ଲୋଇସିଂହା, (କେପିଏନ୍ଏସ୍) : ଜମିଦାର ତଥା ସ୍ଥାନୀୟ କଲେଜର ପ୍ରତିଷ୍ଠାତା ସଭାପତି ଜୟକୃଷ୍ଣ ସିଂ ରାଏଙ୍କ ବିୟୋଗରେ ଲୋଇସିଂହା ମହାବିଦ୍ୟାଳୟ ପକ୍ଷରୁ ଗଭୀର ଶୋକସଭା ଆୟୋଜିତ ହୋଇଛି । କଲେଜ ଅଧ୍ୟକ୍ଷ ଗୋବିନ୍ଦ ଚନ୍ଦ୍ର ସାହୁଙ୍କ ସଭାପତିତ୍ୱରେ ଆୟୋଜିତ ଶୋକସଭାରେ ସ୍ୱର୍ଗତ ସିଂରାଏଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ ପୂର୍ବକ ଶ୍ରଦ୍ଧା ସୁମନ ପ୍ରଦାନ କରାଯାଇ ତାଙ୍କ ସ୍ମୃତିଚାରଣ କରାଯାଇଥିଲା । ସ୍ୱର୍ଗତ ସିଂରାଏଙ୍କ ବ୍ୟକ୍ତିଗତ ଉଦ୍ୟମ କ୍ରମେ ଲୋଇସିଂହା ଠାରେ କଲେଜ ପ୍ରତିଷ୍ଠା ସମ୍ଭବ ହୋଇଥିବା ବେଳେ ସେତେବେଳେ ସେ କଲେଜକୁ ୫ ଏକର ଜମି ଦାନ କରିଥିଲେ । ଏଥି ସହିତ ଜଣେ ମିଷ୍ଟଭାଷୀ ଓ ଶିକ୍ଷାନୁରାଗୀ ଭାବେ ପରିଚିତ ସ୍ୱର୍ଗତ ସିଂ ରାଏ ଦୀର୍ଘବର୍ଷ ଧରି ପରିଚାଳନା ସମିତିର ସଭାପତି ଭାବେ ଦାୟିତ୍ଵନିର୍ବାହ କରିଥିଲେ । ତାଙ୍କ ବିୟୋଗ ଅପୂରଣୀୟ ହୋଇ ରହିବ ବୋଲି ମତ ପ୍ରକାଶ ପାଇବା ସହିତ ତାଙ୍କ ଅମର ଆତ୍ମାର ସଦଗତି ନିମନ୍ତେ ୨ ମିନିଟ ନୀରବ ପ୍ରାର୍ଥନା କରାଯାଇଥିଲା ।