ବଲାଙ୍ଗିର, (କେପିଏନ୍ଏସ୍) : ସ୍ୱଚ୍ଛ ଭାରତ ଅଭିଆନ୍ ହେଉଛି ଭାରତ ସରକାରଙ୍କ ସବୁଠାରୁ ଗୁରୁତ୍ୱପୂର୍ଣ୍ଣ ସ୍ୱଚ୍ଛତା ଅଭିଯାନ । ପରିଷ୍କାର ପରିଚ୍ଛନ୍ନତାକୁ ଆମ ଜୀବନର ଏକ ଅଂଶ କରିବା ପାଇଁ ସିଆର୍ପିଏଫ୍ ୧୮୯ ବାଟାଲିଅନ୍ କମାଣ୍ଡାଣ୍ଟ ୧ ଅକ୍ଟୋବର ୨୦୨୩ରେ ମୁଖ୍ୟାଳୟ ଏବଂ ସମସ୍ତ କମ୍ପାନୀରେ ସ୍ୱଚ୍ଛତା ହିିଁ ସେବା ଅଭିଯାନ ଅଧୀନରେ “ଏକ ତାରିଖ, ଏକ ଘଣ୍ଟା, ଏକ ସାଥ” ପାଳନ କରିଥିଲେ । ଏହି ବର୍ଷ ସରକାରୀ କାର୍ଯ୍ୟାଳୟ ତଥା ସମସ୍ତ ପବ୍ଲିକ୍ ସେକ୍ଟର ଅଣ୍ଡରଟେକିଂରେ ସ୍ୱତନ୍ତ୍ର ସ୍ୱଚ୍ଛତା ଡ୍ରାଇଭ୍ ୩.୦ ପାଳନ କରାଯାଇଥିଲା, ଯାହା ଆନୁଷ୍ଠାନିକ ଭାବରେ ୧୫/୦୯/୨୦୨୩ରେ ଆରମ୍ଭ ହୋଇ ୩୦/୦୯/୨୦୨୩ରେ ଶେଷ ହୋଇଥିଲା । ଅକ୍ଟୋବର ୨ରେ ଜାତିର ପିତା ମହାତ୍ମାଗାନ୍ଧୀଙ୍କୁ ସ୍ମରଣ ତଥା ଶ୍ରଦ୍ଧାଞ୍ଜଳି ଦେବା ପାଇଁ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଏହି ଅବସରରେ କାର୍ଯ୍ୟକ୍ରମରେ ଉପସ୍ଥିତ ଥିବା ୧୮୯ ବାଟାଲିୟନ୍ର ସମସ୍ତ ସୈନିକଙ୍କୁ କମାଣ୍ଡାଣ୍ଟ ସ୍ୱଚ୍ଛତା ଶପଥ ପାଠ କରାଇଥିଲେ ।