ପଦ୍ମପୁର, ( ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ଲାୟନ୍ସ କ୍ଲବ ନୃସିଂହନାଥର ସଭ୍ୟ ତଥା ପାଇକମାଲ ସରସ୍ଵତୀ ଶିଶୁ ବିଦ୍ୟା ମନ୍ଦିରର ସମସ୍ତ କର୍ମଚାରୀ ଓ ଛାତ୍ରଛାତ୍ରୀଙ୍କ ଉପସ୍ଥିତିରେ ଲାୟନ୍ସ କ୍ଲବର ସଭାପତି ଗୋବର୍ଦ୍ଧନ ଅଗ୍ରୱାଲଙ୍କ କରକମଳରେ ଫ୍ରିଜରର ଶୁଭ ଉଦ୍ଘାଟନ ହୋଇଯାଇଛି । ଏହି ସମୟରେ ପାଇକମାଲ ନୃସିଂହନାଥ ଲାୟନ୍ସ କ୍ଲବର ଜନହିତକର କାର୍ଯ୍ୟକଳାପ ଓ ଶିଶୁ ମନ୍ଦିରର ପ୍ରତିଷ୍ଠା ଓ ଲକ୍ଷ୍ୟ ସମ୍ପର୍କରେ ସଭାପତି ବକ୍ତଵ୍ୟ ରଖିଥିଲେ । ଲାୟନ୍ସ କ୍ଲବର ଏହି ମହତ କାର୍ଯ୍ୟରେ ଶିଶୁ ମନ୍ଦିରର ଶୁଦ୍ଧ ଓ ଥଣ୍ଡା ପାନୀୟ ଜଳ ପାଇ ପାରିବେ । ଏହି କାର୍ଯ୍ୟକ୍ରମରେ ରାମକୁମାର ଗୁପ୍ତା, ନନ୍ଦଳାଲ ନାୟକ, ମୀନକେତନ ବେହେରା, ଅଶୋକ ଜିନ୍ଦଲ, ସୁନ୍ଦରମଣି ନାୟକ, କୀର୍ତ୍ତନ ସୋନି, ଯୋଗେଶ୍ୱର ସାହୁ, ବେଦବ୍ୟାସ ସାହୁ, ଆଶା ସୁପକାର ଉପସ୍ଥିତ ରହି ଏହି କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଥିଲେ ।