ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ଗାଇସିଲେଟ ବ୍ଲକ ବୁରୋମୁଣ୍ଡାଠାରେ ମୁରଲୀକ୍ରିଷ୍ଣା ଫାଉଣ୍ଡେସନ, ତ୍ରିଲୋଚନ ନେତ୍ରାଲୟ ଏବଂ କୋସଲ ଯୁବ ଶକ୍ତିର ମିଳିତ ଉଦ୍ୟମରେ ଏଡଭୋକେଟ ସୁରେନ୍ଦ୍ର କୁମାର ସାହୁଙ୍କର ଦ୍ୱିତୀୟ ଶ୍ରାଦ୍ଧବାର୍ଷିକି ଉପଲକ୍ଷେ ମେଗା ସ୍ୱାସ୍ଥ୍ୟ ଶିବିର ଆୟୋଜିତ ହୋଇଯାଇଛି । ଗାଇସିଲାଟ ବିଡିଓ ଲକ୍ଷ୍ମଣ ମାଝି, ଜିଲ୍ଲା ପରିଷଦ ସଭ୍ୟା ଝରଣା ପାଣିଗ୍ରାହୀ, ଜିଲ୍ଲା ପରିଷଦ ସଭ୍ୟ ନିଲମଣି ବରିହା, ସରୋଜ ଶ୍ରୀଭୁଷଣ ସାହୁ, ସାକେତ ଶ୍ରୀଭୁଷଣ ସାହୁ ତଥା ଡାକ୍ତରମାନଙ୍କ ଉପସ୍ଥିତିରେ ଶିବିରକୁ ଉଦ୍ଘାଟନ କରାଯାଇଥିଲା । ଶିବିରରେ ପ୍ରାୟ ୪୫୦ ଜଣ ଉଭୟ ଚକ୍ଷୁ ଏବଂ ସାଧାରଣ ରୋଗୀଙ୍କ ପରୀକ୍ଷା କରାଯିବା ସହ ୨୦ ଜଣଙ୍କୁ ଚକ୍ଷୁ ଅପରେସନ ପାଇଁ ପଠାଯାଇଥିଲା ଏବଂ ଅନ୍ୟ ରୋଗୀ ମାନଙ୍କୁ ମାଗଣାରେ ଔଷଧ ଓ ପରାମର୍ଶ ଦିଆଯାଇଥିଲା । କୋସଲ ଯୁବ ଶକ୍ତିର ସଦସ୍ୟମାନେ ଉପସ୍ଥିତ ରହି ଶିବିରକୁ ପରିଚାଳନା କରିଥିଲେ । ବାପାଙ୍କ ଶ୍ରାଦ୍ଧ ବାର୍ଷିକିକୁ ଏଭଳି ଭାବରେ ପାଳନ କରିଥିବାରୁ ସ୍ୱର୍ଗତ ସାହୁଙ୍କ ପୁତ୍ର ସରୋଜ ସରୋଜ ଶ୍ରୀଭୂଷଣ ସାହୁ ଏବଂ ସାକେତ ସାହୁଙ୍କୁ ଲୋକେ ଭୂରି ଭୂରି ପ୍ରଶଂସା କରିଛନ୍ତି ।