପ୍ରେସୱେ ଭଳି ପଦକ୍ଷେପଗୁଡ଼ିକ ବର୍ତ୍ତମାନ ସାକାର ହେଉଛିବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିକହିଥିଲେ । ସେ ମନ୍ତବ୍ୟ ଦେଇଥିଲେ ଯେ , ଏହି ପ୍ରକଳ୍ପଗୁଡ଼ିକରେ ଯଥେଷ୍ଟ ନିବେଶ କେବଳ ସୁବିଧା ସୃଷ୍ଟି କରୁନାହିଁ ବରଂ ଅଧିକ ପରିମାଣର ନିଯୁକ୍ତି ମଧ୍ୟ ସୃଷ୍ଟି କରୁଛି । ବିଶାଳ ନିର୍ମାଣ କାର୍ଯ୍ୟକଳାପ ଲକ୍ଷ ଲକ୍ଷ ବ୍ୟକ୍ତିଙ୍କୁ – ଶ୍ରମିକଙ୍କଠାରୁ ଇଞ୍ଜିନିୟରଙ୍କ ପର୍ଯ୍ୟନ୍ତ – କାମ ଯୋଗାଇଥାଏ ବୋଲି ବ୍ୟାଖ୍ୟା କରି ଶ୍ରୀ ମୋଦୀ ଆହୁରି ମଧ୍ୟ କହିଛନ୍ତି ଯେ, ନିର୍ମାଣ ସାମଗ୍ରୀର ବ୍ୟବହାର ସମ୍ପୃକ୍ତ କାରଖାନା ଏବଂ ଦୋକାନଗୁଡ଼ିକରେ ନିଯୁକ୍ତି ବୃଦ୍ଧି କରେ । ସେ ଏହା ମଧ୍ୟ ଉଲ୍ଲେଖ କରିଛନ୍ତି ଯେ ପରିବହନ ଏବଂ ଲଜିଷ୍ଟିକ୍ସ କ୍ଷେତ୍ରଗୁଡ଼ିକରେ ଏହି ବିକାଶ କାରଣରୁ ନିଯୁକ୍ତି ସୁଯୋଗ ବୃଦ୍ଧି ପାଉଛି ।
ପ୍ରଧାନ ମନ୍ତ୍ରୀ ଶ୍ରୀ ମୋଦୀ କହିଥିଲେ ଯେ, ପୂର୍ବରୁ ଯେଉଁ ମାନେ ଦୀର୍ଘସମୟ ଧରି ଶାସନ କରୁଥିଲେ ସେମାନେ ଲୋକଙ୍କ ଉପରେ ଶାସନ କରିବା ସେମାନଙ୍କର ପ୍ରାଥମିକ ଉଦ୍ଦେଶ୍ୟ ବୋଲି ମନେ କରୁଥିଲେ । ସେମାନଙ୍କ ଦଳର ପ୍ରୟାସ ହେଉଛି ନାଗରିକଙ୍କ ଜୀବନରୁ ସରକାରଙ୍କ ଚାପ ଏବଂ ହସ୍ତ କ୍ଷେପ ଉଭୟକୁ ଦୂର କରିବାବୋଲି ସେ ମତ ଦେଇଥିଲେ । ସେ ଅତୀତର ପରିସ୍ଥିତିକୁ ଦର୍ଶାଇବା ପାଇଁ ଏକ ଉଦାହରଣ ଦେଇ କହିଥିଲେ ଯେ, ଦିଲ୍ଲୀର ସ୍ୱଚ୍ଛତା ବଜାୟ ରଖିବାରେ ପ୍ରମୁଖ ଦାୟିତ୍ୱ ନେଇଥିବା ସଫେଇ କର୍ମଚାରୀମାନଙ୍କୁ ଦାସ ଭାବରେ ବ୍ୟବହାର କରାଯାଉଥିଲା । ଏହା ଉଲ୍ଲେଖ କରି ଶ୍ରୀ ମୋଦୀ ଏକ ଆଶ୍ଚର୍ୟ୍ୟଜନକ ସତ୍ୟ ପ୍ରକାଶ କରିଥିଲେ, କହିଥିଲେ ଯେ ଦିଲ୍ଲୀ ମ୍ୟୁନିସିପାଲ କର୍ପୋରେସନ ଆଇନ ଅନୁଯାୟୀ, ଏକ ବ୍ୟବସ୍ଥା ଥିଲା ଯେ ଯଦି ଜଣେ ସଫେଇ କର୍ମଚାରୀ ପୂର୍ବ ସୂଚନା ବିନାଡ୍ୟୁଟିରେ ଯୋଗଦାନ କରିବାରେ ବିଫଳ ହୁଅନ୍ତି, ତେବେ ସେମାନଙ୍କୁ ଏକମାସ ପାଇଁ ଜେଲଦଣ୍ଡ ଦିଆଯାଇ ପାରିବ । ପ୍ରଧାନମନ୍ତ୍ରୀ ଏପରି ଆଇନ ପଛରେ ଥିବା ମାନସିକତା ଉପରେ ପ୍ରଶ୍ନ ଉଠାଇ କହିଥିଲେ ଯେ, କିପରି ସଫେଇକର୍ମଚାରୀଙ୍କୁ ଏକ ସାମାନ୍ୟ ଭୁଲ ପାଇଁ ସେ ବର୍ତ୍ତମାନ ସାମାଜିକ
ନ୍ୟାୟର କଥା କହୁଥିବା ଲୋକମାନଙ୍କୁ ସମାଲୋଚନା କରି କହିଥିଲେ ଯେ ସେମାନେ ଦେଶରେ ଏପରି ଅନ୍ୟାୟ ଆଇନ ବଜାୟ ରଖିଥିଲେ । ଶ୍ରୀ ମୋଦୀ ଘୋଷଣା କରିଥିଲେ ଯେ ତାଙ୍କ ସରକାର ହିଁ ଏପରି ପ୍ରତିଗାମୀ ଆଇନକୁ ସକ୍ରିୟ ଭାବରେ ଚିହ୍ନଟ ଏବଂ ଉଚ୍ଛେଦ କରୁଛି । ସେ ସୂଚନାଦେଇଥିଲେ ଯେ ସରକାର ପୂର୍ବରୁ ଏପରି ଶହଶହ ଆଇନକୁ ରଦ୍ଦ କରିସାରିଛନ୍ତି, ଏବଂଅଭିଯାନ ଜାରି ରହିଛି । “ଆମ ପାଇଁ, ସଂସ୍କାରର ଅର୍ଥ ହେଉଛି ସୁଶାସନର ପ୍ରସାର”ବୋଲି ପ୍ରଧାନମନ୍ତ୍ରୀ ଉଲ୍ଲେଖ କରି କହିଥିଲେ ଯେ ସଂସ୍କାର ଉପରେ ନିରନ୍ତର ଧ୍ୟାନ ଦିଆଯାଉଛି । ସେ ଘୋଷଣା କରିଥିଲେ ଯେ, ଆଗାମୀ ଦିନରେ ଜୀବନ ଏବଂ ବ୍ୟବସାୟକୁ ସହଜ କରିବା ପାଇଁ ଅନେକ ପ୍ରମୁଖ ସଂସ୍କାର ପ୍ରଚଳନ କରାଯିବ । “ଏହି ପ୍ରୟାସର ଅଂଶ ଭାବରେ, ଜିଏସଟିରେ ଏକ ପରବର୍ତ୍ତୀ ପିଢ଼ିର ସଂସ୍କାର ଅଣାଯିବା ସମ୍ପର୍କରେ ଯୋଜନା କରାଯାଉଛି । ଏହି ଦୀପାବଳିରେ, ନାଗରିକମାନେ ଜିଏସଟି ସଂସ୍କାର ମାଧ୍ୟମରେ ଦୁଇଗୁଣ ବୋନସ ପାଇବେ”ବୋଲି ଶ୍ରୀ ମୋଦୀ କହିଥିଲେ । ସମସ୍ତ ରାଜ୍ୟ ସହିତ ସମ୍ପୂର୍ଣ୍ଣ ଢାଞ୍ଚାକୁ ସେୟାର କରାଯାଇଛି ବୋଲି ସୂଚନା ଦେଇ ଶ୍ରୀ ମୋଦୀ ଆଶା ପ୍ରକାଶ କରିଥିଲେ ଯେ, ସମସ୍ତ ରାଜ୍ୟ ଭାରତ ସରକାରଙ୍କ ଏହି ପଦକ୍ଷେପରେ ସହଯୋଗ କରିବେ । ଏହି ଦୀପାବଳିକୁ ଆହୁରି ସ୍ୱତନ୍ତ୍ର କରିବା ପାଇଁ ସେ ପ୍ରକ୍ରିୟାର ଶୀଘ୍ର ସମାପ୍ତି