ବଲାଙ୍ଗିର, (ଦେବାଶିଷ ମିଶ୍ର) : ବଲାଙ୍ଗିରର ସର୍ବ ପୁରାତନ ନାଟ୍ୟ ସଂସ୍ଥା ରାମଜୀପଡା ମିଳିତ ଜଗନ୍ନାଥପଡା ମନ୍ଦିର ପ୍ରାଙ୍ଗଣରେ ରାମଲୀଳା ଗୀତିନାଟ୍ୟ ଆରମ୍ଭ ହୋଇଯାଇଛି । ପ୍ରଥମ ଦିନରେ ଅହଲ୍ୟ ସାପମୁକ୍ତ, ତାଡକା ବଧ, ଶିବ ଧନୁ ଭଙ୍ଗ ସହ ସୀତା ବିବାହ ସମ୍ପନ୍ନ ହୋଇଯାଇଥିବା ବେଳେ ରୀତିନୀତି ମଧ୍ୟରେ ଆଜି ସକାଳୁ ଜଗନ୍ନାଥ ମନ୍ଦିରରେ ବିବାହ ଉତ୍ସବ ଧୁମ୍ଧାମ୍ରେ ପାଳନ କରାଯାଇଛି । ଏ ବର୍ଷ ପୁରାତନ କଳାକାର ସହ ନୂତନ ଗାଁ କଳାକାରକୁ ନେଇ ନାଟକ ମଞ୍ଚସ୍ଥ ହେଉଛି । ଆଖପାଖ ଅଞ୍ଚଳରୁ ନାଟକ ଦେଖିବା ପାଇଁ ଦର୍ଶକଙ୍କ ସୁଅ ଛୁଟୁଛି । କଳାକାରମାନଙ୍କ ଅଭିନୟକୁ ଦର୍ଶକ ଭୂରିଭୂରି ପ୍ରଶଂସା କରୁଛନ୍ତି । ସଦାଶିବ ରଚିତ ନାଟକ ପରିବେଷଣ ହେଉଥିବା ବେଳେ ଗୁରୁଶ୍ରୀ ବାଳମୁକୁନ୍ଦ ବେହେରା ନିର୍ଦ୍ଦେଶନା ଦେଇଛନ୍ତି ।