ଖୋର୍ଦ୍ଧା : ଆଜକୁ ୩ ବର୍ଷ ତଳେ ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ୍ ଖୋର୍ଦ୍ଧାର ବରୁଣେଇରେ ପାଇକ ସ୍ମାରକୀ ଶିଳାନ୍ୟାସ କରିଥଲେ । ଏ ଅବସରରେ କଳିଙ୍ଗ ପାଇକ ସଂଗଠନ ପକ୍ଷରୁ ପାଇକ ସ୍ମାରକୀ ଶିଳାନ୍ୟାସ ସ୍ଥାନରେ ୩ ବର୍ଷ ପୂର୍ତ୍ତି ପାଳନ ହୋଇଯାଇଛି । ଆୟୋଜିତ କାର୍ଯ୍ୟକ୍ରମରେ ପାଇକମେଳି ଏବଂ ଏ ସମ୍ପର୍କିତ ଆଲୋଚନାଚକ୍ର ଅନୁଷ୍ଠିତ ହୋଇଥିଲା । ସଂଗଠନର ଉପଦେଷ୍ଠା ଭୀମସେନ ପ୍ରଧାନଙ୍କ ଅଧ୍ୟକ୍ଷତାରେ ସତ୍ୟବାଦୀ ବଳିୟାରସିଂହ, ରଞ୍ଜନ ମଙ୍ଗରାଜ, ରମଜାନ ଖାଁ ପ୍ରମୁଖ ଯୋଗଦାନ କରିଥିଲେ ।