ଲାଗି ଅନୁରୋଧ କରିଥିଲେ । ସରକାର ଜିଏସଟିକୁ ଆହୁରି ସରଳୀକରଣ ଏବଂ ଟିକସ ହାର ସଂଶୋଧନ କରିବାକୁ ଲକ୍ଷ୍ୟ ରଖିଛନ୍ତି ବୋଲି ଉଲ୍ଲେଖ କରି ପ୍ରଧାନମନ୍ତ୍ରୀ ଆଲୋକପାତ କରିଥିଲେ ଯେ , ଏହି ସଂସ୍କାରର ଲାଭ ପ୍ରତ୍ୟେକ ପରିବାର, ବିଶେଷକରି ଗରିବ ଏବଂ ମଧ୍ୟବିତ୍ତ ବର୍ଗଙ୍କ ପାଖରେ ପହଞ୍ଚିବ । ସେ ଆହୁରି ମଧ୍ୟ କହିଛନ୍ତି ଯେ, ସମସ୍ତ ସ୍ତରର ଉଦ୍ୟୋଗୀ, ବ୍ୟବସାୟୀ ଏବଂ ଉଦ୍ୟୋଗୀ ଏହି ପରିବର୍ତ୍ତନରୁ ଲାଭ ପାଇବେ । ଭାରତର ସର୍ବୋତ୍ତମ ଶକ୍ତି ମଧ୍ୟରୁ ଗୋଟିଏ ହେଉଛି ଏହାର ପ୍ରାଚୀନ ସଂସ୍କୃତି ଏବଂ ଐତିହ୍ୟ, ଏହା ଉପରେ ଗୁରୁତ୍ୱ ଦେଇ ଶ୍ରୀ ମୋଦୀ ଗୁରୁତ୍ୱାରୋପ କରିମନ୍ତବ୍ୟ ଦେଇଥିଲେ ଯେ, ଏହି ସାଂସ୍କୃତିକ ଐତିହ୍ୟ ଜୀବନର ଏକ ଗଭୀର ଦର୍ଶନକୁ ପ୍ରତିପାଦିତ କରେ । ସେ ମନ୍ତବ୍ୟ ଦେଇଥିଲେ ଯେ ଏହି ଦର୍ଶନ ମଧ୍ୟରେ, ଆମେ “ଚକ୍ରଧାରୀ ମୋହନ” ଏବଂ “ଚରଖାଧାରୀ ମୋହନ” ଉଭୟଙ୍କୁ ଭେଟିଥାଉ । ସମୟ ସମୟରେ, ଦେଶ ଏହି ଉଭୟ ବ୍ୟକ୍ତିତ୍ୱଙ୍କର ସାରକୁ ଅନୁଭବ କରେବୋଲି ସେ ଉଲ୍ଲେଖ କରିଥିଲେ । “ଚକ୍ରଧାରୀ ମୋହନ” ଭଗବାନ ଶ୍ରୀକୃଷ୍ଣଙ୍କୁ ବୁଝାଏ, ଯିଏ ସୁଦର୍ଶନ ଚକ୍ରର ଶକ୍ତି ପ୍ରଦର୍ଶନ କରିଥିଲେ, ବୋଲି ବ୍ୟାଖ୍ୟା କରିବା ସହିତ ପ୍ରଧାନମନ୍ତ୍ରୀ ଆହୁରି ମଧ୍ୟ କହିଥିଲେ ଯେ “ଚରଖାଧାରୀ ମୋହନ” ମହାତ୍ମା ଗାନ୍ଧୀଙ୍କୁ ବୁଝାଏ, ଯିଏ ଚରଖା ମାଧ୍ୟମରେ ସ୍ୱଦେଶୀର ଶକ୍ତି ପାଇଁ ଦେଶକୁ ଜାଗ୍ରତ କରିଥିଲେ । “ଭାରତକୁ ସଶକ୍ତ କରିବା ପାଇଁ, ଆମକୁ ଚକ୍ରଧାରୀ ମୋହନଙ୍କଠାରୁ ପ୍ରେରଣା ନେବାକୁ ପଡିବ, ଭାରତକୁ ଆତ୍ମନିର୍ଭରଶୀଳ କରିବା ପାଇଁ, ଆମକୁ ଚରଖାଧାରୀ ମୋହନଙ୍କ ପଥ ଅନୁସରଣ କରିବାକୁ ପଡିବ”ବୋଲି ପ୍ରଧାନମନ୍ତ୍ରୀ ଆହ୍ୱାନ କରି କହିଥିଲେ ଯେ “ଭୋକାଲ୍ ଫର୍ ଲୋକାଲ୍” ପ୍ରତ୍ୟେକ ନାଗରିକଙ୍କ ପାଇଁ ଜୀବନ ମନ୍ତ୍ର ହେବା ଉଚିତ । ସେ ମନ୍ତବ୍ୟ ଦେଇଥିଲେ ଯେ ଏହି ମିଶନ୍ ଦେଶ ପାଇଁ କଷ୍ଟକର ନୁହେଁ, କାରଣ ଭାରତ ଯେତେବେଳେ ବି କୌଣସି ସଂକଳ୍ପ ନେଇଛି ସେତେବେଳେ ତାହା କରିଆସିଛି । ଦିନେ ବିଲୁପ୍ତ ହେବାର ଦ୍ୱାରଦେଶରେ ଥିବା ଖଦିର ଉଦାହରଣ ଦେଇ ଶ୍ରୀ ମୋଦୀ ଦେଶକୁ ସେ ଦେଇଥିବା ଆହ୍ୱାନକୁ ମନେ ପକାଇଥିଲେ, ଯାହା ଏକ ସାମୂହିକ ସଂକଳ୍ପ ଏବଂ ଦୃଶ୍ୟମାନ ଫଳାଫଳ ଆଣିଥିଲାବୋଲି କହିଥିଲେ । ସେ ସୂଚନା ଦେଇଥିଲେ ଯେ, ଗତ ଦଶନ୍ଧିରେ, ଖଦି ବିକ୍ରୟ ପ୍ରାୟ ସାତ ଗୁଣ ବୃଦ୍ଧି ପାଇଛି । ସେ ଉଲ୍ଲେଖ କରିଥିଲେ ଯେ, ଭାରତର ଲୋକମାନେ “ଭୋକାଲ୍ ଫର୍ ଲୋକାଲ୍” ମନୋଭାବ ସହିତ ଖଦିକୁ ଗ୍ରହଣ କରିଥିଲେ । ପ୍ରଧାନମନ୍ତ୍ରୀ ମେଡ୍ ଇନ୍ ଇଣ୍ଡିଆ ମୋବାଇଲ୍ ଫୋନ ଉପରେ ନାଗରିକମାନେ ଦେଖାଇଥିବା ବିଶ୍ୱାସ ଉପରେ ମଧ୍ୟ ଆଲୋକପାତ କରିଥିଲେ । “ଏଗାର ବର୍ଷ ପୂର୍ବେ, ଭାରତ ଏହାର ଅଧିକାଂଶ ମୋବାଇଲ୍ ଫୋନ୍ ଆମଦାନୀ କରୁଥଲା । ଆଜି, ଅଧିକାଂଶ ଭାରତୀୟ ଭାରତରେ ପ୍ରସ୍ତୁତ ହେଉଥିବା ଫୋନ୍ ବ୍ୟବହାର କରନ୍ତି । ଭାରତ ଏବେ ବାର୍ଷିକ ୩୦ ରୁ ୩୫ କୋଟି ମୋବାଇଲ୍ ଫୋନ୍ ତିଆରିକରିଥାଏ ଏବଂ ରପ୍ତାନି କରେ”ବୋଲି ପ୍ରଧାନମନ୍ତ୍ରୀ ମତ ଦେଇଥିଲେ । ଭାରତର ମେଡ୍ ଇନ୍ ଇଣ୍ଡିଆ ୟୁପିଆଇ ଆଜି ବିଶ୍ୱର ସର୍ବବୃହତ ରିଅଲ୍-ଟାଇମ୍ ଡିଜିଟାଲ୍ ପେମେଣ୍ଟ ପ୍ଲାଟଫର୍ମ ପାଲଟିଛି ବୋଲି ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ ଯେ, ଭାରତରେ ନିର୍ମିତ ରେଳ କୋଚ୍ ଏବଂ ଲୋକୋମୋଟିଭ୍ର ଚାହିଦା ଏବେ ଅନ୍ୟ ଦେଶରେ ବୃଦ୍ଧି ପାଇବାରେ ଲାଗିଛି । ପ୍ରଧାନମନ୍ତ୍ରୀ କହିଥିଲେ ଯେ , ଯେତେବେଳେ ରାସ୍ତା ଭିତ୍ତିଭୂମି ଏବଂ ସାମଗ୍ରିକ ଭିତ୍ତିଭୂମି କଥା ଆସେ, ଭାରତ ସେଥିପାଇଁ ଗତି ଶକ୍ତି ପ୍ଲାଟଫର୍ମ ବିକଶିତ କରିଛି । ସେ ଉଲ୍ଲେଖ କରିଥିଲେ ଯେ ଏହି ପ୍ଲାଟଫର୍ମରେ ୧୬୦୦ ସ୍ତରର ତଥ୍ୟ ରହିଛି । ସେ କହିଥିଲେ ଯେ, କୌଣସି ପ୍ରକାରର ପ୍ରକଳ୍ପ, ଯଥା: ବନ୍ୟପ୍ରାଣୀ, ଜଙ୍ଗଲ ଅଞ୍ଚଳ, ନଦୀ କିମ୍ବା ଡ୍ରେନ୍ ନିର୍ମାଣ ଭଳି ଯେକୌଣସି ପ୍ରକଳ୍ପ ଅନ୍ତର୍ଭୁକ୍ତ ହେଲେ ମଧ୍ୟ ପ୍ଲାଟଫର୍ମ ସମସ୍ତ ପ୍ରାସଙ୍ଗିକ ପରିସ୍ଥିତି ଏବଂ ନିୟାମକ ଆବଶ୍ୟକତାଗୁଡ଼ିକ ଲାଗି ତୁରନ୍ତ ପ୍ରବେଶ ପ୍ରଦାନ କରେ ବୋଲି ଉଲ୍ଲେଖ କରି ସେ କହିଥିଲେ ଯେ ଏହା ସମ୍ପର୍କରେ ସମସ୍ତ ସୂଚନା କିଛି ମିନିଟ୍ ମଧ୍ୟରେ ଉପଲବ୍ଧ ହୁଏ, ଯାହା ପ୍ରକଳ୍ପଗୁଡ଼ିକୁ ଦ୍ରୁତ ଗତିରେ ଅଗ୍ରଗତି କରିବାରେ ସକ୍ଷମ କରିଥାଏ । ଶ୍ରୀ ମୋଦୀ ସୂଚନା ଦେଇଥିଲେ ଯେ ଗତି ଶକ୍ତି ପାଇଁ ଏକ ଉତ୍ସର୍ଗୀକୃତ ବିଶ୍ୱବିଦ୍ୟାଳୟ ଏବେ ପ୍ରତିଷ୍ଠିତ ହୋଇଛି । ସେ ଗୁରୁତ୍ୱାରୋପ କରିଥିଲେ ଯେ ଗତି ଶକ୍ତି ଦେଶର ପ୍ରଗତି ପାଇଁ ଏକ ଶକ୍ତିଶାଳୀ ଏବଂ ପରିବର୍ତ୍ତନକାରୀ ପଥ ପାଲଟିଛି । ଦଶନ୍ଧି ପୂର୍ବେ ଭାରତରେ ଖେଳଣା ଆମଦାନୀ କରାଯାଉଥିଲା ବୋଲି ମନେ ପକାଇ ଶ୍ରୀ ମୋଦୀ କହିଥିଲେ ଯେ, ଯେତେବେଳେ ଭାରତୀୟମାନେ “ଭୋକାଲ୍ ଫର୍ ଲୋକାଲ”କୁ ଗ୍ରହଣ କରିବାକୁ ସଂକଳ୍ପ ନେଇଥିଲେ, ସେତେବେଳେ କେବଳ ଘରୋଇ ଖେଳଣା ଉତ୍ପାଦନ ଉଲ୍ଲେଖନୀୟ ଭାବରେ ବୃଦ୍ଧି ପାଇନଥିଲା, ବରଂ ଭାରତ ବିଶ୍ୱର ୧୦୦ ରୁ ଅଧିକ ଦେଶକୁ ଖେଳଣା ରପ୍ତାନି ମଧ୍ୟ କରିବା ଆରମ୍ଭ କରିଥିଲା । ସମସ୍ତ ନାଗରିକଙ୍କୁ ଭାରତରେ ତିଆରି ସାମଗ୍ରୀ ଉପରେ ବିଶ୍ୱାସ ରଖିବାକୁ ଆହ୍ୱାନ କରି ପ୍ରଧାନମନ୍ତ୍ରୀ ଲୋକମାନଙ୍କୁ ଭାରତରେ ତିଆରି ସାମଗ୍ରୀ ବାଛିବାକୁ ଆହ୍ୱାନ କରିକହିଥିଲେଯେ, “ଯଦି ଆପଣ ଭାରତୀୟ, ତେବେ ଭାରତରେ ତିଆରି ଜିନିଷ କିଣନ୍ତୁ ।” ଚଳିତ ପର୍ବପର୍ବାଣୀକୁ ଉଲ୍ଲେଖ କରି ଶ୍ରୀ ମୋଦୀ ସମସ୍ତଙ୍କୁ ସ୍ଥାନୀୟ ଉତ୍ପାଦର ଆନନ୍ଦ ସେମାନଙ୍କ ପ୍ରିୟଜନଙ୍କ ସହ ବାଣ୍ଟିବାକୁ ଉତ୍ସାହିତ କରିଥିଲେ । ସେ ନାଗରିକମାନଙ୍କୁ କେବଳ ଭାରତରେ ତିଆରି ଏବଂ ଭାରତୀୟମାନଙ୍କ ଦ୍ୱାରା ତିଆରି ଜିନିଷଗୁଡ଼ିକୁ ଉପହାର ଦେବା ପାଇଁ ସଚେତନ ନିଷ୍ପତ୍ତି ନେବାକୁ ଆହ୍ୱାନ କରିଥିଲେ । ଦେଶର ବିଭିନ୍ନ ଦୋକାନୀମାନଙ୍କୁ ସମ୍ବୋଧିତ କରି, କିଛି ଲୋକ ସାମାନ୍ୟ ଅଧିକ ଲାଭ ପାଇଁ ବିଦେଶୀ ନିର୍ମିତ ସାମଗ୍ରୀ ବିକ୍ରି କରିଥିବେ ବୋଲି ସ୍ୱୀକାର କରି ପ୍ରଧାନମନ୍ତ୍ରୀ ସ୍ପଷ୍ଟ କରିଥିଲେ ଯେ ସେମାନେ କିଛି ଭୁଲ କରିନାହାଁନ୍ତି, କିନ୍ତୁ ଏବେ ସେମାନଙ୍କୁ “ଭୋକାଲ୍ ଫର୍ ଲୋକାଲ” ମନ୍ତ୍ରକୁ ଗ୍ରହଣ କରିବାକୁ ଅନୁରୋଧ କରିଥିଲେ । ସେ ଗୁରୁତ୍ୱାରୋପ କରିଥିଲେ ଯେ ଏହି ଗୋଟିଏ ପଦକ୍ଷେପ ଦେଶକୁ ଲାଭ ଦେବ ଏବଂ ବିକ୍ରି ହେଉଥିବା ପ୍ରତ୍ୟେକ ଜିନିଷ ଜଣେ ଭାରତୀୟ ଶ୍ରମିକ କିମ୍ବା ଗରିବ ନାଗରିକଙ୍କୁ ସହାୟତା କରିବ । ପ୍ରତ୍ୟେକ ବିକ୍ରୟରୁ ମିଳୁଥିବା ଟଙ୍କା ଭାରତ ଭିତରେ ରହିବ ଏବଂ ସହ-ଭାରତୀୟମାନଙ୍କୁ ଲାଭ ଦେବ ବୋଲି ଗୁରୁତ୍ୱାରୋପ କରି ଶ୍ରୀ ମୋଦୀ କହିଥିଲେ ଯେ, ଏହା ଭାରତୀୟ ନାଗରିକଙ୍କ କ୍ରୟ ଶକ୍ତି ବୃଦ୍ଧି କରିବ ଏବଂ ଅର୍ଥନୀତିକୁ ସୁଦୃଢ଼ କରିବ। ସେ ଦୋକାନୀମାନଙ୍କୁ ଗର୍ବର ସହିତ ଭାରତରେ ନିର୍ମିତ ସାମଗ୍ରୀ ବିକ୍ରୟ କରିବାକୁ ଆହ୍ୱାନ କରିଥିଲେ । “ଦିଲ୍ଲୀ ଏକ ରାଜଧାନୀ ଭାବରେ ଉଭା ହେଉଛି ଯାହା ଭାରତର ଗୌରବମୟ ଅତୀତକୁ ଏହାର ଆଶାଜନକ ଭବିଷ୍ୟତ ସହିତ ସଂଯୋଗ କରିଥାଏ”, ପ୍ରଧାନମନ୍ତ୍ରୀ ସମ୍ପ୍ରତି ନୂତନ କେନ୍ଦ୍ରୀୟ ସଚିବାଳୟ – କର୍ତ୍ତବ୍ୟ ଭବନର ଉଦଘାଟନ ଏବଂ ନୂତନ ସଂସଦ ଭବନର ସମାପ୍ତି ଉପରେ ଆଲୋକପାତ କରି କହିଥିଲେ । ସେ ଉଲ୍ଲେଖ କରିଥିଲେ ଯେ , କର୍ତ୍ତବ୍ୟ ପଥ ଏବେ ଏହାର ନୂତନ ରୂପରେ ଦେଶ ସମ୍ମୁଖରେ ଠିଆ ହୋଇଛି । ଶ୍ରୀ ମୋଦୀ ମନ୍ତବ୍ୟ ଦେଇଥିଲେ ଯେ ଭାରତ ମଣ୍ଡପମ୍ ଏବଂ ଯଶୋଭୂମି ଭଳି ଆଧୁନିକ ସମ୍ମିଳନୀ କେନ୍ଦ୍ର ଦିଲ୍ଲୀର ମର୍ଯ୍ୟାଦା ବୃଦ୍ଧି କରୁଛି । ଏହି ବିକାଶ ଦିଲ୍ଲୀକୁ ବ୍ୟବସାୟ ଏବଂ ବାଣିଜ୍ୟ ପାଇଁ ଏକ ପ୍ରମୁଖ ଗନ୍ତବ୍ୟସ୍ଥଳ ଭାବରେ ଅବସ୍ଥାପିତ କରୁଛିବୋଲି ସେ ଗୁରୁତ୍ୱାରୋପ କରିଥିଲେ । ପ୍ରଧାନମନ୍ତ୍ରୀ ଆତ୍ମବିଶ୍ୱାସ ପ୍ରକାଶ କରି ଶେଷରେ କହିଥିଲେ ଯେ, ଏହି ପଦକ୍ଷେପଗୁଡ଼ିକର ଶକ୍ତି ଏବଂ ପ୍ରେରଣା ସହିତ, ଦିଲ୍ଲୀ ବିଶ୍ୱର ସର୍ବୋତ୍ତମ ରାଜଧାନୀ ମଧ୍ୟରୁ ଗୋଟିଏ ଭାବରେ ଉଭା ହେବ । କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ କେନ୍ଦ୍ରମନ୍ତ୍ରୀ ନୀତିନ ଗଡକରୀ, ଦିଲ୍ଲୀର ଉପରାଜ୍ୟପାଳ ବିନୟ କୁମାର ସକ୍ସେନା, ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା, ହରିୟାଣା ମୁଖ୍ୟମନ୍ତ୍ରୀ ନାୟବ ସିଂହ ସାଇନି, କେନ୍ଦ୍ର ରାଷ୍ଟ୍ରମନ୍ତ୍ରୀ ଅଜୟ ଟାମଟା, ହର୍ଷ ମାଲହୋତ୍ରା ଉପସ୍ଥିତ ଥିଲେ ।
ପୃଷ୍ଠଭୂମି
ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳରେ ସଂଯୋଗୀକରଣରେ ବ୍ୟାପକ ଉନ୍ନତି ଆଣିବା, ଯାତ୍ରା ସମୟ ହ୍ରାସ କରିବା ଏବଂ ଟ୍ରାଫିକ୍ ହ୍ରାସ କରିବା ଉଦ୍ଦେଶ୍ୟରେ ରାଜଧାନୀରେ ଭିଡ଼ କମ କରିବା ପାଇଁ ସରକାରଙ୍କ ବ୍ୟାପକ ଯୋଜନା ଅଧୀନରେ – ଦ୍ୱାରକା ଏକ୍ସପ୍ରେସୱେର ଦିଲ୍ଲୀ ସେକ୍ସନ ଏବଂ ସହରାଞ୍ଚଳ ସମ୍ପ୍ରସାରଣ ରାସ୍ତା-୨ (ୟୁଇଆର – ୨) ପ୍ରକଳ୍ପଗୁଡ଼ିକ ବିକଶିତ କରାଯାଇଛି । ଏହି ପଦକ୍ଷେପଗୁଡ଼ିକ ପ୍ରଧାନମନ୍ତ୍ରୀ ମୋଦୀଙ୍କ ବିଶ୍ୱସ୍ତରୀୟ ଭିତ୍ତିଭୂମି ସୃଷ୍ଟି କରିବାର ଦୃଷ୍ଟିକୋଣକୁ ପ୍ରତିଫଳିତ କରେ, ଯାହା ଜୀବନଧାରଣର ସହଜତାକୁ ବୃଦ୍ଧି କରେ ଏବଂ ସୁଗମ ଗତିଶୀଳତାକୁ ସୁନିଶ୍ଚିତ କରେ । ଦ୍ୱାରକା ଏକ୍ସପ୍ରେସୱେର ୧୦.