କଂଟାବାଂଜି ପୋଲିସ ସବ୍ଡିଭିଜନ ଅଧିନରେ ନୂତନ ଭାବେ କାର୍ଯ୍ୟଭାର ଗ୍ରହଣ କରିଥିବା ଅଧିକାରୀମାନଙ୍କୁ ସ୍ୱାଗତ ସମ୍ବର୍ଦ୍ଧନା
କଂଟାବାଂଜି, (ମନିଷ କୁମାର ହଂସ) : କଂଟାବାଂଜି ପୋଲିସ ସବ୍ଡିଭିଜନ ଅଧିନସ୍ଥ କଂଟାବାଂଜି, ମୁରିବାହାଲ, ବଙ୍ଗୋମୁଣ୍ଡା ଓ ତୁରେକେଲା ଥାନାରେ ନୂତନ ଭାବେ ଯୋଗ ଦେଇଥିବା ଥାନାଧିକାରୀ, ସବ୍ ଇନ୍ସପେକ୍ଟର, ଏଏସ୍ଆଇ ଅଧିକାରୀମାନଙ୍କୁ ଶନିବାର ରାତିରେ କଂଟାବାଂଜି ଥାନା ପରିସରରେ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି । ବଙ୍ଗୋମୁଣ୍ଡା ଥାନାଧିକାରୀ ସୁଶାନ୍ତ କୁମାର ପ୍ରଧାନ, ତୁରେକେଲା ଥାନାଧିକାରୀ ପ୍ରଣୟ ମୁର୍ମୁ, କଂଟାବାଂଜି ଏ.ଏସ.ଆଇ. ସୁଜ୍ଞାନି କୁମାର ବାରିକ, ଆକାଶ କୁମାର ସାମଲ ଓ ମୁରିବାହାଲ ଏ.ଏସ.ଆଇ. ଦେବାନନ୍ଦ ଓରାମ, ତୁରେକେଲା ବି.ଡି.ଓ. ଦେବାଶିଷ ସାମଲଙ୍କୁ ସମ୍ବର୍ଦ୍ଧିତ କରାଯାଇଛି । ଏହି ସ୍ୱାଗତ ସମ୍ବର୍ଦ୍ଧନା ସଭାରେ ସ୍ଥାନୀୟ ପୋଲିସ ଏସ.ଡି.ପି.ଓ. ଡ.ହୃଷିକେଶ ମେହେରଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଥାନା ଆଇ.ଆଇ.ସି. ସତ୍ୟଜିତ କନ୍ଦନକେଲ, ସବ୍ ଇନ୍ସପେକ୍ଟର ପ୍ରଦିପ କୁମାର ଦୁରିଆ, ଏନ.ଏ.ସି. ନୋଡାଲ ଅଫିସର ଚନ୍ଦ୍ରଶେଖର ଭୋଇ, ଅବସରପ୍ରାପ୍ତ ସୈନିକ କାହ୍ନୁ ଚରଣ ମିଶ୍ର, କଂଟାବାଂଜି କେ.ଭି. କଲେଜ ଅଧ୍ୟାପକ ଡ. ସଂଜୟ କୁମାର ମିଶ୍ର ଅତିଥି ଭାବେ ମଂଚାସୀନ ଥିଲେ । କାର୍ୟ୍ୟକ୍ରମକୁ ଥାନା ଆଇ.ଆଇ.ସି. କନ୍ଦନକେଲା ପରିଚାଳନା କରିଥିବା ବେଳେ ସବ୍ ଇନ୍ସପେକ୍ଟର ସୁନ୍ଦର ବେହେରା ଧନ୍ୟବାଦ ଅର୍ପଣ କରିଥିଲେ ।