ଡୁଙ୍ଗୁରିପାଲି, (କେପିଏନ୍ଏସ୍) : ଡୁଙ୍ଗୁରିପାଲି ସାହିତ୍ୟ ଓ ସାଂସ୍କୃତିକ ସଂସଦ ପକ୍ଷରୁ ବୁଧବାର ସ୍ଥାନୀୟ ଆର୍ଏମ୍ସି ଠାରେ ସାହିତ୍ୟିକ ଓ ଶିକ୍ଷାବିତ୍ ମଙ୍ଗଳୁ ଚରଣ ବିଶ୍ୱାଳ ଏବଂ ବର୍ଷିୟାନ ଅଭିନେତା ମିହିର ଦାସଙ୍କ ଅମର ଆତ୍ମାର ସଦ୍ଗତି ପାଇଁ ଏକ ସ୍ମୃତିଚାରଣ ସଭା ଅନୁଷ୍ଠିତ ହୋଇଯାଇଛି । ସଂସଦର ସଭାପତି ଡ. ସୁବାସ ପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ପୂର୍ବ ସଭାପତି ଲକ୍ଷ୍ମୀଧର ନାୟକ, ସଂପାଦକ ଅମୂଲ୍ୟ ବେହେରା, ଜୟଦେବ ମହାକୁର, ଗୋପାଲ ବାରିକ, ଚିତ୍ତରଞ୍ଜନ ବିଶ୍ୱାଳ ଓ ପବିତ୍ର ମୋହନ ପାଣ୍ଡିଆ ଯୋଗଦେଇ ସ୍ମୃତିଚାରଣ କରିଥିଲେ । ଏହି ସଭାରେ କରୋନା କଟକଣା ଯୋଗୁଁ ଆସନ୍ତା ୧୪ତାରିଖ ହେବାକୁ ଥିବା ମକର ମିଳନ ମହୋତ୍ସବକ ବାତିଲ କରାଗଲା ବୋଲି ସଂସଦର ସଭାପତି ଡ.ପାତ୍ର ଘୋଷଣା କରିଥିଲେ ।