୧ କିଲୋମିଟର ଲମ୍ବ ଦିଲ୍ଲୀ ସେକ୍ସନକୁ ପ୍ରାୟ ୫,୩୬୦ କୋଟି ଟଙ୍କା ବ୍ୟୟରେ ବିକଶିତ କରାଯାଇଛି । ଏହି ସେକ୍ସନ ଯଶୋଭୂମି, ଡିଏମଆରସି ବ୍ଲୁ ଲାଇନ୍ ଏବଂ ଅରେଞ୍ଜ ଲାଇନ୍, ଆଗାମୀ ବିଜୱାସନ ରେଳ ଷ୍ଟେସନ ଏବଂ ଦ୍ୱାରକା କ୍ଲଷ୍ଟର ବସ୍ ଡିପୋକୁ ମଲ୍ଟି-ମୋଡାଲ୍ ସଂଯୋଗ ପ୍ରଦାନ କରିବ । ଏହି ସେକ୍ସନରେ ଅନ୍ତର୍ଭୁକ୍ତରହିଛି :
• ପ୍ୟାକେଜ୍ : ଦ୍ୱାରକା ସେକ୍ଟର-୨୧ ସ୍ଥିତ ଶିବ ମୂର୍ତ୍ତି ଛକରୁ ରୋଡ୍ ଅଣ୍ଡର ବ୍ରିଜ୍ (ଆରୟୁବି) ପର୍ଯ୍ୟନ୍ତ ୫.୯କିଲୋମିଟର।
• ପ୍ୟାକେଜ୍ ଓଓ: ଦ୍ୱାରକା ସେକ୍ଟର-୨୧ଆରୟୁବିରୁ ଦିଲ୍ଲୀ-ହରିୟାଣା ସୀମା ପର୍ଯ୍ୟନ୍ତ ୪.୨ କିଲୋମିଟର, ଯାହା ସହରାଞ୍ଚଳ ସମ୍ପ୍ରସାରଣ ରାସ୍ତା-୨ କୁ ସିଧାସଳଖ ସଂଯୋଗ ପ୍ରଦାନ କରେ । ଦ୍ୱାରକା ଏକ୍ସପ୍ରେସୱେର ୧୯ କିଲୋମିଟର ଲମ୍ବା ହରିୟାଣା ସେକ୍ସନକୁ ପ୍ରଧାନମନ୍ତ୍ରୀ ମାର୍ଚ୍ଚ ୨୦୨୪ରେ ଉଦଘାଟନ କରିଥିଲେ । ପ୍ରଧାନମନ୍ତ୍ରୀ ପ୍ରାୟ ୫୫୮୦ କୋଟି ଟଙ୍କା ବ୍ୟୟରେ ନିର୍ମିତ ବାହାଦୁରଗଡ଼ ଏବଂ ସୋନିପତକୁ ନୂତନ ସଂଯୋଗ ସହିତ ଅର୍ବାନ ଏକ୍ସଟେନସନ୍ ରୋଡ୍-ଓଓ (ୟୁଇଆର -୨)ର ଆଲିପୁରରୁ ଦିଚାଓଁ କଲାନ୍ ଷ୍ଟ୍ରେଚ୍ ମଧ୍ୟ ଉଦଘାଟନ କରିଥିଲେ । ଏହା ଦିଲ୍ଲୀର ଭିତର ଏବଂ ବାହ୍ୟ ରିଙ୍ଗ ରୋଡ୍ ଏବଂ ମୁକାରବା ଚୌକ୍, ଧୌଲା କୁଆଁ ଏବଂ ଏନଏଚ୍-୦୯ ଭଳି ବ୍ୟସ୍ତବହୁଳ ସ୍ଥାନରେ ଯାତାୟାତକୁ ସହଜ କରିବ । ନୂତନ ସ୍ପର୍ସ ବାହାଦୁରଗଡ଼ ଏବଂ ସୋନିପତକୁ ସିଧାସଳଖ ପ୍ରବେଶ ପ୍ରଦାନ କରିବ, ଶିଳ୍ପ ସଂଯୋଗୀକରଣରେ ଉନ୍ନତି ଆଣିବ, ସହରର ଟ୍ରାଫିକ୍ ହ୍ରାସ କରିବ ଏବଂ ଏନସିଆରରେ ସାମଗ୍ରୀ ପରିବହନକୁ ତ୍ୱରାନ୍ୱିତ କରିବ ।