କଣ୍ଟାବାଞ୍ଜି, (ମନୀଷ କୁମାର ହଂସ) : ସ୍ୱାଧୀନତା ପରବତ୍ତୀ ଓଡ଼ିଆ କବିତାର ଧରା ଓ ଧାରା ଶୀର୍ଷକରେ କଣ୍ଟାବାଞ୍ଜି ଡିଗ୍ରୀ କଲେଜର ସ୍ନାତକୋତ୍ତର ଓଡ଼ିଆ ଭାଷା ଓ ସାହିତ୍ୟ ବିଭାଗ ପକ୍ଷରୁ ଏକ ସମ୍ପାନ ଆୟୋଜିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ କଲେଜ ଅଧକ୍ଷ ସତ୍ୟବ୍ରତ ମିଶ୍ର ଯୋଗ ଦେଇଥିବା ବେଳେ ସରକାରୀ କଲେଜ ଅଧ୍ୟକ୍ଷ ଅଶୋକ ମହାପାତ୍ର ମୁଖ୍ୟ ଆଲୋଚକ, ଅଧ୍ୟାପକ କୌତୁକ ପନ୍ଦର, ଅଧ୍ୟାପକ ରତିକାନ୍ତ ନାୟକ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ପ୍ରଧ୍ୟାପକ ଲୋହିତାକ୍ଷ ଯୋଶୀ, ଅଧ୍ୟାପିକା ପ୍ରଭାସିନୀ ରାଉତରାଏ, କ୍ଷୀରୋଦ୍ର ମେହେର ପ୍ରମୁଖ ନିଜସ୍ୱ ବକ୍ତବ୍ୟ ପ୍ରଦାନ କରିଥିଲେ । ସ୍ୱରଚିତ ପ୍ରବନ୍ଧ ପାଠ କରିଥିଲେ ଛାତ୍ରୀ ମୁକ୍ତି ପ୍ରଗତି ପାତ୍ର, ଦୀପାଞ୍ଜଳି ମେହେର, ରୋଶନୀ ମେହେର ଓ ଛାତ୍ର ପ୍ରକାଶ ମହାନନ୍ଦ । ଛାତ୍ରୀ ସ୍ନିଗ୍ଧା ଥନାପତି ସଭା ପରିଚାଳନା କରିଥିବା ବେଳେ ଛାତ୍ରୀ ଉପମା ଦୀପ ଧନ୍ୟବାଦ ଅର୍ପଣ କରିଥିଲେ ।
